Yohana 14:26 - Biblía Axweesantá Hhohho' ar Mungú 2004

²⁶ Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Ya/abtór hho' 1977

²⁶ Ala alee/isusmoodá', Qeeruudá' hhoohhoó', kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám nuri inslawtimis tidá' sleémeero án naa kuungá' i kaahi.

Yohana 14:26 Iomraidhean Croise

WARA'AMI 51:11

Mi kwaahhaar dír geeraawoge, qeeruuwók oo Hhoohhoó' mu hingeesaar dir'eene.

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

ISAYA 63:10

Ala inooín tana dee/aanuút, qeeruuwós kudá' hhoohhoó' nguna gurhaamír ar ayé'. Gawaá adoorihe inós iri warqáy tari wakusmooín, inósuú kilá' iri amor'ín i muxuút.

Matayo 1:18

Xwaylár Yesu Kristo a adoorí: Maria aayór Yesu, Yosefu gana sa'axweés. Nee dír inooín tira duxuuti'iiká, naxés Maria kari tsaáhh tawa tsiiháy ar /uuruú Qeeruú hhoohhoó' oo Mungú.

Matayo 1:20

Ala qoomár iwa kaangwí axweesi malaykamoó Aako guna i daqáy ar baraá tlata, guri báy, «Yoséfu garmoó Daudi, ma da'ayuutaar Maria kawa dux, tawa hareerók, asma tsiihaywós oo Qeeruú hhoohhoó' oo Mungú.

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Marko 12:36

Daudi inósuú kilá' ar aleesleemuú Qeeruú hhoohhoó' oo Munguhe ina oó', ‹Mungú Aakooeé' guna báy. Iwiít bihhaaeé' awa doó /iyáy tam ay dír wakuuseerók ngi baraá dabaawók i qaás.›

Marko 13:11

Bar kuungá' tunda uhín, tunday huúw as tunduwa sakwasleemuuti, gár ta oa' ma geerií leelehhiitara', ala tidá' siiwadaádae tindi haniisi na ooaak. Asma heé axweés qoomaadae a kuungaeeká, a Qeeruú hhoohhoó' oo Mungú.

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Luka 1:41

Elisabeti laawoó Maria nguwa axás, na/oó niiná iri neét baraá guruuwós wa ale, Elisabeti kari hatsiís Qeeruú hhoohhoó' oo Munguhe.

Luka 1:67

Sakaria, baabuú Yohane kuri hatsiís Qeeruú hhoohhoó' oo Munguhe, iri aarín i kaahi,

Luka 11:13

Ala kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúduú gawaá doorí dirií' i ak waaraáhhiíke Qeeruú hhoohhoó' oo Mungú nguwa haniisi dír kudá' ngu firiiriima'a.»

Luka 2:25

Baraadá' Yerusalemuwo heeko i deer, umuuwós a Simeon. Inós a heé hota ganaá' oo Mungú gwa haratlintii'. Gurkwa/asár múk Israeli gan daamaarán ar haraxu'uti. Inós Qeeruú hhoohhoó' oo Mungú gu kón.

Luka 24:49

Nee ga/aawaagáy, Kudá' Baabuúeé' naa al'axweés aníng ngu amorhúngí ya/aáw. Ala kuungá' iwiwiité' baraaká' gixsarí wa ale, ay dír /uuruú gáwtá daáhh kway sleera'.»

Luka 3:22

Qeeruú hhoohhoó' oo Mungú nay aweér gawaawós i alé ar slaqsoó slaqwa adór hhooki, afo nay gawaá doorí wa ilawáts, i kat, «Kuúng a Garmaaeé', sla'aarusmooeé' aníng iga ló'wa qwal/atís.»

Yohana 1:33

Ala inós aníng ugwa xuiiká. Kudá' aníng iga ya/aaw as niwa baatimiis ar ma'aay, inós aníng ina báy, ‹Heé Qeeruú hhoohhoó' oo Mungú aa i aweér bura aán, kwí an kudá' baatimiís ar Qeeruú hhoohhoó' oo Mungú.›

Yohana 12:16

Hargeeraawo muruuwí eeharuuseerós gwa tsahhiká. Ala Yesu kuwa xirfayeés, kari insláy adór muruuwí kura daanduuwósí gooín, nee adór ira tleehharuút.

Yohana 14:16

Án Baabá u firiím, nee inós alee/isusmoó hatlá' ngu haniis as iwa dirhúng wa hooti ay alhhe'eesay wasle.

Yohana 14:25

«Tí ngina dirhúngí oó', qoomaarí niwa dirhúng i kaahh.

Yohana 15:26

«Alee/isusmoodá' binda hardáh, kudá' ni amorhúngí ya/aaw amór Baabá wa ale Qeeruuduú looeema, kudá' amór Baabá daáhh, inós aníng i lamabu'ún.

Yohana 16:7

Ala ar aníng ni dirhúng i oo' ar ló', ‹Dirhunge a tsiní án barnaxes aga tláw. Asma aníng bara tlawiiká, Alee/isusmo i amorhúngí hardihiiká. Ala bar án aga tláw, án ngu amorhúngií ya/aáw.›

Yohana 2:22

Aluuwo qoomár inós niwa waasleé/ baraá múk aa qaátl wa aleeró, eeharuuseerós kangwdá' Yesu aa káh guri insleér. Gooidá' gari haratlintí', nee /aymuudá' Yesu aa kaahi.

Yohana 20:22

Aluuwo tí ooaro ngiwa hhe'eés, giri i hiínsl, giri báy, «Qeeruú hhoohhoó' oo Mungú ilaoohaak.

Yohana 6:45

Kaa gooín baraá gooír aaruuseero tawa kaahi, ‹Muu sleémeero ku intsaahhatis nee Mungú.› Gawaá adoorihe, umuúqo heewo oo Baabá gwa axaas, nee gari dirós wa intsaatsaáhh, i amor'eé' hardah.

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

Tlehhema'aá ya/Abuuse 1:2

ay qoomaadá' inós kuwa ar tláy gawaá doori. Qoomaadae inós ya/abuuseerós tidá' aa tsawaár gana hara'ayiiyín ar /uuruú Qeeruú hhoohhoó' oo Mungú.

Tlehhema'aá ya/Abuuse 1:4

Tam qoomár inós nee ya/abuuse tiwa doogiyé', giri hara'ayín, iri oó', «Ma ti'iitara' baraá Yerusalemuwo, ala al'axweesantá Baabá na daamaak, tidá' taa dir'eé' wa axasé'.

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 11:16

/Aymuudá' Aako aa oó' nguri insláw, kudá' iwa oó', ‹Ar ló', Yohane ina baatimiís ar ma'aay, ala kuungá' tundu baatimiis ar Qeeruú hhoohhoó' oo Mungú.›

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 13:4

Barnaba nee Saulo kiri ya/aáw nee Qeeruú hhoohhoó' oo Mungú, tari /eét ay Seleukia. Nee tari didá' wa tláy baraá tláwtár alé ay Kipro.

Tlehhema'aá ya/Abuuse 15:28

Asma Qeeruú hhoohhoó' oo Mungú nee atén axweesani aga tsataán as huwár hatlá' makawa daandeemoohúng i qaás, ala a har tidá' kuungá' wa hariim.

Tlehhema'aá ya/Abuuse 15:8

Mungú munér muu ga xuu'. Nee inós Qeeruú hhoohhoó' guna dir'íní haniís adoodá' ngura dirén i haniís sleeme. Gawaá adoorihe gan laqaqán adór mukdá' ngura ya/án.

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Tlehhema'aá ya/Abuuse 28:25

Ala inooín awa kilá' ti slaslay'aaká, qoomár tawa tlatlay Paulo /aymi'iiká' ngina oó', «Qeeruú hhoohhoó' oo Mungú looeema gaa káh qoomár iwa axweés dír baabi'iihúng ar afkú aarusmo Isaya.

Tlehhema'aá ya/Abuuse 5:3

Petro iri oó', «Ananía, ahaá, Neetlaangw muunaáwók musungwa hatsiís, tam Qeeruú hhoohhoó' oo Mungú kuri lamtá beér, nee hariímadá' taa sleér yaamu kiwa weerís kari bahh ilá/.

Tlehhema'aá ya/Abuuse 7:51

«Kuungá' tundu sage gawdén. Slám munerhúng nee iaahúng a adór kuqaá múk Mungú xua'aaká. Umuúqo daqto kuungá' Qeeruú hhoohhoó' oo Mungú un siaiindá' adoodár baabi'iihúng sleeme naa tleehhiyé'.

Tlehhema'aá ya/Abuuse 7:55

Ala Stefano i haats Qeeruú hhoohhoó' oo Munguhe, ilaawós giri kiririhhín gawaá doori, xirfuú Mungú guri ár, nee Yesu aa sihhiít bihhaá dákw doó /iyáy oo Mungú.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

1 Korinto 12:3

Gawaá adoorihe án kuungá' nu xu'utís hee i kaahh oo axweés ar baraá Qeeruú hhoohhoó' oo Mungú oo káh, «Yesu ku lu'usi.» Nee slám heé taa geerahariiká nee Qeeruú hhoohhoó' oo Mungú, ga aleeslayká iwa ooi, «Yesu a Aako.»

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' oo Mungú masók i dinkwa nee kuungá' sleémeero.

2 korinto 6:6

Atén tin laqaqaamaán tawa sagadiyuusér Mungú ar adoodá' tara hootaán ar slafíngw hhohhó', nee ar xu'uti, nee ar qitla, nee hhooeema, nee ar Qeeruú hhoohhoó' oo Mungú kuwa koomaan, nee sla'aaridár ló'.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Efeso 1:17

Munguú Aakoorén Yesu Kristo, Baabuú xirfuú koóm, aníng un firiiriím, as kahhó' kuungá' nuwa qeeruú sagalooárí haniisi nee geehhooeema as inós kuwa xua'.

Efeso 4:30

Qeeruú hhoohhoó' oo Mungú mu gurhaamír ar awaara'. Asma Qeeruuwós an duguno direne oo atén tir tsaahhi adór tar mukós, bál deeloodá' inós atén tiwa gweeri.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.

2 Timoteo 1:14

Muruudá' hhó' tinda kuúng i saayín nee Mungú harmagahheek ar /uuruú Qeeruú hhoohhoó' oo Mungú, kudá' baraarén wa hoót.

Tito 3:5

inós atén tiri ba/amís. Ala gár tisa ba/amís a ooanaaká atén tlehhema'aá ganaa'á' ina tleehhaán, ala tina ba/amís as gurtleemuuwós. Mungú tina slafís ar hamtlitór laqwali'iimár /aben, tina /abeemiís ar Qeeruú hhoohhoó',

Ebrania 10:15

Asma Qeeruú hhoohhoó' oo Mungú sleeme i lamabu'ún. Geeraawo gár i kaahi a tí,

Ebrania 2:4

Tam Mungú inósuú kilá' sleeme ba/amarí gari lamabu'ún ar loohír laya nee muruú waa/oo/amo nee tlehhema'aá dimbadimbé awa /uuruú koomá', nee ar aleesleemuú dimbadimbé oo Qeeruú hhoohhoó' oo Mungú kuwa hanmiisi ar adoodá' inós i slai.

Ebrania 3:7

Gawaá adoorihe Qeeruú hhoohhoó' oo Mungú i kaahi, «Laarí bar afór Mungú aga axasé',

Ebrania 9:8

Gawaá adoorihe Qeeruú hhoohhoó' oo Mungú ga laqaaqán adór loohír tar dahi baraá matla/angwduú tsár oo heéma, oo ta babay Didá' ak Hhoohhoo' kara gweeriiká, asma ay hamí matla/angwduú geera oo heéma i kumiit.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

1 Yohana 2:27

Kuungá' tunda Qeeruú hhoohhoó' oo Mungú i haniís. Nee Qeeruuwí hhoohhoó' tinda kuungá' i haniís, inós bir baraahúng wa hoot, daqaní hee kuungá' gár nus intsaahhatimisi i káhh. Asma Qeeruudá' tinda kuungá' i haniís, inós mura' sleémeero ngu kuungá' i intsaahhatimis. Nee gár ni kuungá' i intsaahhatimisi a looeema, a lamtooká. Tidá' kuungá' nuwa intsaahhatimisi oohaak, ta baraawós wa hotá'.

1 Yohana 5:7

Asma awa ngu lamabu'uumá' a tám [gawaá dooriwo, a Baabá, nee Axweesani, nee Qeeruú hhoohhoó', ala kuká' tám a wak.

Yuda 1:20

Ala kuungá' sla'aaruuser'eé', ti kwa/ase' baraá haratlintaaorhúng tidá' ló'wa hhoohhooe, nee firiirimé' ar baraá /uuruú Qeeruú hhoohhoó' oo Mungú.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»