Yohana 14:23 - Biblía Axweesantá Hhohho' ar Mungú 2004

²³ Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Ya/abtór hho' 1977

²³ Yesu iri oó', “Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, tari hootaán amoorós wa ale.

Yohana 14:23 Iomraidhean Croise

IIMU/UUNGW 1:26

Naagáy Mungú iri oó', «Hee u tleehhaán ar tlehhmuurén, nee ar slaqsayrén. Nee inooín siyoó baraá tlawi ku sawaawuti'ii'ín, nee tsir/ór gáwtí tlatlaawa, nee makaá ta de'ena, nee makaá baraá sla/a sleémeero, nee muruú gur'eérár hi'iimita gawaá daanduú yaamuwo.»

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

WARA'AMI 90:1

AAKOÓ MUNGÚ, kuúng an dír hotaarén awa qari sleémeero.

WARA'AMI 91:1

Kudá' taa baáq nee Munguúdá' gáwtí dirií', kudá' aa iwiit baraá mahhtuú Munguú Aleesleemusmo,

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

Yohana 10:30

Aníng nee Baabá a wak.»

Yohana 14:15

«Án bira slaé', hara'ayar'eé' a otá'.

Yohana 14:17

Inós a Qeeruú looeema. Múk aa haratlintii'iiká Qeeruuwí gu ara'ariiká, slám gu tsatsahhanká. Gawaá adoorihe ilaooharo ku aleeslayká. Ala kuungá' u xuá', asma i dirhúngií dirii', nee iri baraahúng wá hoot.

Yohana 14:21

«Heé hara'ayar'eé' ga koóm, nee gaa oh, inós an kudá' aníng i slaá'. Nee heedá' aníng i slaá', inós sleeme ku slaa' nee Baabuúeé'. Nee án sleeme heedaádá' u slaá', nee tiri dirósí geehhoeés.»

Yohana 14:24

Heé aníng i sla'aaká, axweesanay'eé' gu oohiiká, nee slám axweesanaywí ta axamisa' a kwe'eeneeká, ala oo Baabuúdá' án iga ya/aaw.

Yohana 15:10

Kuungá' bar hara'ayar'eé' aga oté', a hotá' baraá sla'aarir'eé' wa ale, adoodá' aníng hara'ayár Baabuúeé' ngira óh, nee nira hoót baraá sla'aarirós wa ale.

Yohana 16:27

Asma Baabá inósuú kilá' kuungá' nu slaa', asma án kuungá' i sla'á', nee kari haratlintié' adór aníng nir amór Baabá daáhh.

Yohana 6:56

Heé slaqwte'eé' ga /aáy, nee heé tseerer'eé' ga wáh, inós i baraaeé' wa hoot, nee aníng a baraawós wa hoót.

Yohana 8:51

Án a kah, hee bar axweesante'eé' gaa óh, i baloó gwaaiiká.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Efeso 3:17

as Kristo iwa baraá munerhúng wa hooti ar haratlintaao. Án Mungú u firiiriím as kahhó' kuungá' dee/aruuhúng nee iihhafiirirhúng iwa baraá sla'aari,

1 Yohana 2:24

Tidá' kuungá' taa qaroó axasé' iimír iimu/uungo masók i baraahúng wa hót. Tidá' taa qaroó axasé', bir baraahúng wa hót, kuungá' daqaní sleeme a baraá Garmá wa hotá' nee baraá Baabá.

1 Yohana 2:5

Ala heé axweesantá Mungú gaa oh, baraawose sla'aarír Mungú aa ló'wa tleehharút, adór atén tar hootaán dinkwa nee Mungú, kay tsaahhaán.

1 Yohana 4:4

Laqwalór ninakw, kuungá' awa Mungú, nee kuungá' aaruuseedár lama aga arba/é', asma Mungú i baraahúng i dirii', nee inós ku úr ta Wakusmoó Kristo oo baraá yaamií diriia.

1 Yohana 5:3

Asma dabeerós bar iialooeemisaán, gár i laqaaqaan a atén Mungú u sla'aán. Slám bur sla'aán, dabeerós iialooeesaro ka gawdeeká.

2 Yohana 1:6

Sla'aari a tí, ta hootaán ar adoodá' Mungú tira hara'ayín. Tí an tidá' tinda hara'ayín, adoodá' kara axasé' qaroó alé iimír iimu/uungo tidá' kah, «Hooté' baraá sla'aarír wa ale.»

Geehhoeemaá 21:22

Ala Doó Mungú oo naa ár baraá gixsadae i kaahh. Asma Aakoó Munguú Aleesleemusmoó mura' sleémeero, nee Deelmoó bee/i, an Doó Mungú oo gixsadá'.

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.

Geehhoeemaá 22:3

Gár taa lu'ús nee Mungú ka baloó ariiká baraá gixsarihe. Ala kitangwduú aleesleemu oo Mungú nee oo Deelmoó bee/i i baraá gixsadá' i dirii'. Nee sagadiyuuseerós inós guri baraadá' wa sluufmís.