Yohana 14:2 - Biblía Axweesantá Hhohho' ar Mungú 2004

² Dír doó Baabuúeene hotángw yaariír i deer. Geera bar adooriheeká, án kuungá' naa ádbáw. Asma án hám a tláw, hotangwhúng nguwa amohhe'eesár aw.

Ya/abtór hho' 1977

² Dír doó Baabuúeene hotángw yaariír i deer. Geera bar adooriheeká, án geera kuungá' naa ádbáw. Asma án hám a tláw, hotangwhúng nguwa amohhe'eesár aw.

Yohana 14:2 Iomraidhean Croise

Luka 14:22

Lawaalmoodá' iri oó', ‹Aáko, tisíng sleémeero naa kát aa tleehharút, tam hamí do' aa hatsiiká.›

Yohana 13:33

Kuungá' na/aá ninakw, deelór aa met ka ureeká, án nee kuungá' tawa dinkwa. Án kuungá' iri leelehhitá', nee adoodá' múk Yahudi ngwa báw, án kuungá' sleeme nun adoodá' báw, niwa kah, ‹Amoodá' án ni kaw, kuungá' hardahamu ngu aleesleera'aaká.›

Yohana 13:36

Simon Petro iri oó', «Aáko, amór kuúng ta keer a amá?» Yesu iri oó', «Amór án ni kaw, kuúng eeharto i aleesleeraaká hamí. Ala i eehát aluuwo.»

Yohana 14:28

Aga axasé' tidá' kuungá' nuwa báw, ‹Aníng a tláw, slám ni malé kií/ amorhúng i alé.› Geera bar aníng iga slaé', alók aga qwala/é' asma a tláw amór Baabá. Asma Baabá ku úr ta aninge.

Yohana 16:4

Ala án tí ngina dirhúng i oó' as kahhó' qoomaadá' bira xeér, kuungá' tí ka insleerá' asma ngaa geerií oó'.» «Tí iimu/uungo gár ngisa ooiiká, asma án nee kuungá' a dinkwa.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

Tlehhema'aá ya/Abuuse 9:16

Aníng adór slahha'amaayér yaariir ir inós wa hariín sleemuuwo as aníng a dirósí laqaám.»

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

1 Tesalonike 5:9

Asma Mungú atén taa tleehhiiká as sakwasleemaarós kawa slawaan, ala tina tleéhh as ba/ama kawa slawaan ar loohír Aakoorén Yesu Kristo.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 11:10

Asma Abrahamu gár i haraxui, a gixsadá' Mungú aa geerií aldakuút as ngiwa tleehhi, nee gari tleéhh, gixsadá' iihhafiirír hhoo' ga koom.

Ebrania 13:14

Asma baraakaá yaamuwo gixsár ak hoot a koomanaaká, ala atén gixsadá' hardah an leelehhiitaán.

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 9:8

Gawaá adoorihe Qeeruú hhoohhoó' oo Mungú ga laqaaqán adór loohír tar dahi baraá matla/angwduú tsár oo heéma, oo ta babay Didá' ak Hhoohhoo' kara gweeriiká, asma ay hamí matla/angwduú geera oo heéma i kumiit.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.

Geehhoeemaá 3:12

Heedaádá' arba/ati gaa slay, aníng inós un uhumoó Doó Munguúeé' tleéhh, nee baraadaádae iri ti'iitiiká baloó ale. Nee gawaawose aníng umuú Munguúeé' un gooiím, nee umuú gixsár Munguúeé', Yerusalemudá' /aben, tidá' awdiit gawaá dooriiwo amór Munguúeé' wa ale. Nee slám aníng umuueé' kudá' /abén u gooiím.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.