Yohana 14:10 - Biblía Axweesantá Hhohho' ar Mungú 2004

¹⁰ Kuúng aga haratlintiakáhe adór aníng tar baraá Baabá, nee Baabá ir baraaeé'? Axweesanaywí ni kuungá' i kah, u kahaaká ar aleesleemuueé'. Ala Baabuúdá' baraaeé' i dirií', in gadiyeérós tleehh.

Ya/abtór hho' 1977

¹⁰ Kuúng aga haratlintiakáhe gídaabá aníng a baraá Baabá, nee Baabá i baraaeé'? Axweesanaywí ni kuungá' i kah, u kahaaká ar aleesleemuueé'. Ala Baabuúdá' baraaeé' i dirií', in gadiyeérós tleehh.

Yohana 14:10 Iomraidhean Croise

Yohana 10:30

Aníng nee Baabá a wak.»

Yohana 10:38

Ala án bar gadiyeé aga tleéhh, ala án tim haratlintatia'aakahe, gadiyeédá' naa tleéhh na haratlintiaak. Asma kuungá' kawa xua' nee kawa tsahha' adór Baabá ir baraaeé', nee aníng tar baraá Baabá.»

Yohana 11:26

Nee kudá' slaáf, nee aníng iri haratlintii', inós i baloó gwaaiiká ay slafíngw alhhe'eesay wásl. Xáy, tí aga haratlintí'i?»

Yohana 12:49

Asma aníng aga axweesiiká ar sla'aarir'eé' kilós. Ala Baabuúdá' aníng iga ya/aaw, inósuú kilá' ina hara'ayín daanduú tidá' ni ooa nee tidá' ni axweesa.

Yohana 14:11

Án na haratlintiiaré' adór aníng tar baraá Baabá, nee Baabá ir baraaeé'. Ala bar kuungá' a haratlintatia'aaká, haratlintiaak as tlehhemi'iiká'.

Yohana 14:20

Baldá' kuungá' a tsahhá' adór aníng tar baraá Baabá, nee kuungá' tar baraaeé', nee án tar baraahúng.

Yohana 14:24

Heé aníng i sla'aaká, axweesanay'eé' gu oohiiká, nee slám axweesanaywí ta axamisa' a kwe'eeneeká, ala oo Baabuúdá' án iga ya/aaw.

Yohana 17:8

Asma axweesanaydá' naa aníng i ó', aníng ugwa dir'íní oó', nee inooín kwaa ya/án, kari ló'wa xuú' adór amór i dahhi tar amoorók, kari haratlintií' adór án heé iga ya/aaw tar kuúng.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 5:17

Ala Yesu inooín giri báy, «Baabuúeé' i gadiyuus tam hamí, nee aníng sleeme an gadiyuús.»

Yohana 5:19

Yesu iri oó', «Án a kah, Garma gár tleehharo kilós i aleeslay i káhh, aqo har tidá' Baabá i tlehhiiti gan tleehh. Asma tidá' sleémeero Baabá i tlehhiiti an tidá' Garma i tlehhiiti.

Yohana 7:16

Yesu iri oó', «Intsaahhasar'eé' a te'eeneeká, ala ar kudá' aníng iga ya/aaw.

Yohana 8:28

Yesu iri oó', «Qoomár bar Garmoó Hee tleesár gawto ugwa hhe'esé', daqaní a tsahhá' adór aníng tar kudá'. Nee daqaní a tsahhá' adór án gaa ngir kilooeé' tleehhaaká, ala adoodá' Baabá aníng ira intsaahhatís, an adoodá' ni axwees.

Yohana 8:38

Tidá' án naa ár dír Baabá wa ale, an tidá' ni axwees. Nee tidá' kuungá' taa axasé' dír baabuúhúng wa ale, an tidá' ta tlehhita'.»

Yohana 8:40

Tidá' ló' naa amór Mungú wa axaás, ngin kuungá' babáw, ala tam adoorihe kuungá' i gaasár wa sla'á'. Ala Abrahamu adoosíng gaa tleehhiiká.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

2 korinto 5:19

Gídaabárós a tí, «Mungú muu guna haraki/ís nee inós ar baraá Kristo, as muu munguwa tlakweemaaín i harafaár. Nee slám axweesantá haraki/isa ngaa qaás baraá muneeréní alé.»

Kolosai 1:19

Asma Mungú gana slaá' Munguiimarós sleémeero iwa baraá Garmá i diri'.

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

1 Yohana 5:7

Asma awa ngu lamabu'uumá' a tám [gawaá dooriwo, a Baabá, nee Axweesani, nee Qeeruú hhoohhoó', ala kuká' tám a wak.