Yohana 13:4 - Biblía Axweesantá Hhohho' ar Mungú 2004

⁴ Yesu iri dír muruú /aymár wa tláy, inqwaarirós gari bihhií qaás. Nee inqwaarír niina gari taataáhh gari afeetlí tseék.

Ya/abtór hho' 1977

⁴ Gawaá adoorihe Yesu iri tláy dír muruú /aymár wa ale, inqwaarirós gari bihhí qaás. Nee inqwaarír niina gari taataáhh gari afeetlí tseék.

Yohana 13:4 Iomraidhean Croise

2 WAAWITÁ 3:11

Waawutmo Yehoshafati giri yaahaás, «Xáy aarusmoó AAKOÓ MUNGÚ diirihe i káhhi oo ta yaahasaan daanduú AAKOÓ MUNGUHE?» Sagadiyusmoó wák oo waawutmo Yoram oo Israeli iri oó', «Elisha garmoó Shafati i diirí, inós aáng a sagadiyusmoó Eliya.»

Luka 12:37

Múk amohhoó' a sagadiyuuseedá' aakooín binda hardáh i dala'amaayérí ay. Án a kah, inós in siinootín, nee sagadiyuuseedá' gari dahi'is dír muruú /ayma, gari muruú /aymárí qasmiis.

Luka 17:7

«Ar slaqsaywo heé wák baraahunge i lawaalmoó kón oo qaymór doósl, laqaá oo bee/ángw de'eém. Lawaalmoowí birna harakií/ baraá qaymór wa ale, aakoowós gu báya, ‹Qwaláng ar gaanslaay, /ayiím.›

Luka 17:8

Un beéraáke, ‹Muruú /aymar'eé' tleehhang. Ti amohhe'es iwa sagadiyus qoomár án niwa /ayiim nee niwa wahaam. Daqaní kuúng ta /ayiín nee ta wahaán.›

Luka 22:27

Ala heé úr a gaalá? A kudá' aa iwiíti dír muruú /ayma, laqaá kudá' gu sageqasmiís? Ahaá, a kudá' aa iwiítiíke dír muruú /ayma? Ala án baraá tla/angwhunge a adór sagadiyusmo.

Yohana 13:12

Qoomár ya'aaín hamtlooro ngiwa hhe'eés, inqwaarirós gari tsiít, iri iwiít, eeharuuseerós gari báy, «Xáy, tí naa kuungá' i tleéhh aga tsahhí'i?

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

1 Yohana 3:11

Asma kaangwí ugwa qaroó axasé' iimír iiumu/uungo, tawa kaahi, «Atén ti kilootén sla'asla'aané'.»