Yohana 13:31 - Biblía Axweesantá Hhohho' ar Mungú 2004

³¹ Alaá Yuda iwa ti'iít, Yesu iri oó', «Daxta Garmoó Hee kwa xirfayeés, nee Mungú kwa xirfayeés baraawós ar alé.

Ya/abtór hho' 1977

³¹ Yuda iwa ti'iít, Yesu iri oó', “Daxta Garmoó Hee kwa xirfayeés, nee Mungú kwa xirfayeés baraawós ar alé.

Yohana 13:31 Iomraidhean Croise

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Luka 12:50

Ala baatiísmo u sláw oo tir baatisi. Hamí aníng a baraá slahh'amuú yaariír i dirií' ay dír i boo/i.

Yohana 11:4

Ala qoomár Yesu kaangwí nguwa axaás, iri oó', «Tiqtisíng ar gwa'araarooká, ala as xirfuú Mungú, as Garmoó Mungú iwa xurfuuti ar tiqtisíng.»

Yohana 12:23

Yesu inooín giri báy, «Siiwa aa xeér ar Garmoó Hee kuwa xirfayeesi.

Yohana 12:28

Baabá, kuúng umuuwók xirfayeeseek.» Aluuwo afo niri gawaá doorií wa ilaawáts, ar kah, «Ugwa xirfayeés, nee hám u malé xirfayeés.»

Yohana 14:13

Nee umuúqo gár kuungá' ta fiririinda'a ar umuueé', án ngi tleéhh, as Baabá iwa xirfuuti ar baraá Garma.

Yohana 16:14

Inós aníng i xirfayees, asma tidá' i dir'eé' wa slay, ngin dirhúngí oo'.

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

Efeso 1:12

Asma a sla'aarirós atén tawa xirfuuwós tleehhitaan baraá Kristowo, ateédá' Kristo ugwa geerií harahhifoórí gaasaan.

Efeso 2:7

Adoorí gana tleéhh as ngiwa laqan dír qari sleémeerowo ar hardah adór gurtleemuuwós kur úr direne baraá Kristo Yesuwo.

Efeso 3:10

Gár geeraawo ngusa luú/, a as sagalooarós ar yaariir ngiwa xu'utisi qoomaarihe dír waawitá nee dír kudá' aleesleemuú koomá' baraá yaamaá qeeruuwo ar loohír mukdá' inós gwa haratlintii'.

Filipi 2:11

Nee umuúqo heewo i ooi, «Yesu Kristo a Aako,» as Mungú Baabá kuwa xirfayeesi.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.