Yohana 13:27 - Biblía Axweesantá Hhohho' ar Mungú 2004

²⁷ Yuda /aarmoodá' /aymaaro nguwa hhe'eés, Neetlaangw guri áy. Yesu iri oó', «Tidá' ta tleehhamór wa sla', tleehheek ar gaanslaay.»

Ya/abtór hho' 1977

²⁷ Yuda /aarmoodá' /aymaaro nguwa hhe'eés, Neetlaangw guri áy. Yesu iri oó', “Tidá' ta tleehhamór wa sla', tleehheek ar gaanslaay.”

Yohana 13:27 Iomraidhean Croise

1 WAAWITÁ 18:27

Qoomár /ameetleemuuwo Eliya giri i tlatláy niqimisuuwo, ngiwa babay, «Firiimé' ar afór ur ló' wa alé. Inós a mungú! Hám siiwarkaaro gár i aldakuuti i deer, laqaá aa /o/ór áy, laqaá i baraá aai, laqaá siiwarkaaro aa guú', kár ala i hariín kuwa tlesa'.»

WARA'AMI 109:6

Heé tlaákw qaaseek kwasleemár wakusmooeé' wa ale, wakuusmooeé' ku sakwasleemuti nee heé nee inós ti waká'.

AXWEESANOÓ SAGALOOA 1:16

Asma ya'aaín i gaansliná' baraá tlakweema, inooín i kararasliyá' as tseere kawa ku'uusi.

DAHARUSMO 9:3

Gaarí ka ló'wa tlaakw baraá mura' sleémeero oo ti'imiita baraakaá yaamuwo, tí sleémeero alhhe'eesaay tawa wak, slám malé ale, hee baraá hotaawose aa haáts tlakweema nee slarhhamko, aluuwo iri gwaa'.

DANIELI 2:15

Danieli Arioko guri yaahaás, iri oó', «Ahaá hara'ayaarír waawutmo mis ak adoorír xarásl.» Aluuwo Arioko kángw aa tleehharuut guri oó' dír Danieli.

Matayo 12:45

in tleér, neetlaamér hatlá' faanqw gan léhh, ar ak tlakw inós ba/a. Nee tari dah, tari baraadá' wa hoot. Nee tlehhemuú heewí in ak tlakúy ló'wa ale ta kuduú geera ba/a. Adoorí an adoodá' mukwí tlákw oo de'emaaká' ku laqi.»

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Marko 6:25

Hamtidár kilá' dasi nina kí/ ar gaanslaay ay dír waawutmo, guri firiín, «Gár ni slaa' a ságw Yohanedá' Baatimaamiís hamír kilá' baraá xooslmoó i qaasang.»

Luka 22:3

Neetlaangw Yudadá' ta babay Iskarioti guri áy. Nee inós a eeharusmoó wák baraá eeharuuseedár mibaá nee tsare.

Yohana 13:2

Qoomár tsiindoowo Yesu nee eeharuuseerós ta dír muruú /aymár i dirii'. Yuda, garmoó Simon Iskarioti, Neetlaangw gwaa áy gari slaá' Yesu nguwa saki/i.

Yohana 13:28

Ala baraá mukdá' aa dír muruú /aymár i iwiiti, tam heé wák i kaahh, oo gaa xuu', gár kusa adoodá' báy.

Yohana 6:70

Yesu iri oó', «Ahaá, án kuungaásingá' mibaá nee tsár naa tsawaáriíke? Ala oo wák baraahunge a neetlaangw.»

Tlehhema'aá ya/Abuuse 5:3

Petro iri oó', «Ananía, ahaá, Neetlaangw muunaáwók musungwa hatsiís, tam Qeeruú hhoohhoó' oo Mungú kuri lamtá beér, nee hariímadá' taa sleér yaamu kiwa weerís kari bahh ilá/.