Yohana 13:18 - Biblía Axweesantá Hhohho' ar Mungú 2004

¹⁸ «Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›

Ya/abtór hho' 1977

¹⁸ “Án iidíguú naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí i bo/, ‘Kudá' muruú /aymar'eé' gwa /aay, aa wakusmooeé' tleehhiít.’

Yohana 13:18 Iomraidhean Croise

WARA'AMI 41:9

Tam mulqumooeé' kudá' afhhamít, kudá' naa harahhiíf, kudá' nee aníng al/ayayimá', inós iga sakií/.

YEREMIA 41:2

Ishmaeli garmoó Netania nee mukós kuduú mibaangw Gedalia garmoó Ahikamu garmoó Shafani nguri gaasiyé' ar paánga. Gedaliawí an kudá' taa tsawaár aáng nee waawutmoó Babuloni as tawa ga/aawusmoó yaamu.

Matayo 10:36

Wakuusér hee a múk do'ósuú kilá'.

Matayo 26:21

qoomár tawa /ayin, Yesu iri oó', «Án a kah, heé wák baraá tla/angwhunge aníng i sakii/.»

Matayo 26:23

Yesu iri oó', «Heé nee aníng aga altsaakwaan baraá isaangi, an kudá' aníng i sakií/.

Marko 14:17

Qoomár tsiindowo Yesu nay hardáh nee eeharuuseedá' mibaá nee tsár.

Marko 14:18

Qoomár inooín tawa /ayin, Yesu giri báy, «Án a kah, heé wák dirhunge oo nee aníng al/ayiimá', án i sakii/.»

Marko 14:20

Giri báy, «A heé wák baraá kuungaáká' mibaá nee tsare, oo nee án altikimiisá' baraá isaangi.

Luka 22:21

«Ala qaytsité', dákw heedaádá' aní sakií/, i dinkwár i dirii' nee kwe'eé' diirír muruú /aymaaro.

Yohana 13:21

Yesu axweesanaywí ooaro nguwa hhe'eés, iri amoqwaár baraá muunaáwose. Iri oó', «Án a kah, heé wák baraá tla/angwhunge aníng i sakii/.»

Yohana 13:22

Eeharuuse tiri kilooín i qaytsimít, tari xuruút tawa kaahi, «Heé i daanda axweesi a heemá?»

Yohana 13:26

Yesu iri oó', «Án /aarmoó fa/a bura tsaákw nee heedaádá' ngway haniis, an inós.» /Aarmo guri tsaákw, guri haniís dír Yuda, garmoó Simon Iskarioti.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

Yohana 15:25

Adoorí ina tleehharút as /aymuudá' taa gooín baraá hara'ayar'ín iwa boo/i, kudá' káh, ‹Aníng ina tawó aahhiyé'.›

Yohana 17:12

Qoomár án niwa dinkwár i dirii' nee inooín, aníng iga xuúm ar /uuruú umuuwók kudá' naa hanís, ngiri amohhe'eemiís. Ala tam baraaine heé wák aa qwaar i kaahh, aqo har heedá' taa qwanáy i harafaár iimír iimu/uungo, as Gooi iwa bo/.

Yohana 18:32

Tí ina tleehharút as /aymuudá' Yesu aa oó' iwa boo/i. Asma inós loohír ir gwaai gaa geerií oó'.

Yohana 19:24

Askaári iri kilooín axwés iwa kat, «Hiyaay u feehhisaanaaká. Ala un tsawdoórí tleehhaán, áx heé gu sláw a heemá.» Adoorí ina tleehharút asma Gooi iwa bo/, tidá' kah, «Tlabaaeé' kina qasmiís baraá tla/angw'ín wa ale. Nee hiyay'eé' kuna tsawdoórí tleéhh.» An adoodár askaáridá' aa tléhh.

Yohana 19:36

Kaangwí ina tleehharút as Gooi iwa bo/, tidá' kah, «Tam fartós ar ta geeqay i káhh.»

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Yohana 6:70

Yesu iri oó', «Ahaá, án kuungaásingá' mibaá nee tsár naa tsawaáriíke? Ala oo wák baraahunge a neetlaangw.»

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 1:2

ay qoomaadá' inós kuwa ar tláy gawaá doori. Qoomaadae inós ya/abuuseerós tidá' aa tsawaár gana hara'ayiiyín ar /uuruú Qeeruú hhoohhoó' oo Mungú.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.