Yohana 13:10 - Biblía Axweesantá Hhohho' ar Mungú 2004

¹⁰ Yesu iri oó', «Heé aa qaroó hamtlin, gár is malé hamtlin i káhh, aqo har ya'a' hamaatla kilós. Asma slaqwtós sleémeero ka hhoohhoo'. Nee kuungá' tundu hhohhó', ala kuungá' sleémeerowooká.»

Ya/abtór hho' 1977

¹⁰ Yesu iri oó', “Heé aa qaroó hamtlin, gár is malé hamtlin i káhh, aqo har ya'a' hamaatla kilós. Asma slaqwtós sleémeero ka hhoohhoo'. Nee kuungá' tundu hhohhó', ala kuungá' sleémeeroowooká.”

Yohana 13:10 Iomraidhean Croise

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

DAA'AANGW 4:7

Ga/aaweek, adór tir hhoohhoó', sla'aaruso'or'eé', kiíng gár tiwa /aár i káhh.

YEREMIA 50:20

AAKOÓ MUNGÚ i kaahi, «Qoomaadae nee daqtadae tlakweema ki leelehhiit yaamaá múk Israeliwo, ala ki ariiká. Dakuús ka leeleehh yaamaá Yudawo, ala ka harasliqitiiká asma aníng panaydá' aa meet u gurtláw.»

TLAHHOÓ LAÁWI 16:26

Heedaádá' gurtuudá' gwaa huuw amór Asaseli geeraá kilae tlabaawós gin hhuunts, iri hamtlín, daqaní iri sangw dah baraá xafi.

TLAHHOÓ LAÁWI 16:28

Heedaádá' gi daá/ tlabaawós gin hhuunts nee iri hamtlín, daqaní iri sangw dah baraá xafi.»

Matayo 6:12

Tlakweemaarén gurtlaweek, adór atén múk tis dakumaamiís kur gurtlaatlawaan.

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›

Yohana 13:9

Simon Petro iri oó', «Aáko, a ya'a' kilooineeká, ala tam daba' nee saga sleeme hamaatleek.»

Yohana 15:3

Kuungá' aga qaroó hhoohhoouuré' asma axweesantadá' naa kuungá' báw.

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.