Yohana 12:5 - Biblía Axweesantá Hhohho' ar Mungú 2004

⁵ «Ahaá, mooyaangwí mus kwa weerisiiká ar shiliíngi tsiire tám, nee shiliíngirí kari liitlakuusér i haniis?»

Ya/abtór hho' 1977

⁵ “Ahaá, mooyaangwí mus kwa weerisiiká ar shilíngi tsiire tám, nee shilingirí kari liitlakuusér i haniis?”

Yohana 12:5 Iomraidhean Croise

ESRA 4:14

As adoodá' atén tawa sagadiyuuseerós ar inkihhím i hariindaaká waaqa'amaá waawutmo kiwa araan, ala an gár waawutmo ngusa afoórí ya/aawaán.

TI'INAANGW 5:17

Ala inós inooín giri báy, «Kuungá' a tli/uuse, tli/uusér kilá', an gár tas kata', ‹Atén ti geemeer as ilahhooár muruú ta tsu/i ngiwa haniisár awaan dír AAKOÓ MUNGÚ.›

TI'INAANGW 5:8

Ala faarór matofaáli miwa /aaruúr ló' dír tidár geeraawo, asma inooín a tli/uuse, an gár is /aa/amina' tawa kaahi, ‹Atén ti geemeer as ilahhooár muruú ta tsu/i ngiwa haniisár awaan dír AAKOÓ MUNGÚ.›

AMOS 8:5

Slám a malé kata', «Slahhángw /abén xaylá u oohaán as balangwrén kuwa iimu/umaan weeramisuuwo? Nee deelór Sabaáto i fak a xaylá as balangwrén kuwa weeramisuú awaan? Xooslmoduú qoomeemes kuri afa fiitsaán as peésár yaariir kawa slawaan, muu un al/agiimaán ar qoomoó lama.

Matayo 18:28

«Ala lawaalmoodá' iwa didá' wa tláy, lawaalmooko nee inós al gadiyumamiisá' guri ár, oo iinaarós koóm ar shiliíngi tsiiruú wák. Guri óh, guri tsaweér, guri báy, ‹Iinar'eé' ay dír ngi bu' laarí.›

Matayo 20:2

Tana al'axweés nee inós, umuú heewo nguwa bui ar shilingmoó wák tlaatla/aangw sleémeerowo. Giri huúw ay baraá qaymoorós ar sabiíbu.

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 18:22

Qoomár Yesu tí ngiwa axaás, guri báy, «Tam hamí gár wák uga wa /aaruúr. Muruudá' ta koon sleémeero weeriseek, nee peésaadá' ta sleer ka narkuutér i qasmís. Daqaari'iimarók a gawaá doorí eér. Daqaní ni hardát, aníng i eehát.»

Luka 6:41

«Kuúng mas suwito'ór baraá iltá heewók an ga/eér, ala waaqaasír baraá iltók a tsatsahhaandaaká?

Yohana 12:4

Ala Yuda Iskarioti, kudá' wák baraá eeharuusér Yesuwo, inós an kudá' Yesu gu sakií/. Inós iri oó',

Yohana 12:6

Inós adoorí gaa ooiiká as liitlakuuse ngiwa gurtláy, ala asma inós tawa fisusmo. Nee inós a heé tlakwayduú peésa gu amohhe'eemamiís. Inós peésaadá' ta baraadií qamaamin gan fisaasín.

Yohana 13:29

Eeharuuse bahh'alé geera ngi xu', Yesu Yuda guna báy, «Muruudá' ta sla'aan as deelór ur tlaxwang,» laqaá liitlakuuse ngiwa gaárí haniisi, asma Yuda tawa heé tlakoó peésár amohhe'eemaamiís.

Yohana 6:7

Filipo guri báy, «Mikaátér shiliíngi tsiire tsár sleeme i bu'utaká, tam ka dir'ín i niinaweemisi.»