Yohana 12:49 - Biblía Axweesantá Hhohho' ar Mungú 2004

⁴⁹ Asma aníng aga axweesiiká ar sla'aarir'eé' kilós. Ala Baabuúdá' aníng iga ya/aaw, inósuú kilá' ina hara'ayín daanduú tidá' ni ooa nee tidá' ni axweesa.

Ya/abtór hho' 1977

⁴⁹ Asma aníng aga axweesiiká ar sla'aarir'eé' kilós. Ala Baabuúdá' aníng iga ya/aaw, inósuú kilá' ina hara'ayín daanduú tidá' ni ooa nee tidá' ni axweesa.

Yohana 12:49 Iomraidhean Croise

Yohana 14:10

Kuúng aga haratlintiakáhe adór aníng tar baraá Baabá, nee Baabá ir baraaeé'? Axweesanaywí ni kuungá' i kah, u kahaaká ar aleesleemuueé'. Ala Baabuúdá' baraaeé' i dirií', in gadiyeérós tleehh.

Yohana 14:24

Heé aníng i sla'aaká, axweesanay'eé' gu oohiiká, nee slám axweesanaywí ta axamisa' a kwe'eeneeká, ala oo Baabuúdá' án iga ya/aaw.

Yohana 14:31

Ala tí in tleehharút as muu ngiwa tsaahhi adór án Baabá ngur slaá', nee tidá' Baabá naa hara'ayín an tleéhh. «Gawaá adoorihe, sihhiitaré', quutlaré', diirí geexaware'.»

Yohana 15:15

Án kuungá' nu malé lawaalér ar ateetimaaká, asma lawaalmo gár aakoowós i tleehhi ga xuiiká. Ala án kuungá' nun mulqér ar ateetiím, asma tidá' sleémeero án naa axaás amór Baabuúeé' wa ale, nga kuungá' i oó'.

Yohana 17:8

Asma axweesanaydá' naa aníng i ó', aníng ugwa dir'íní oó', nee inooín kwaa ya/án, kari ló'wa xuú' adór amór i dahhi tar amoorók, kari haratlintií' adór án heé iga ya/aaw tar kuúng.

Yohana 3:11

Ar ló' án a kah, tidá' ta xuaan an kaahaán, nee tidá' taa araán an lamabu'uumaán, ala lamabu'ungwrén kuungá' u ya/a/aanda'aaká.

Yohana 3:32

Muruudá' aa ár nee aa axamiís an kudá' i lamabu'un, ala heé lamabu'uungós gu ya/a/aám i kaahh.

Yohana 5:19

Yesu iri oó', «Án a kah, Garma gár tleehharo kilós i aleeslay i káhh, aqo har tidá' Baabá i tlehhiiti gan tleehh. Asma tidá' sleémeero Baabá i tlehhiiti an tidá' Garma i tlehhiiti.

Yohana 5:30

«Aníng gár ni kilooeé' tleehh i káhh. Aníng an sakwasleemuút ar adoodá' Baabá naa oó'. Nee sakwasleemar'eé' i ganá', asma aníng sla'aarir'eé' a leelehhiitaaká, ala ar Baabá, kudá' aníng iga ya/aaw.

Yohana 6:68

Simon Petro Yesu guri báy, «Aáko, amór ta kawaan a amór heemá? Asma kuúng axweesantá slafíngw alhhe'eesay wásl a koón.

Yohana 7:16

Yesu iri oó', «Intsaahhasar'eé' a te'eeneeká, ala ar kudá' aníng iga ya/aaw.

Yohana 8:26

Aníng axweesanoó yaariír u koóm, nee sakwasleemár yaariir ngiwa kah daandeemoohunge. Kudá' aníng iga ya/aaw, inós a looeema. Nee aníng tidá' naa axaás dirós wa ale, an tí ni kah dír múk i alé.»

Yohana 8:28

Yesu iri oó', «Qoomár bar Garmoó Hee tleesár gawto ugwa hhe'esé', daqaní a tsahhá' adór aníng tar kudá'. Nee daqaní a tsahhá' adór án gaa ngir kilooeé' tleehhaaká, ala adoodá' Baabá aníng ira intsaahhatís, an adoodá' ni axwees.

Yohana 8:42

Yesu iri oó', «Mungú geera bar baabuúhúng, án geera kuungá' iga slaé'. Asma án amór ni daahh a amór Mungú. Niri hardáh amoorí alé. Ala naa hardihiiká as sla'aarir'eé', ala án Mungú ina ya/aáw.

DABE 18:18

Aníng aarusmoó adór kuúng u baraá tla/angwhúng wa tsawaár, nee aníng axweesante'eé' a baraá afkós i qaás, inós tidá' sleémeero aníng ngwaa báw ngi dirhúng í oo'.

Geehhoeemaá 1:1

Gaarí a gár Mungú aa geehhoeés dír Yesu Kristo, as Yesu Kristo muruudá' hardáh ar gaanslaay nguwa laqan dír sagadiyuuseerós. Kristo malaykamoowós guri ya/aáw amór sagadiyusmoowós Yohane, as muruuwí nguwa dirós i laqan.