Yohana 12:35 - Biblía Axweesantá Hhohho' ar Mungú 2004

³⁵ Yesu iri oó', «Qoomár niinawe gwa/aateema i kumiitiyá' iwa gwa/aatiya' dirhunge. Hi'iimité' ar baraá gwa/aateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Ya/abtór hho' 1977

³⁵ Yesu iri oó', “Qoomár niinawe gwa/ateema i kumiitiyá' iwa gwa/aatiya' dirhunge. Hi'iimité' ar baraá gwa/ateemaaká', giwti munduwa ót. Asma hee bir baraá giwtír wa hi'iimiit, amór i kay ga xuiiká.

Yohana 12:35 Iomraidhean Croise

AXWEESANOÓ SAGALOOA 4:19

Ala loohír múk tlákw a adór ma/amír aa qipit, Gár inooín gi gee/asliim ngi xuiaaká.

ISAYA 2:5

Kuungaá doó Yakobo, qwalaasé' a hootaán, baraá gwa/aateemaá AAKOÓ MUNGÚ wa ale.

YEREMIA 23:12

Gawaá adoorihe, loohir'ín tí dir'ine a adór loohír tar ninkiriitsiti ay baraá giwti, tidá' inooín kiwa tliwii/i niri huuhu'uná'. Asma aníng i amotlakwérí huúw qoomár muxtar'ín birna xeér. Anuú AAKOÓ MUNGÚ tí ngina oó'.

Luka 18:37

Kuri báy, «Yesú Nasareti in waaraahh.»

Yohana 11:10

Ala bir hi'imiit xweeraawo, dukutsmo gu tuu', asma gwa/aateemaá baraawós i kahhiyá'.»

Yohana 11:9

Yesu iri oó', «Ahaá, looár tlaatla/aangw a mibaá nee tsáreéke? Hee bir hi'imiit tlaatla/aango dukutsmo gu tuuiiká. Asma gwa/aateemaá yaamu gi ga/áy.

Yohana 12:36

Qoomaarí gwa/aateema kiwa koonda', gwa/aateemaaká' haratlintiaak, as tawa múk gwa/aateemaaká' tleehhita'.» Yesu adoorí gari oó', iri tláy, iri nahhaatár áy, as mukuwa ár.

Yohana 12:46

Aníng nina baraá yaamií hardáh, as niwa gwa/aateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Yohana 16:16

«Alaá deelór niina bira waaráhh, án kuungá' i aanda'aaká. Nee slám alaá deelór niina bira malé waaráhh, án kuungá' i aandá'.»

Yohana 7:33

Yesu iri oó', «Har qoomár niinawe án nee kuungá' a dinkwa. Aluuwo aníng a tláw amór kudaádá' aníng iga ya/aaw.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

2 korinto 3:14

Ala fuqurangw'ín ina gawdúy. Nee tam ay hamí fuqurangw'ín kwaa tuuntuúk ar warqamoodá', qoomár gooír alqadoodá' qaren bar ka soomuus, as gídaabárós makawa tsaáhh. Asma warqamoodá' dír kuwa hingeés a baraá Kristo kilós.

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.