Yohana 12:28 - Biblía Axweesantá Hhohho' ar Mungú 2004

²⁸ Baabá, kuúng umuuwók xirfayeeseek.» Aluuwo afo niri gawaá doorií wa ilaawáts, ar kah, «Ugwa xirfayeés, nee hám u malé xirfayeés.»

Ya/abtór hho' 1977

²⁸ Baabá, kuúng umuuwók xirfayeeseek.” Afoo niri hardát ar gawaá dooraá daahh, ar kah, “Ugwa xirfayeés, nee hám u malé xirfayeés.”

Yohana 12:28 Iomraidhean Croise

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 11:26

Eeít, Baabá, asma adoorí an adoodá' kuúng kara slá'.»

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 26:42

Yesu iri malé kií/ sagaáwa tsare, iri firín iri oó', «Baabuúeé', barnaxes slahh'amuuwí hingeesaro i ya/anaká, barqo ay dír ngway slaw, sla'aarirók i bo/.»

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Marko 1:11

Afo nay gawaá doorí wa ilawáts, i kat, «Kuúng a Garmaaeé', sla'aarusmooeé', oo aníng iga qwal/atis.»

Marko 14:36

Iri oó', «Baabuúeé', Baabuúeé', kuúng umuúqo gaaro a aleesleér. Slahh'ámuuwí dir'eene hingeeseek. Tam adoorihe adoodá' aníng ni slaa' ma tleehhaar, ala tidá' kuúng ta sla' na tleehheek.»

Marko 9:7

Naxés huunki nina ti'ít, giri geehhantés, afo nay baraá huunkidá' wa ilawáts i kat, «Kwí a Garmaaeé', sla'aarusmooeé', inós iiárií qaasaak.»

Luka 3:22

Qeeruú hhoohhoó' oo Mungú nay aweér gawaawós i alé ar slaqsoó slaqwa adór hhooki, afo nay gawaá doorí wa ilawáts, i kat, «Kuúng a Garmaaeé', sla'aarusmooeé' aníng iga ló'wa qwal/atís.»

Luka 9:35

Afo nay baraá huunkidá' wa ilawáts, i kat, «Kwí a Garmaaeé', kudá' naa tsawaár. Inós iiárií qaasaak.»

Yohana 11:4

Ala qoomár Yesu kaangwí nguwa axaás, iri oó', «Tiqtisíng ar gwa'araarooká, ala as xirfuú Mungú, as Garmoó Mungú iwa xurfuuti ar tiqtisíng.»

Yohana 18:11

Ala Yesu Petro guri báy, «Paángarók ki/iseek. Slahh'eemisuú Baabá naa aníng i haniís, aníng adór ngur maw sleemuuwo?»

Yohana 9:3

Yesu iri oó', «Heewí tlakweemaawós ngwa taampuy'iiká, laqaá tam tlakweemaá xwayliteérós, ala as gadiyér Mungú iwa geehhouur ar inós.

Efeso 2:7

Adoorí gana tleéhh as ngiwa laqan dír qari sleémeerowo ar hardah adór gurtleemuuwós kur úr direne baraá Kristo Yesuwo.

Efeso 3:10

Gár geeraawo ngusa luú/, a as sagalooarós ar yaariir ngiwa xu'utisi qoomaarihe dír waawitá nee dír kudá' aleesleemuú koomá' baraá yaamaá qeeruuwo ar loohír mukdá' inós gwa haratlintii'.

Efeso 3:21

Mungú i xirfuuti baraá mukose, as adoodá' atén tiwa haragaás nee Kristo Yesu. I xirfuuti umuúqo qarto ay alhhe'eesay wasle. Amin.

2 Petro 1:17

Asma Mungú Baabá guna ilaiwa/amér i haniís nee xirif, qoomár afoodá' baraá xirfuú úr daahh nguwa i hardát, tidá' kah, «Kwí an Garmaaeé', sla'aarusmooeé', oo aníng iga qwal/atis.»