Yohana 12:16 - Biblía Axweesantá Hhohho' ar Mungú 2004

¹⁶ Hargeeraawo muruuwí eeharuuseerós gwa tsahhiká. Ala Yesu kuwa xirfayeés, kari insláy adór muruuwí kura daanduuwósí gooín, nee adór ira tleehharuút.

Ya/abtór hho' 1977

¹⁶ Hargeeraawo muruuwí eeharuuseerós gwa tsahhiká. Ala Yesu kuwa xirfayeés, kari insláy gídaabá muruuwí kwaa gooín daanduuwós i alé, nee ar gídaabá kuna inós i tleéhh.

Yohana 12:16 Iomraidhean Croise

Marko 16:19

Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

Marko 9:32

Eeharuuseerós intsaahhastí gaa tsahhiká, ala kuri da'ayuút yaahasto.

Luka 18:34

Ala eeharuuseerós tam /aymuú wák gwa tsahhiká baraá axweesanaydá' aa dir'íní kaahi. Gídaabár kaangwí kaa luú/ dir'ine. Sleeme kaa tsaahhiiká tidá' aa alki/iít dir'ín i alé.

Luka 24:25

Yesu giri báy, «Kuungá' a tsuwa daktana. Kuungá' tundu tsuwa har gawdén mura' haratlintaaooro, kudá' sleémeero tinda alki/iít nee aaruuse.

Luka 24:45

Yesu sager'ín gari gwa/atís as Gooi kawa tsaahhi.

Luka 9:45

Ala inooín tidá' i kaahi kaa tsaahhiiká. Inooine kaa luú/ as makawa tsaáhh. Yaahasto kuri da'ayuút, gídaabár axweesantadae.

Yohana 12:23

Yesu inooín giri báy, «Siiwa aa xeér ar Garmoó Hee kuwa xirfayeesi.

Yohana 14:26

Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Yohana 16:4

Ala án tí ngina dirhúng i oó' as kahhó' qoomaadá' bira xeér, kuungá' tí ka insleerá' asma ngaa geerií oó'.» «Tí iimu/uungo gár ngisa ooiiká, asma án nee kuungá' a dinkwa.

Yohana 17:5

Hám daxta Baabá, án kuúng na xirfayeesáng amoorók wa ale, ar xirfuudá' ni amoorók wa koom iimír yaamu kiwa tleehhiiká.

Yohana 2:22

Aluuwo qoomár inós niwa waasleé/ baraá múk aa qaátl wa aleeró, eeharuuseerós kangwdá' Yesu aa káh guri insleér. Gooidá' gari haratlintí', nee /aymuudá' Yesu aa kaahi.

Yohana 7:39

Yesu axweesanaywí guna axweés daanduú Qeeruú hhoohhoó' oo Mungú, kudá' ta haniisi dír mukdá' sleémeero inós gwa haratlintii'. Qeeru naa hardihiiká qoomaadae, asma qoomaadae Yesu kwaa xirfayeesiiká.

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 2:36

«Gawaá adoorihe kuungá' múk Israeli, kángw kilá' wa xuaak, adór Yésuuwí kuungá' taa kikié' Mungú ngura qaás tawa Aako nee Kristo.»

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 8:1

Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.