Yohana 12:15 - Biblía Axweesantá Hhohho' ar Mungú 2004

¹⁵ «Múk gixsár Siyoni, ma da'ayumiitaara', Qaytsité', waawutmoohúng naa hardáh, aa tsa/án gawaá daanduú gwarendmoó daqwaay.»

Ya/abtór hho' 1977

¹⁵ “Ma da'ayuutaar, múk gixsár Sayuni, Qaytsité', waawutmoohúng naa hardáh, aa tsa/án gawaá daanduú gwarendmoó daqwaay.”

Yohana 12:15 Iomraidhean Croise

2 SAMUELI 15:1

Alaá kaangwihe Absalomu gaárirós gari sláy, nee farsuwo nee múk mibeeraá kooán in geeraawós wa ti'ii'ín.

2 SAMUELI 16:2

Waawutmo Daudi Siba guri yaahaás, «Gár muruuwí ngusa húp?» Siba guri báy, «Daqwaaye ar múk do'ók ar ta ii tsa/aa/an, mikaáte nee mamaá xaai kukaá qoomár age awa masoomba sleémeero, difaái ar mukdaádá' /araraám waxeero baraá xaanxáy wa ale.»

1 WAAWITÁ 1:33

Waawutmo giri báy, «Tlawsé', kuungá' nee sagadiyuusér hatlá' ar aakoohúng, Solomon garmaaeé' tsa/aasaak gawaá daanduú wayshamooeé', kur /etá' ay gixsár Gihoni.

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 62:11

Ga/aawaak, AAKOÓ MUNGÚ kaangwí gwaa alki/iít ay ku/uyaá yaamu, múk Siyoni bawaak, «Ga/aawaak, ba/amusmoohúng naa hardáh. Nee qeemuuwós gu kón, bu'utuwós i dír geeraawós.»

MIKA 4:8

Kiíng, tloomár múk Siyoni, baraawoge Aakoó Mungú i mukós de'én, adór de'eemusmoó gawaá /aampár wa xumiís amór bee/aangós i alé. Kiísíng gixsár Yerusalemu a malé gixsár ur tleehhít ar waawuti'iim malé alé adoodár aáng tara waawuti'iín.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Yohana 12:14

Yesu gwarendmoó daqwaay ngwa i tsa/án, adoodá' kara gooín,

DABE 17:16

Dinkwa nee tihe inós masók a heé farsuú yaariír gu leelehhiitaaká as slaqwaruuserós, laqaá masók a heé muu gu baraá yaamaá Misrirí ki/isaaká, as farsuú yaariír kuwa sleera'. Asma AAKOÓ MUNGÚ taa gurbuú' iwa kaahi, ‹Ma baloó baraá yaamaá Misrír i ki/aara'.›

HAR'OHUUSE 12:14

Inós daaqaay ngu kon a mibeeri tsiyáhh, nee na/aá naangós a mibeeri tám, inooín daqwaayér mibeeraá faanqw nginar hi'iimaamitiyá'. Abdoni tari har'ohusmoó múk Israeli har afiqoomár kureeraá dakaate.

HAR'OHUUSE 5:10

«Kaangwí ilaharisaak, kuungaásingaá daqaare awa daqwaayér /awak aga i tsa/aande', nee kuungásingá' iwaawitá' baraá hhafetaá tlaxo gawdén wa alé, tam kuungaásingá' hi'iimitá' lohuuwo, kangwsíng alki/itaak.