Yohana 11:55 - Biblía Axweesantá Hhohho' ar Mungú 2004

⁵⁵ Deelór ur ar Pasaáka ar múk Yahudi deeloodae aa naká/, nee múk yaariír niri tlatláy ayaaín wa ale, tari tsa/án Yerusalemu, qoomár deeloodár Pasaáka iwa xeeriiká, as tiwa hheehhe'eesiya'.

Ya/abtór hho' 1977

⁵⁵ Deelór ur ar Pasaáka ar múk Yahudi deeloodae aa naká/, nee múk yaariír niri tlatláy ayaaín wa ale, tari tsa/án Yerusalemu, qoomár deeloodár Pasaáka iwa xeeriiká, as tiwa hheehhe'eesiya'.

Yohana 11:55 Iomraidhean Croise

IIMU/UUNGW 35:2

Yakobo múk do'ós sleémeero nee kudá' nee inós alhootá' giri báy, «Munguiidá' ta koonda' hingeesaak, ti hheehhe'ese', nee tlabaahúng warqesaagáy.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

WARA'AMI 26:6

AAKOÓ MUNGÚ, aníng dabaaeé' in hamaátl as niwa dakuúsár koomaaká, nee dír ilahhooa kuwa hanmamisi ngiwa harweer.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

FAARO 9:10

«Umuúqo heewo dirhunge, laqaá dír na/iihunge, barnaxes taa meetagaás as tuua ngiwa kwatiít, laqaá bir baraá aaií dirii', ala inós deelór ur ar pasaákuú AAKOÓ MUNGÚ ga tleehhamór wa slaa',

FAARO 9:6

Ala muu bahh'alé i deer oo deeloodár Pasaáka tleehharo gaa harslaaqaat, asma inooín tuua kaa kwatiít, tari meetagwaá'. Inooín tari dír Mose nee Aroni káy,

Matayo 26:1

Yesu axweesanaywí sleémeero ooaro nguwa hhe'eés, eeharuuseerós gari báy,

Matayo 26:2

«A xuá' deelo tsár bira waaráhh, a deeloodár ur ar Pasaáka, nee Garmoó Hee ku sakii/ as kuwa kikii'i.»

Marko 14:1

Deelo aa mét tsár deelór ur ar Pasaákuwo nee deeloodár Mikaátér taa sluuftisiiká kawa /ayi. Kaahamuusér uren ar Mungú nee intsaahhatuusér hara'ayár Mosewo loohír Yesu kur oohi ar naaqo kari leelehhiít, nee kuwa gaasi.

Luka 22:1

Deelór ur, tidár Mikátér taa sluuftisiiká, tidá' ta babay Pasaáka, niri naká/.

Yohana 12:1

Bál Pasaákuwo deelór aa met tawa lahhoó', Yesu iri hardáh amór Betania, amoodá' Lasaro i dirii'i. Inós a kudá' taa waaslee/atís baraá múk aa qaátl wa ale.

Yohana 13:1

Qoomár deeloodá' ur ar Pasaáka iwa xeeriiká. Yesu gaa xuú' adór qoomaarós ira xeér, tidá' iwa quutli baraaká' yaamuwo, iwa tlay amór Baabá. Nee inós mukós kwí oo baraaká' yaamu guna slaá', slám guri ló'wa sla'ati hhe'eés ay alhhe'eesaay.

Yohana 18:28

Yesu kurir tláy dír doó Kayafá wa ale, ay boómár ur. Nee qoomaadá' a matlaatlér boo/. Ala múk Yahudi aa dahiiká baraá boómár úr i alé, as tawa meetin, mikiwa ilaá/ muruú /aymár Pasaáka /aymaaro.

Yohana 2:13

Nee deeloodae deelór ur ar múk Yahudi, tidár Pasaáka, aa naká/. Yesu iri tsa/án ay Yerusalemu.

Yohana 2:6

Didaádae sidaá lahhoó' awa taa tleéhh ar tlaa/e i dayá'. Sidoodá' kina didaádí qaás as tlehhemuú múk Yahudi, as hamtlo. Umuúqo sirwiro a har qoomoó deebedaá kooán ay faanqw.

Yohana 5:1

Aluudae deelór ur ar múk Yahudi nay hardát. Yesu sleeme iri tsa/án ay Yerusalemu.

Yohana 6:4

Ala Pasaáka, deelór ur ar múk Yahudi, naa tseewuúr.

Tlehhema'aá ya/Abuuse 21:24

Mukwí ar tlaweek, ti alhhohhoese', nee kuúng deeqomór sager'ín ka bú'. Adoorí bara tléhh, muu sleémeero daqaní ga tsaahh adór kangwdá' kaa báy gawaá daanduuwoge tar lama, nee adór kuúng tar kumít hara'ayár Mose eeharahaduuwo.

Tlehhema'aá ya/Abuuse 21:26

Aluuwo Paulo mukdá' gurir tláy, looaytleérose tiri alhhohhoeemisiyé'. Inós nee mukdae tari dáh baraá Doó Mungú, kaangw guri xu'utís oo deeloodár hhohhoeemisuuín iwa boo/i, nee kángw ilahhooár umuúqo heewo i haniisi.

Tlehhema'aá ya/Abuuse 24:18

Qoomár aníng niwa baraá kaangwí i dirii', inooín iri baraá Doó Mungú i ayé', nee aníng taa qaroó hhoohhooeés. Tam boo/oó nee aníng ti koomá' i kaahh, laqaá tlaahhír ni qamiim i káhh.

1 Korinto 11:28

Gawaá adoorihe umuúqo heewo ti kilós alqaytsiti, daqaní mukaatmo ngu /ayi nee gár baraá xooslmoodá' ngi wahi.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 SAMUELI 16:5

Samueli iri oó', «Eeít, gár tlaakw i káhh. Nina hardáh as AAKOÓ MUNGÚ nguwa ilahhooárií gaas. Gimsé' ti hhohhoeese', daqaní ilahhooár gár ta gaasaan a dinkwár wa haniisaán.» Samueli Yese guri hhohhoeés nee daaqaywose, giri dahi'ís baraá dinku'uumár ilahhooár muruú ta tsu/i.