Yohana 11:54 - Biblía Axweesantá Hhohho' ar Mungú 2004

⁵⁴ Gawaá adoorihe Yesu aa hi'imiitiiká malé alé ar geehhoeema baraá tla/ángw múk Yahudiro. Iri quútl amoodae, iri tláy bihhaá xaanxaay, ay dír gixsarka ta bay Efraimu, iri amoodá' wa hoót nee eeharuuseerose.

Ya/abtór hho' 1977

⁵⁴ Ala gawaá adoorihe Yesu aa hi'imiitiiká malé alé ar geehhoeema baraá tla/ángw múk Yahudiro. Iri quútl amoodae, iri tláy bihhaá xanxaay, ay dír gixsarka ta babay Efraimu, iri amoodá' wa hoót nee eeharuuseerós.

Yohana 11:54 Iomraidhean Croise

2 SAMUELI 13:23

Kureeraá tsár awa ád koomá' niwa waaraahhiyé', Absalomu i baraá kiyangaá se'éngw bee/angós tlaqa, baraá gixsár Ba'al-hasori, iisaapoó Efraimu. Daaqoó waawutmo sleémeero guri dah'ís.

2 QOM'I 13:19

Yeroboamu kuri guús nee Abiya kway gixsadu hayóh. Gixsadaá taa hayóh a kuká': Beteli, nee Yeshana, nee Efroni, dinkwa nee ayeemaá isaapoó gixsaduuká'.

Yohana 10:40

Yesu iri malé tláy ay gayuú Yordani, ay didár aáng Yohane iwa geerií baatimiís, iri amoodá' i deél.

Yohana 18:20

Yesu iri oó', «Aníng ana axweemaamiís dír geeraá muu sleémeero daqisleém. Dír án niwa intsaahhatimaamiis a baraá maraá saaliingw nee baraá Doó Mungú, dír múk Yahudi sleémeero iwa burumburimaamiti. Gár naa axweés ar sufa i káhh.

Yohana 7:1

Aluudaádae Yesu ina baraá yaamaá Galilayár wa hi'iimiít, asma gaa slaiiká iwa baraá yaamaá Yudeár wa hi'iimiiti, asma múk Yahudi i pa/ángw leelehhiit oo inós kur gaasi.

Yohana 7:10

Alaá hhaeewós niwa tlayé' as tawa deelór úr ay, inós sleeme iri qawti daqáy.

Yohana 7:13

Ala heé gwa daanda axwees ar geehhoeema i kaahh, asma ta múk Yahúdír da'ayuumiit.

Yohana 7:4

Asma hee barnaxes ti xu'utisár wa slaa', tlehhemi'iiwós gi tleehhiiká ar naaqo. Kuúng bar tlehhemi'iiká' tlehhít, ti laqaan dír múk baraaká' yaamu, kuúngú kilá'.»