Yohana 11:47 - Biblía Axweesantá Hhohho' ar Mungú 2004

⁴⁷ Kaahamuusér uren ar Mungú nee múk Farisayo, mukduú doó kwasleemár ur kuri ateét tari oó', «Adór heewí ku laqaan a adoomá? Asma heewí layaá yaariir gi tlehhiit.

Ya/abtór hho' 1977

⁴⁷ Geeraharuusér uren ar saalíngw múk Yahudi nee múk Farisayo, mukduú doó kwasleemár ur kuri ateét tari oó', “Adór heewí ku laqaan a adoomá? Asma heewí layaá yaariir gi tlehhiit.

Yohana 11:47 Iomraidhean Croise

Matayo 26:3

Qoomaadae kaahamuusér uren ar Mungú nee bariisér muu tari burumburiít baraá afeenír doó kaahamusmoó Mungú, kudá' umuuwós ta bay Kayafa.

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Marko 14:1

Deelo aa mét tsár deelór ur ar Pasaákuwo nee deeloodár Mikaátér taa sluuftisiiká kawa /ayi. Kaahamuusér uren ar Mungú nee intsaahhatuusér hara'ayár Mosewo loohír Yesu kur oohi ar naaqo kari leelehhiít, nee kuwa gaasi.

Luka 22:2

Kaahamuusér uren ar Mungú nee intsaahhatuusér hara'ayár Mosewo pa/aangw kuna leelehhiít oo Yesu kur gaasi, asma muu kuna da'ayumiít.

Yohana 11:57

Qoomaarihe kaahamuusér uren ar Mungú, nee múk Farisayo, hara'aya kaa qaroó oó', tawa kaahi, ‹Bar hee ngu xuu' dír i dirii'i, kaangw ngu huwi as kuwa oohár ay.»

Yohana 12:19

Múk Farisayo tari kilooín axweés, tawa kaahi, «Aga aandí'iíke, gár kuungá' ta aleesleera' i káhh. Qaytsiité', muu sleémeero gwa eehár.»

Yohana 2:11

Layaarí Yesu aa tleéhh amór Kanár Galilayár wa ale, a layaarós ar har geera. Xirfuuwós guri geehhooatís, nee eeharuuseerós guri haratlintí'.

Yohana 6:2

Boo/oó úr oo muu Yesu gway eehár, asma layuudá' Yesu aa dír tiqtuuseérií tleéhh.

Yohana 7:32

Múk Farisayo boo/aay guri axaás adór ira qununuú/ daanduuwose. Inooín nee kaahamuusér uren ar Mungú askaári kari ya/aáw as Yesu kuwa oohi.

Yohana 7:45

Askaáridá' taa ya/aáw, iri kí/ amór kaahamuusér uren ar Mungú nee múk Farisayo. Inooín tari oó', «Ahaá, gaálay ngwa ote'?»

Tlehhema'aá ya/Abuuse 5:21

Inooín axweesanaywí axaasaro kuwa hhe'eés, tari tláy matlaatlér boo/e, tari baraá Doó Mungú wa intsaahhatimís. Kaahamusmoó úr oo Mungú niri hardáh dinkwa nee mukós. Múk doó kwasleema nee bariise sleémeero nee múk Israeliwo, kuri burumbuúr, muu kuri ya/aáw baraá doó tseegamo as mukdá' kunguwa huwi.

Tlehhema'aá ya/Abuuse 5:24

Xuumusmoó úr oo Doó Mungú nee kaahamuusér uren ar Mungú kaangwí kuwa axaás, xure giri eér, as ya/abuuseerí aa baraá doó tseegamór wa ti'it. Tari oó', «Adoorí a adoomá daqaní?»