Yohana 11:44 - Biblía Axweesantá Hhohho' ar Mungú 2004

⁴⁴ Inósuudá' aa gwaa' niri ti'iít, kwaa untsuús ar inqwaruú tuua, iimír ya'aá wa ale ay daba', nee gitse/awós kaa tseék ar warqamo. Yesu iri oó', «Gweeraak, i tlay.»

Ya/abtór hho' 1977

⁴⁴ Inósuudá' aa gwaa' niri ti'iít, kwaa untsuús ar inqwaruú tuuaa, iimír ya'aá wa ale ay daba', nee gitse/awós kaa tseék ar warqamo. Yesu iri oó', “Gweeraak, i tlay.”

Yohana 11:44 Iomraidhean Croise

IIMU/UUNGW 1:3

Mungú iri oó', «Gwa/aateema i deeruutiye'.» Nee gwa/aateema niri deeruutiyé'.

WARA'AMI 33:9

Asma inós ngiwa oó' iri tleehharút, inós iwa ilawaáts iri deerút.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

Marko 5:43

Giri ló'wa hara'ayín gina báy, «Kaangwí mu dír heé i ooara'.» Giri báy, «Dasi muruú /aymár i haniisaak.»

Luka 19:20

«Heé hatlá' niri hardáh, iri oó', ‹Aáko, boohharók tidá' wák naa aní hanís, areeng. Aníng ana baraá warqamoó i tseék, ngay baáts.

Luka 7:15

Heedaáduú tuua iri tláy, iri iwiít, iri ilawaáts. Guri aayoorós i haniís.

Yohana 10:30

Aníng nee Baabá a wak.»

Yohana 11:39

Yesu iri oó', «Tlaa/a hingeesaak.» Marta, hho'ór heedaádá' aa gwaa', iri ó', «Aáko, aa tsutsuú', asma aa hoót baraá /aantár wa ale deelo tsiyáhh.»

Yohana 11:43

Yesu adoorí ooaro ngiwa hhe'eés, iri tseé' ar afór ur, «Lasáro, ti'iitáng.»

Yohana 19:40

Inooín slaqwtá Yesu kari untsuús ar inqwaarír taa tleéhh ar kitaáni dinkwa nee mooyangwdá'. Adoorí an adór múk Yahudi i tlehhahhiti bar ta tuaá foliit.

Yohana 20:5

Iri xupuú', iri qaytsiít baraá /aanta. Inqwaruudá' taa tleéhh ar kitaáni kudá' kura untsuús guri ár, ala inós aa baraadií dahiiká.

Yohana 20:7

nee warqamoodá' taa sagós ar untsuús, i dinkwár i dirii'iiká nee inqwaruuduú hatlá' oo kitaáni. Ala kuna amohhe'eés kway qaás dimbé alé.

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 5:25

Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afo ngaa axaasiye' tari slaaf.

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

1 SAMUELI 2:6

AAKOÓ MUNGÚ i tsu/uut, inós i slafíngw tlehhiit, gin /aytiis baraá gi'i, slám ngi male gáwtí huuw.