Yohana 11:25 - Biblía Axweesantá Hhohho' ar Mungú 2004

²⁵ Yesu gari báy, «Aníng an waasle/ nee slafiingw. Heé aníng iga haratlintii', tim i gwaai, inós i slaaf.

Ya/abtór hho' 1977

²⁵ Yesu iri oó', “Aníng an waasle/ nee slafiingw. Heé aníng iga haratlintii', tim i gwaai, inós i slaaf.

Yohana 11:25 Iomraidhean Croise

WARA'AMI 36:9

Asma diroge kutloó ma'aá slafiingw i deer, baraá gwa/aateemaawoge atén gwa/aateema i araán.

ISAYA 26:19

Mukók kudá' aa qaatl i waaslee/, slaqooín i waslee/iyá', kuungásingá' baraá yaamaá hootá' tlawaaré' daaé' ar qwala/, asma Mungú hara'uuwós oo slafiingw ngu paahhaas, nee gi'i múk baraaíní diriiá' ngu duuxiyá'.

ISAYA 38:16

«Aá Aáko, muu in slaaf ar muruuwí, nee aníng sleeme an slaáf ar muruuwí, slaqwahhooárí ki/isáng nee slafisáng.

Luka 23:43

Yesu iri oó', «Án a kah, laarír kilá' án nee kuúng a al dinkwa didár amohhooaro.»

Yohana 1:4

Slafíngw alhhe'eesay wásl in baraawós i dirii', nee slafingwí an gwa/aateemaá muu sleémeero.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

Yohana 6:35

Yesu iri oó', «Aníng an mikaátér slafíngw huwaahuuw dír heewo. Heé amor'eé' hardáh, i baloó qwariitiiká. Slám heé aníng iga haratlintii', i baloó waxiitiiká sleeme.

Yohana 6:44

Heé hardahamuú amor'eé' gu aleesláw i kaahh, barnaxes kunga uuruuxiiká nee Baabuúdá' aníng iga ya/aaw. Nee aníng heedaádá' nguri waasle/atís bál deelór alhhe'eesaywo.

Tlehhema'aá ya/Abuuse 3:15

Kudá' úr oo slafiingw kuri gasé', ala Mungú guri waasle/atís baraá múk aa qaátl wa ale, nee atén a lamabu'uusér waasle/uuwí.

Rumi 4:17

adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

1 Korinto 15:18

Nee barnaxes a adoorí, mukdaádá' aa qaatl oo Kristo gwa haratlintii', inooín daqaní taa hhán.

1 Korinto 15:29

Asma mukko i deer oo ta baatimiisi as múk aa qaatl. Ala adoorí barka tleéhh, mukdá' aa qaatl gár kuwa alee/iisi a milá? Asma mukdá' aa qaatl barnaxes iqo waaslee/iiká, mukwí gár kus baatimiisi as inooín a milá?

2 korinto 4:14

Asma atén a xuaán Mungú, kudá' Aako Yesu gwa waasle/atis baraá múk aa qaátl wa ale, Munguúwí atén sleeme ti waasle/atis dinkwa nee Yesu, nee tiri hardahaas dír geeraawós i alé dinkwa nee kuungá'.

Filipi 1:23

Aníng a baraá waatsaraárí dirií'. Aníng a ló'wa slaá' niwa tlaw, niwa hotángw aw amór Kristo, asma adoorí a tsiní kángw kilá' wa ale.

Filipi 3:10

Gár án ni leelehhiit a wak kilós. A Kristo nguwa xuu', nee /uuruú waasle/uuwós nguwa slaw, nee niwa haragwaa' baraá slahh'amaayeerós i alé. Nee aníng tawa adór inós baraá gwa'araarose.

1 Tesalonike 4:14

Asma atén aga haratlintiaán adór Yesu ira gwaá', niri waasleé/. Gawaá adoorihe tí sleeme a haratlintatiaán adór mukdá' aa qaatl oo Yesu gwa haratlintii', Mungú ngur huúw dinkwa nee Yesu.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 20:5

Nee tu'uudá' naa meetiye' kaa slafisiiká ay dír kureeridá' kumuú wák ni waaraahhiya'. Gaarí an waasle/uú geera.

Geehhoeemaá 21:4

Inós hhirhheeri sleémeero gi fiits gawaá ilaaine. Nee slám gwa'ara didae i káhh, tam tsuunqumis, nee tam /aa/e, nee slahh'eemis sleeme i kaahh. Asma muruuduú geera aa qaroó waaraáhh.»

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.