Yohana 10:4 - Biblía Axweesantá Hhohho' ar Mungú 2004

⁴ Qoomár bee/aangós sleémeero burngu duuxún, gun geerahaar, nee bee/aangw iri eeharín, asma afoorós ga xuu'.

Ya/abtór hho' 1977

⁴ Qoomár bee/aangós sleémeero burngu duuxún, gun geerahaar, nee bee/aangw iri eeharín, asma afoorós ga xuu'.

Yohana 10:4 Iomraidhean Croise

DAA'AANGW 2:8

Afór sla'aarusmooeé' aga axaás ga/aaweek, gawaá tlom'iiwo i ti'ii'ín, i amor'eé' káy, tam gongoama' sleeme gi fadiitiiká.

DAA'AANGW 5:2

Ana guú', ala muunaáeé' aa guiiká. Naxés afór sla'aarusmooeé' i afkú do' wa ateetiín. Afkú do' gweereek, hho'or'eé', sla'aaruso'or'eé', hhookir'eé' ar dakuús wasl, sagw'eé' aa naá/ har'uuwo, se'engw'eé' aa naá/ har'uú xweeraawo.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 10:27

Bee/angw'eé' afor'eé' ga iiárií qamín. Aníng u xuú', nee inós aníng i eeharahaar.

Yohana 10:3

Heedaádá' afkú doó xuúm, afkú do' gu gweer dír heewihe. Nee bee/aangw afoorós gari axaas. Inós bee/aangós guri ateetín ar ume, nee sleémeero guri tsee/í duux.

Yohana 10:5

Bee/aangwí heé hatlá' gu baloó eehariiká, ala a gun ilagoow. Asma bee/aangwí afór múk hatlá' ga xuiiká.»

Yohana 10:8

Kudá' sleémeero naa hardihiye' qoomár án niwa hardihiiká, inooín a fisuuse nee a kudá' muruú /uurúr hayoohimá'. Ala bee/aangw gaa iiárií qaasiiká.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 13:15

Asma slaqsaay nguna laqaám, as adoorí án naa kuungá' i tleéhh, kuungá' sleeme kawa tlehhita'.

Yohana 18:37

Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

1 Korinto 11:1

Aníng na eehararé', adoodá' aníng Kristo ngur eeharahar.

Efeso 5:1

Kuungá' a na/aá Mungú, kudá' inós i slai. Gawaá adoorihe inós na eeharaak.

DABE 1:30

AAKOÓ MUNGÚ, Munguúhúng kudá' kuungá' nu geerahaar inós kuungá' nu aleeslaaqw adoodá' aáng aa dír geeraahúng wa tleéhh baraá yaamaá Misriro, nee

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

1 Petro 2:21

Gaarí an gár kuungá' tundusa ateét. Asma Kristo kuna slahh'eemiís as kuungá', inós iri slaqsaay tleehhiít as kuungá' digiruuwós kuwa eehada'.

1 Petro 4:1

Kristo slahh'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá', asma heedaádá' slahh'eemisuú slaqwa gwa sa qiqtlin, inós taa paraátl dír tlakweemaawo.

1 Petro 5:3

Nee slám kuungá' miti baaluuse tlehhiitara' daanduú kudá' taa dirhúngií saayini, ala masók kuungá' an slaqsaay tleehhitá' dir'ine.