Yohana 10:24 - Biblía Axweesantá Hhohho' ar Mungú 2004

²⁴ Múk Yahudi Yesu kuri harweér tari oó', «Kuúng atén ti daawitamamis ay xaylá? Kuúng barnaxes a Kristo, atén ti xu'utisa hhe'es.»

Ya/abtór hho' 1977

²⁴ Múk Yahudi Yesu kuri harweér tari oó', “Kuúng atén ti daawitimamis ay xaylá? Kuúng barnaxes a Kristo, atén ti xu'utisa hhe'es.”

Yohana 10:24 Iomraidhean Croise

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

Matayo 11:3

«Kuúng a kudá' hardáha, laqaá heé hatlá' un daamaán?»

Marko 8:32

Inós axweesantí gana gwa/atís ooaro. Yesu kurir bihhií suruúk nee Petro, guri iigahhaát.

Luka 3:15

As adoodá' muu kangwdá' hardáh nguwa daamaaran ar haraxu'uti, sleémeero niri baraá muner'ínií axweesiyé' tawa kaahi, ‹Doóqa Yohanewí an Kristo.›

Yohana 1:19

Múk Yahudi oo baraá Yerusalemu kaahamuusér Mungú nee múk tlahhoó Laáwi kina ya/aáw amór Yohane, as kuwa yaahaasi tawa kaahi, «Kuúng a heemá?»

Yohana 10:31

Múk Yahudi tlaa/e giri taataáhh malé alé as Yesu kuwa tlaquuti.

Yohana 10:33

Múk Yahudi iri oó', «Atén kuúng u tlaquutanaaká ar tlaa/e as gadiyér hho', ala gár us tlaquutaan as kuúng tawa Munguú /ooslisliin, nee as kuúng kilók tiwa Mungú tlehhit.»

Yohana 16:25

«Muruuwí nguna dirhúngí oó' ar slaqsi'i. Ala qooma i hardát ar aníng niwa baloó dirhúngí ilawatsaaká ar slaqsi'i. Ala kángw Baabá ngun dirhúng i alki/iít ar geehhoeema.

Yohana 8:25

Múk Yahudi inós kuri báy, «Kuúng a heemá?» Yesu iri oó', «Ahaá baré nuna qaroó geerií ádbáw, gár ni malé oo' a milá?

Yohana 8:53

Baabuúrén Abrahamu aa gwaá'. Inós kuúng u bá/a? Nee aaruuse sleeme aa qátl. Kuúng heé tir slaqamiimis a heemá?»

Yohana 9:22

Xwayliteérós adoorí gana ó', asma i múk Yahudír da'ayuumít. Asma múk Yahudi gaa qaroó al'axweés tawa kaahi, hee bar Yesu ngwa ya/án, adór inós tar Kristo, heedaádá' ku baynitis dír doó saaliingo.

2 korinto 3:12

Atén haraxu'utír adoorí kawa qo koomana, pihh'uuma a koomaán.