Yohana 10:21 - Biblía Axweesantá Hhohho' ar Mungú 2004

²¹ Bahh'alé tari oín, «Axweesanaywí a axweesanoó heé neetlaamér koomaaká. Ahaá, neetlaame aleesleemu gu koónda oo taampu ngiwa ila' qaytsitisi?»

Ya/abtór hho' 1977

²¹ Bahh'alé tari ooín, “Axweesanaywí a axweesanoó heé neetlaamér koomaaká. Ahaá, neetlaame aleesleemu gu koónda oo taampu ngiwa ila' qaytsiitimis?”

Yohana 10:21 Iomraidhean Croise

WARA'AMI 146:8

AAKOÓ MUNGÚ taampu giri ila' qaytsitis, AAKOÓ MUNGÚ kudá' ta slahh'eemisi gin alee/iis, AAKOÓ MUNGÚ múk hota ganaá' gu slaa'.

WARA'AMI 94:9

Kudaádá' iia gaa tleehh, i axaasiikáhe? Kudaádá' ila gaa tleehh, i xumiisikáhe?

TI'INAANGW 4:11

AAKOÓ MUNGÚ iri oó', «Heé afkú hee gwaa axweesántí tleehh aa heemá? Laqaá heé afaawasli nee iawaslero, nee heé xuumiís nee oo taampaaro gaa tleehh a heemá? A anuú AAKOÓ MUNGUHEEKÁHE?

TI'INAANGW 8:19

Nee qwaslaare Farao guri beér, «Gaarí ar dákw Mungú.» Ala Farao muunaáwós guri gawdeés, inooín gaa iiárií qaasiiká, adoodá' AAKOÓ MUNGÚ ngira oó'.

AXWEESANOÓ SAGALOOA 20:12

Iiár axamiis nee iltá xumiis, sleémeero tsaraawo a AAKOÓ MUNGÚ gina tleéhh.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Yohana 10:22

Baraá Yerusalemuro deelór ur i deer ar inslaslángw aldafiimár Doó Mungú. Qoomaadá' a qoomár tsaaqwa.

Yohana 9:6

Adoorí ooaro ngiwa hhe'eés, iri yaamií tsuúq, baa/í gari tleéhh ar tsuuqaadá', baa/ídá' gari sliík ar ilaá taampadá'.