Yohana 10:20 - Biblía Axweesantá Hhohho' ar Mungú 2004

²⁰ Awa yaariir bahh'alé tari oín, «Heewí i neetlaamér kón, slám a slarhhamá. Ahaá, mus iiárií qamiindá'?»

Ya/abtór hho' 1977

²⁰ Awa yaariir bahh'alé tari ooín, “Heewí i neetlaamér kón, slám a slarhhamá. Ahaá, mus iiár i qamiindá'?”

Yohana 10:20 Iomraidhean Croise

ISAYA 53:8

Kuna baramaanuús, kuri sakwasleemuút, kuri hingeés, baraá qartose heé tí gaa aldaakw i kaahh. Kuna sií' baraá yaamaá múk slafa, kuna muúx as tlakweemaá muk'eé' aa tleéhh.

YEREMIA 29:26

‹AAKOÓ MUNGÚ kuúng Sefania ugwa kaahamusmo wa qaás, kitángw kaahamusmo Yehoyada, kuúng an heé úr oo Doó AAKOÓ MUNGÚ. Gimáy daxta a gadiyeérók, slarhhamuú ti aarusmoó ila qamiím kuwa tsek ar píngu nee peehhoo iló'.

Matayo 10:25

Ala i ya/aán eeharusmo tawa adór intsaahhatusmoowós, tam lawaalmo tawa adór aakoowós sleeme. Bar heé do' loó' kuna ateetín ar Be'elsebuli, xáy dír ta harqaasi dír mukdá' do'ós hoota.»

Matayo 11:18

«Asma Yohane niwa hardáh, i /ayinká, slám i wahanká, tari oó', ‹Kwí neetlaame gwa eér.›

Matayo 9:34

Ala múk Farisayo tana oó', «I neetlaamér gusiisín ar /uuruú neetlángw úr.»

Marko 3:21

Múk dooín kaangw nguwa axaás tari tláy as kuwa oohi, asma ta kaahi, «Sagós aa hhitiruút.»

Yohana 7:20

Boo/aydá' iri oó', «Ahaá, kuúng a neetlaamér koónda? Ahaá, heé kuúng u gaasár wa slaá' a heemá?»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Tlehhema'aá ya/Abuuse 26:24

Paulo qoomár tiwa aleekal/an, Festo iri tseé' ar afór ur, iri oó', «Paúlo, kuúng aga slarhhamút, soómarók tisíng yaariir ugwa slarhhamuúr.»