Yohana 10:18 - Biblía Axweesantá Hhohho' ar Mungú 2004

¹⁸ Heé slafingw'eé' gu hingeés i kaahh. Ala a anuú kilá' un haniís. Aníng aleesleemu u koóm oo slafingw'eé' nguwa haniis. Nee slám aleesleemu u koóm oo nguwa malé slaw. Adoorí an adoodá' Baabuúeé' naa hara'ayín tlehhmuuwo.»

Ya/abtór hho' 1977

¹⁸ Heé slafingw'eé' gu hingeés i kaahh. Ala a ánuú kilá' un haniís. Aníng aleesleemu u koóm oo slafingw'eé' nguwa haniis. Nee slám aleesleemu u koóm oo nguwa slaw malé alé. Adoorí an adoodá' Baabuúeé' naa hara'ayín tlehhmuuwo.”

Yohana 10:18 Iomraidhean Croise

Yohana 10:11

«Aníng a de'eemusmoó hhoó'. De'eemusmoó hhoó' slafiingós gun duux as daanduú bee/aangw.

Yohana 10:15

Adoorí an adór Baabá aníng ir xui, nee adór aníng Baabá ngur xuu'. Aníng slafingw'eé' un duúx as daanduú bee/aangw.

Yohana 10:17

«As adoorí Baabá aníng i slaa', asma slafingw'eé' un haniís as nguwa malé slaw.

Yohana 14:31

Ala tí in tleehharút as muu ngiwa tsaahhi adór án Baabá ngur slaá', nee tidá' Baabá naa hara'ayín an tleéhh. «Gawaá adoorihe, sihhiitaré', quutlaré', diirí geexaware'.»

Yohana 15:10

Kuungá' bar hara'ayar'eé' aga oté', a hotá' baraá sla'aarir'eé' wa ale, adoodá' aníng hara'ayár Baabuúeé' ngira óh, nee nira hoót baraá sla'aarirós wa ale.

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

Yohana 5:26

Asma adoodá' Baabá ir slafíngw kon, nee Garma sleeme gwa slafíngw i haniís.

Yohana 5:30

«Aníng gár ni kilooeé' tleehh i káhh. Aníng an sakwasleemuút ar adoodá' Baabá naa oó'. Nee sakwasleemar'eé' i ganá', asma aníng sla'aarir'eé' a leelehhiitaaká, ala ar Baabá, kudá' aníng iga ya/aaw.

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Tlehhema'aá ya/Abuuse 2:24

Ala Mungú guri gweér baraá slahha'amaayér gwa'araaro, guri waasle/atís, asma gwa'ara ar /uuruuwose gwa aleesleeriiká ilaa/aro.

Tlehhema'aá ya/Abuuse 2:32

Yésuuwí kuna waasle/atís nee Mungú, nee atén sleémeero a lamabu'uusér waasle/uuwós.

Tlehhema'aá ya/Abuuse 3:15

Kudá' úr oo slafiingw kuri gasé', ala Mungú guri waasle/atís baraá múk aa qaátl wa ale, nee atén a lamabu'uusér waasle/uuwí.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.