Yohana 10:10 - Biblía Axweesantá Hhohho' ar Mungú 2004

¹⁰ Fisusmo gár nis hardihi a fiiso nee tsu/uta nee hhita. Án nina hardáh as slafiingw nguwa slaya', nee slafingwdá' iri kumamiit.

Ya/abtór hho' 1977

¹⁰ Fisusmo gár nis hardahi a fiiso nee tsu/uta nee hhita. Án nina hardáh as slafiingw nguwa slaya', nee slafingwdá' iwa doogin.

Yohana 10:10 Iomraidhean Croise

ISAYA 56:11

Inooín an adór seeaawér hheehhuuse ar baloó axaaká. De'eemuuser'ín sleeme i tsaahhár koondaaká. Umuú heewo aa qaroó parangaá/ amoorós ar i slai, umuú heewo i slaasláwaarós leelehhiit, nee inooín sleémeero a gár wák.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 18:11

Asma Garmoó Hee nina hardáh as tidá' aa qwat ngiwa ba/amisi.]

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Matayo 21:13

Iri oó', «Kaa gooín, ‹Dooeé' ku bay a doó saaliingw.› Ala hám daxta kuungá' ugwa mar'ír fisuuse tlehhé'.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Marko 11:17

Giri intsaahhatimís iri oó', «Kaa gooinkáhe, ‹Dooeé' ku bay a doó saaliingw dír xoordu sleémeerowo.› Hám daxta kuungá' ugwa mar'ír fisuuse tlehhé'.»

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Yohana 10:1

Yesu iri oó', «Án a kah, heé aa dahiiká ar afkú do' baraá matla/ángw bee/aangw, ala ina dáh ar amór hatlá', heedaádá' a fisusmo nee a heé muruú muu gu /uurúr hayohiím

Yohana 10:11

«Aníng a de'eemusmoó hhoó'. De'eemusmoó hhoó' slafiingós gun duux as daanduú bee/aangw.

Yohana 12:47

Hee bar axweesanay'eé' gwa axaás, ala gwa oohiiká, aníng u sakwasleemuutaaká. Asma aníng naa hardihiiká as muu nguwa sakwasleemuut, gár nisa hardáh a muu nguwa ba/amis.

Yohana 12:6

Inós adoorí gaa ooiiká as liitlakuuse ngiwa gurtláy, ala asma inós tawa fisusmo. Nee inós a heé tlakwayduú peésa gu amohhe'eemamiís. Inós peésaadá' ta baraadií qamaamin gan fisaasín.

Yohana 3:17

Asma Mungú Garma ngwa ya/aawiiká as muu nguwa sakwasleemuuti, ala as muu nguwa ba/amisi.

Yohana 5:40

Ala kuungá' a sla'a'aaká niwa amor'eé' hardata' as slafiingw kuwa sleera'.

Yohana 6:33

Asma mikaátér Mungú a tidá' awdiit gawaá doorí wa ale, nee muu guri slafíngw i hanís.»

Yohana 6:51

Aníng an mikaáteedá' slafíngw koom, tidá' naa awet gawaá doorí wa ale. Hee bar mikaáteerí ngaa /aáy, i slafaafín ay alhhe'eesay wasle. Nee mikaáteerí án ni haniis a slaqwte'eé' ar kilá', as muu slafiingw nguwa slay.»

Rumi 2:21

Kuúnguudá' múk hatlá' intsaahhatimisuú wa slaá', ahaá kuúng mis ti kilók intsaahhatimisaká? Kuúnguudá' múk hatlá' i dahareemiís tawa kat, «Gár hee ma fiisaar,» ahaá ala kuúnguú kilá' mas fisisiín?

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

2 Petro 1:11

Daqaní kuungá' a datá' baraá waawuti'iimár alhhe'eesay wasl, ar Aakoorén nee Ba/amusmoorén Yesu Kristo tidá' taa amohhe'eés as kuungá'.