Yohana 1:51 - Biblía Axweesantá Hhohho' ar Mungú 2004

⁵¹ Yesu Natanaeli guri báy, «Án a kah, doori iqo aandá' adór nir gweeritiya', nee malaykér Mungú iwa tsa/a/aan nee iwa awdit gawaá Garmoó Hee.»

Ya/abtór hho' 1977

⁵¹ Yesu iri oó' dír Natanaeli, “Án a kah, doori iqo aandá' adór nir gweeritiya', nee malaykér Mungú iwa tsa/a/aan nee iwa awdit gawaá Garmoó Hee.”

Yohana 1:51 Iomraidhean Croise

IIMU/UUNGW 28:12

Iri tlatiitín, nee baraá tlataadae tsa/a/amto guna ár oo taa yaamuú wa sihhtís ay doori. Slám malaykér Mungú in tsa/a/aán nee in awdít ar gawaá tsa/a/amtoodá'.

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Matayo 26:24

Garmoó Hee inqo tawo amór gwa'arár i hi'iit, adoodá' gooi i kat daanduuwose. Ala heedá' Garmoó Hee gu sakií/, hhiintluuwós ku gawít. Inós a tsiní geera bur kwa laqwaaliiká.»

Matayo 3:16

Yesu baatisaro kuwa hhe'eés, hamtidár kilae iri baraá yaaér wa ti'iít. Doori nay gweeritiyé', Qeeruú Mungú guri ár iwa gawaawós i awdiiti adór hhookír wa ale.

Matayo 4:11

Aluuwo Neetlaangw iri quútl dír Yesuwo malayke nay hardát, Yesu guri sagadiyús.

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Matayo 9:6

Ala kuungá' xuaak adór Garmoó Hee aleesleemu ngur kón baraá yaamuwo oo tlakweema ngiwa gurtlay.» Tiqtusmoodá' guri báy, «Sihhiít, hhaftuuwók gagaareek, waátl amór do'ók.»

Marko 1:10

Siiwadár kilá' iwa baraá ma'áy wa ti'iít, doori gina ár naa gweeritiyé', nee Qeeruú hhoohhoó' oo Mungú i gawaawósí awdiit adór hhooki.

Marko 14:62

Yesu iri oó', «Aníng an inós. Kuungá' sleeme Garmoó Hee u aandá' aa iwiít dákw doó /iyáy oo /Uuru, ni kii/ ar huunkoó gawaá doori.»

Luka 2:13

Naxés siiwadár kilae daqtá yaariir ar malaykér gawaá doori ta dinkwa nee malaykamoodá', ta Munguú xirfayeemiis, ta kaahi,

Luka 2:9

Malaykamoó Aako giri gaanslár harati'iít, xirfuú Aako gay i gwa/aát bihhe sleémeero, tari ló'wa da'ayuut.

Luka 22:43

Aluuwo malaykamooko wák niri gawaá doorí wa hardáh, guri /uurií qaás.

Luka 22:69

Ala iimír hamí Garmoó Hee i iwiit bihhaá doó /iyáy awa Munguú aleesleemuú koóm.»

Luka 24:4

Tari amoqwaqwadín as tidá' taa ár. Naxés múk tsár aa dír bihhaaín i sihhiít oo tlabaá miirii/á' gaa tsiit.

Luka 3:21

Qoomár muu sleémeero baatisaro kuwa hhe'eés nee Yesuwo, Yesu iwa firiirin, doori niri gweeritiyé',

Yohana 1:50

Yesu guri báy, «Gár tasa haratlintí' a tidaádá' uwa báwi, ‹Án kuúng una qaroó ár qoomár kuúng tawa baraá guruú /aantsír i diri'›? Ala muruú urén oo kwí gu baá/ u aán.»

Yohana 10:1

Yesu iri oó', «Án a kah, heé aa dahiiká ar afkú do' baraá matla/ángw bee/aangw, ala ina dáh ar amór hatlá', heedaádá' a fisusmo nee a heé muruú muu gu /uurúr hayohiím

Yohana 10:7

Yesu iri malé oó', «Án a kah, aníng an afkú doó bee/aangw.

Yohana 13:16

Án a kah, lawaalmo ku ureeká ta aakoowose, laqaá ya/abusmo ku ureeká ta heedaádá' ngwa ya/aawi.

Yohana 13:38

Yesu iri oó', «Ar lóe, kuúng slafiingók uqo hanísa as aníng? Án a kah, konkomo iwa uui, án kuúng iga tlánk sagaáwa tám wa ale.»

Yohana 14:12

Án a kah, kudá' aníng iga haratlintii', tlehhemi'iiká' án ni tlehhiit, inós sleeme gi tleehh, nee tam tlehhema'aá ak uren gi tleehh, asma aníng a tláw amór Baabá.

Yohana 16:20

Án a kah, kuungá' a /a/á', nee tay tsuunqumisá', ala múk aa haratlintii'iiká iri qwalaa/. Kuungá' tay gurhaamutá', ala gurhaamirhúng i warqeér tawa qwala/.

Yohana 16:23

«Slám baldá' gár iwa yaahasa' i káhh. Ar ló' án a kah, Baabá bura firiindé' umuúqo gaaro, inós ngi haniis ar umuueé'.

Yohana 21:18

Án a kah, qoomár kuúng tawa masoomo, inqwaari an afeetlí tsegaagít kuúng kilók, nee an tleér amór kuúng ta sla'. Ala bar aga diín, dabaawók in gan'ás, nee heé hatlá' uri tseek nee urir tláy amoodá' kuúng ta sla'aká.»

Yohana 3:3

Yesu guri mu/aywaáts guri báy, «Ar ló' án a kah, hee burkwa sagaáwa tsár wa laqwaaliiká, waawuti'iimár Mungú ga ariiká.»

Yohana 3:5

Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Yohana 5:19

Yesu iri oó', «Án a kah, Garma gár tleehharo kilós i aleeslay i káhh, aqo har tidá' Baabá i tlehhiiti gan tleehh. Asma tidá' sleémeero Baabá i tlehhiiti an tidá' Garma i tlehhiiti.

Yohana 5:27

Slám aleesleemuú sakwasleema gwa amoorós i haniís asma tawa Garmoó Hee.

Yohana 6:26

Yesu iri oó', «Án a kah, án kuungá' i leelehhita'aaká as layaadá' taa aandé', ala gár is leelehhita' a mikaáteedá' taa /agé', tay axé'.

Yohana 6:32

Yesu iri oó', «Án a kah, Mose mikaátér dooraá daahh ngaa haniisiiká, ala a Baabuúeé' mikaátér ló' ar dooraá daahh, ngin hanimiis dirhúng i alé.

Yohana 6:47

Án a kah, heé aníng iga haratlintii', slafíngw alhhe'eesay wásl gu kón.

Yohana 6:53

Yesu iri oó', «Án a kah, kuungá' barnaxes slaqwtá Garmoó Hee aga /agi'iiká, nee tseereerós aga wati'iiká, slafiingw i kaahh baraahunge.

Yohana 8:34

Yesu giri báy, «Án a kah, umuúqo heé tlakweemaá tlehhahhiít, a lawaalmoó tlakweema.

Yohana 8:51

Án a kah, hee bar axweesante'eé' gaa óh, i baloó gwaaiiká.»

Yohana 8:58

Yesu iri oó', «Án a kah, iimír Abrahamu kuwa laqwaliiká, aníng a qaroó daadeer.»

Tlehhema'aá ya/Abuuse 10:11

Doori giri ár naxés naa gweeriitiyé', nee gár adór inqwaarír ur ar pasleemo tsiyáhh kingi yaamií aweerimiis.

Tlehhema'aá ya/Abuuse 7:56

Iri oó', «Doori iga ár naa gweeritiyé', nee Garmoó Hee aa sihhiít bihhaá dákw doó /iyáy oo Mungú.»

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Yuda 1:14

Nee Enoki a heé faanqw alaá Adamuwo. Inós aari gana oó' daanduú mukwihe iwa kaahi, «Qaytsité', Aako naa hardáh nee malaykeerós ar hhohho' ar kumér kúm.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»