Yohana 1:50 - Biblía Axweesantá Hhohho' ar Mungú 2004

⁵⁰ Yesu guri báy, «Gár tasa haratlintí' a tidaádá' uwa báwi, ‹Án kuúng una qaroó ár qoomár kuúng tawa baraá guruú /aantsír i diri'›? Ala muruú urén oo kwí gu baá/ u aán.»

Ya/abtór hho' 1977

⁵⁰ Yesu iri oó', “Gár tasa haratlintí' a tidaádá' uwa báwi, ‘Án kuúng una qaroó ár qoomár kuúng tawa baraá guruú /aantsír i diri'’? Ala muruú urén oo kwí gu baá/ u aán.”

Yohana 1:50 Iomraidhean Croise

Matayo 13:12

Asma umuúqo heewo oo gár koóm, ka dook. Slám kay tlahhasa hhe'ees. Ala umuúqo heewo oo gár koomaaká, tam tidá' niina i kon ka hayoh.

Matayo 21:19

/Aantsírka wák ar afaá loohírí dirii' gari artá áy. Ala naxés i mamaá koondaaká, aqo har loo/o kilós. /Aantsídá' gari báy, «Iimír laarí mamu mikiwa baloó sláy gawaawoge.» /Aantsídá' iri kát siiwadár kilae.

Matayo 25:29

Asma umuúqo heewo oo gár koóm, ka haniis, nee kari dooga hhe'ees. Ala kudá' gár koomaaká, tam tidá' niina i kon ka hayoh.

Luka 1:45

Amohhoouso'o a tidá' aa haratlinti', asma tidá' Aako ngaa báy i bó/.»

Luka 7:9

Yesu tí ngiwa axaás, heedaádá' guri waa/oó/, iri warqáy amór boo/aydá' ngwa eehar, iri oó', «Án a kah, tam baraá múk Israeliwo haratlintaaór ur ar adór tí aga baloó ariiká.»

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 1:51

Yesu Natanaeli guri báy, «Án a kah, doori iqo aandá' adór nir gweeritiya', nee malaykér Mungú iwa tsa/a/aan nee iwa awdit gawaá Garmoó Hee.»

Yohana 11:40

Yesu iri oó', «Án kiíng iga báwiíke, bara haratlintí', xirfuú Mungú u aán.»

Yohana 20:29

Yesu iri oó', «Daxta iga haratlintí' asma iga aán. Múk amohhoó' a kudá' ga haratlintatií' tam iga ariikahe.»