Yohana 1:49 - Biblía Axweesantá Hhohho' ar Mungú 2004

⁴⁹ Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Ya/abtór hho' 1977

⁴⁹ Natanaeli iri oó', “Intsaahhatusúmo, kuúng a Garmoó Mungú. Slám kuúng an Waawutmoó múk Israeli.”

Yohana 1:49 Iomraidhean Croise

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

DANIELI 9:25

Gawaá adoorihe gaarí tsaahheek: Iimír qoomár hara'aya kawa oó' ar gixsár Yerusalemu kawa malé /abeesi tleehhamooro, ay qoomár heedaádá' úr taa iimbalaáx niwa hardihi, a har afiqoomár wiíkoó faanqw. Har afiqoomár wiikadaá mibeeri lahhoó' nee tsár gixsár Yerusalemu ka malé /abees tleehharo, nee loohduuwós kudá' uren nee boh'e ala qoomaarí a qoomár slahh'amu.

HOSEA 3:5

Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.

MIKA 5:2

«Ala kiíng, gixsár Betilehemu, ar baraá Efrata, tam ti niinawe baráa tla/ángw gixsadaá yaariir awa tlahhoó Yudawo, ala baraawoge geeraharusmoó wák ngu sláw oo múk Israeli gu sawaawuti'iím. Iimu/úngw tlahhaywós oo iimír aáng, inós oo iimír qaro.»

SEFANIA 3:15

AAKOÓ MUNGÚ sakwasleemarhúng gaa hingeés, wakuuserhúng gaa tsee/áy kwaáhh. AAKOÓ MUNGÚ waawutmoó Israeli, inós i baraá tla/angwhúng, gár tlaakw ar ta da'ayuta' in sangw káhh.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 14:33

Nee kudá' baraá miringamoó i diriiá', Yesu nguri i tumbarara'atiyé', tari oó', «Ar ló', kuúng a Garmoó Mungú.»

Matayo 2:2

Iri ó', «Waawutmooduú múk Yahudi taa laqwaál i amá? Asma atén tsatsee/irós ana araán da/aáw wa ale. Nee atén nguna xirfayeemisuú awaán.»

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Matayo 23:7

Inooín baraá boo/aywo gár ta slai a kin taaqweemiis nee kiwa babay, ‹Intsaahhatusámo›.

Matayo 23:8

Ala kuungá' mutunduwa intsaahhatuusér ar ateetín asma Intsaahhatusmoohúng a wak, nee kuungá' sleémeero a hhae.

Matayo 27:11

Yesu iri sihhiít dír geeraá ga/aawusmo. Ga/aawusmo Yesu guri yaahaás iri oó', «Kuúng a waawutmoó múk Yahudíro?» Yesu iri oó', «A adoosíng kuúng ta kat.»

Matayo 27:42

«Múk hatlá' guna alee/iimiís, ala inós kilós alee/iisaro ti aleeslayká. Inós a waawutmoó múk Israeli. Axáy, i aweeri gawaá msalaábár wa ale hamír kilá', daqaní atén u haratlintiaán.

Matayo 4:3

Neetlaangw guri i daqáy, guri báy, «Kuúng barqo Garmoó Mungú, tlaa/anoowí i ilawatseek i muruú /ayma tleehhiti.»

Marko 15:32

Kristo, Waawutmoó múk Israeli, daxta ni aweeri gawaá msalaábaro, atén ku araán, daqaní u haratlintiaán.» Tam mukdá' nee inós taa alkikií' sleeme kuri tloqmiís.

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Luka 19:38

tari káh, «Waawutmo i xirfuuti, kudá' hardáh ar umuú Aako, Wayda gawaá doori nee xirif dír Mungú.»

Yohana 1:18

Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Yohana 1:34

Nee tí aníng aga ár, slám aga lamabu'uúm adór kwí tar Garmoó Mungú.»

Yohana 1:38

Yesu iri warqáy, eeharuuseedá' gu eeharahaar gari ár gari báy, «Gár ta leelehhita' a milá?» Eeharuuseedá' iri ó', «Intsaahhatusámo, kuúng dír ta hot a diimá?»

Yohana 1:50

Yesu guri báy, «Gár tasa haratlintí' a tidaádá' uwa báwi, ‹Án kuúng una qaroó ár qoomár kuúng tawa baraá guruú /aantsír i diri'›? Ala muruú urén oo kwí gu baá/ u aán.»

Yohana 18:37

Pilato guri yaahaás, «Ala kuúng a waawutmoówoóke?» Yesu guri báy, «Kuúng an kát adór aníng tar waawutmo. Aníng gár tisa laqwaál nee gár nisa hardáh baraaká' yaamií alé, a tí kilós, ‹Kángw looeema nguwa kah. Umuúqo heewo oo bartá looeema, axweesante'eé' ga axamiis.› »

Yohana 4:31

Qoomár muu iwa hi'iiti, eeharuuseerós guna harhheehhe'eemís guri beér, «Intsaahhatusámo, ala /ayiím.»