Yohana 1:38 - Biblía Axweesantá Hhohho' ar Mungú 2004

³⁸ Yesu iri warqáy, eeharuuseedá' gu eeharahaar gari ár gari báy, «Gár ta leelehhita' a milá?» Eeharuuseedá' iri ó', «Intsaahhatusámo, kuúng dír ta hot a diimá?»

Ya/abtór hho' 1977

³⁸ Yesu iri warqáy, eeharuuseedá' gu eeharahaar gari ár gari báy, “Gár ta leelehhita' a milá?” Eeharuuseedá' iri ó', “Intsaahhatusúmo, kuúng dír ta hot a diimá?”

Yohana 1:38 Iomraidhean Croise

1 WAAWITÁ 10:8

Múk amohhoó' a mukók, nee sagadiyuuseerók tí sagalooarók ga axamiis deelo sleémeerowo.

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

AXWEESANOÓ SAGALOOA 13:20

Heé hi'iimamiít nee múk sagelooén, sagalooa ga sláy, Ala mulqumoó heé daktani slahh'amu gu sláy.

AXWEESANOÓ SAGALOOA 3:18

Sagalooa a adór xa'anoó slafiingw dír múk gaa /atleesi. Heé amohhoó' a kudá' nee inós taa dabe oohiye'.

AXWEESANOÓ SAGALOOA 8:34

Heé amohhoó' a kudá' aníng i iiárií qamiím, kudá' umuú baalaaro afkú dooeé' wa daamaaraám. kudá' afkú dooeé' wa iwiwiít.

WA/AA/I 5:19

Ala kuúng AAKOÓ MUNGÚ, an waawutmo kureeraá kureér, waawuti'iimarók in kumaamít ay qari sleémeero.

Luka 10:39

Inós i hho'ór koón, umuuwós a Maria. Maria ina iwít dír Aako, as axweesantós ngiwa axamis.

Luka 14:25

Qoomár boo/oó yaariír nee Yesu tiwa alkona', Yesu inooín giri i warqáy giri báy,

Luka 15:20

Aluuwo iri tláy, iri kií/ amór baabuúwós. «Ala qoomár iwa amorqá' saáw i kahhi, kuri ár nee baabuúwós, guri gurtláy. Baabá iri amoorós i ta'aaín, guri slaqwtós i óh, guri ma'aás.

Luka 19:5

Nee Yesu didá' ngiwa áy, iri gáwtí qaytsiít, iri oó', «Sakáyo, aweeráng ar gaanslaay, asma gár án tiwa hariím laarí nin dír do'ók i hardáh.»

Luka 22:61

Aako iri warqáy, iri qaytsiít amór Petro. Petro /aymi'iidá' Aako aa oó' giri insláy kudá' nguwa báy, «Laarí konkomo iwa uui, án kuúng iga sagaáwa tám wa tlánk.»

Luka 8:38

Heedaádá' neetlaame kawa duxún Yesu guna firín as nee inós tiwa kona'. Ala Yesu guna ki/ís, guri báy,

Yohana 1:37

Eeharuuseedá' tsár Yohane gwa axas qoomár iwa axweesi, Yesu guri eehát.

Yohana 1:39

Yesu giri báy, «Qwalaasé' dír ni hoot artá awaare'.» Tari tláy, dír i hooti kari ár. Tari deél dír do'ós i aleeró baalaadae. Nee qoomaadaádá' a qoomár looár mibaangw.

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 12:21

Mukwí ina hardáh dír Filipo, heé gixsár Bet-saida ar yaamaá Galilaya, kuri báy, «Aáko, atén Yesu u artá wa sla'aán.»

Yohana 18:4

Ala Yesu tidá' sleémeero gu slaw ga xuu', giri harahi'iít, giri yaahaás, «Heé ta leelehhita' a heemá?»

Yohana 18:7

Yesu giri malé yaahaás, «Heé ta leelehhita' a heemá?» Tari oó', «A Yesú Nasareti.»

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Yohana 3:26

Yohane kuri i daqáy kuri báy, «Intsaahhatusámo, heedá' nee kuúng ti koomá' gayuú Yordaniro, kudá' kuúng taa lamabu'uún, ga/aaweek hamí i múk baatimiis, nee muu sleémeero i amoorós i daqaqáy.»

Yohana 4:31

Qoomár muu iwa hi'iiti, eeharuuseerós guna harhheehhe'eemís guri beér, «Intsaahhatusámo, ala /ayiím.»

Yohana 6:25

Kuri amoodá' wa ár kuri báy, «Intsaahhatusámo, xaylá kuúng naa amoorí hardát?»

Tlehhema'aá ya/Abuuse 10:21

Petro iri aweér amór mukdá', giri báy, «Heedá' ta leelehhita' a aníng. Ma katá'?»

Tlehhema'aá ya/Abuuse 10:29

Gaarí an gár aníng nisa amoorí hardáh qoomár tiwa ateet, mawa sií'. Ala hám daxta gár isa ateté' a milá?»

RUTI 1:16

Ala Ruti iri ó', «Kiíng án mi harhheehhe'emisaar iwa geexaw, niri kií/ nee kiíng tiwa koomanaaká. Didá' kiíng ta keera, án nee kiíng ti koomaán. Didá' kiíng tawa hota, án nee kiíng an hootaán. Mukók a muk'eé' sleeme. Munguúwók a Munguúeé' sleeme.