Yohana 1:19 - Biblía Axweesantá Hhohho' ar Mungú 2004

¹⁹ Múk Yahudi oo baraá Yerusalemu kaahamuusér Mungú nee múk tlahhoó Laáwi kina ya/aáw amór Yohane, as kuwa yaahaasi tawa kaahi, «Kuúng a heemá?»

Ya/abtór hho' 1977

¹⁹ Múk Yahudi oo baraá Yerusalemu geeraharuusér saaliingw nee múk tlahhoó Lawi kuna ya/aáw amór Yohana, as kuwa yaahaasi gídaabá, “Kuúng a heemá?”

Yohana 1:19 Iomraidhean Croise

Yohana 1:7

Heewí nina hardáh as lamabu'uungw, gwa/aateemaadá' ngiwa lamabu'un, as muu sleémeero iwa haratlintii'i ar inós.

Yohana 10:24

Múk Yahudi Yesu kuri harweér tari oó', «Kuúng atén ti daawitamamis ay xaylá? Kuúng barnaxes a Kristo, atén ti xu'utisa hhe'es.»

Yohana 10:31

Múk Yahudi tlaa/e giri taataáhh malé alé as Yesu kuwa tlaquuti.

Yohana 11:19

Nee múk yaariír oo Yahudi tinda hardáh dír Marta nee Maria, as kiwa gurkwa/amisi as hhiyaaín iwa gwaá'.

Yohana 2:18

Múk Yahudi iri oó', «Layár kuúng ta tlehhit ar aleesleemuuwók gu laqaaqaam oo muruuwí kur tlehhit a gaalá?»

Yohana 2:20

Múk Yahudi iri oó', «Do'wí oo Doó Mungú kuna tlehhahhiít ay kureeri mibeeri tsiyáhh nee lahhoó', nee kuúng unqo sihhitísa deelo támií ale?»

Yohana 5:10

Múk Yahudi heedá' taa hungu/uús kuri báy, «Laarí a deelór Sabaáto, i hariindaaká kuúng tawa hhaftuú gagariin.»

Yohana 5:15

Heedaádá' iri tláy, múk Yahudi guri xu'utisár áy iwa kaahi, «Heedaádá' aníng iga hungu/uus a Yesu.»

Yohana 5:16

Gawaá adoorihe múk Yahudi Yesu kuri iimu/ún slahh'eemisuuwo, asma adoodá' aa tleéhh bál deelór Sabaátoro.

Yohana 5:18

Gawaá adoorihe múk Yahudi loohi kari ak leelehhiít ar Yesu kur gaasi. As gídaabaheeká hara'ayaadá' kilós ar deelór Sabaáto gana sií', ala sleeme as adoodá' Mungú nguwa Baabuúwós ar ateetin, asma adoorihe tin Mungúr qoomeemees.

Yohana 6:41

Aluuwo múk Yahudi iri qununuú/, tari oó', «Ahaá, mis kaahi, ‹Aníng a mikaáteedá' naa gawaá doorí wa awet.› »

Yohana 6:52

Múk Yahudi tari kilooín kaangaanuús tari oó', «Ahaá, heewí adór slaqwtós ngir atén i haniisi a adoomá kawa /ayaan?»

Yohana 7:1

Aluudaádae Yesu ina baraá yaamaá Galilayár wa hi'iimiít, asma gaa slaiiká iwa baraá yaamaá Yudeár wa hi'iimiiti, asma múk Yahudi i pa/ángw leelehhiit oo inós kur gaasi.

Yohana 7:11

Múk Yahudi Yesu kuri leelehhiít baraá deeloodá' ure, tari oó', «Heedaádá' i amá?»

Yohana 7:15

Múk Yahudi tari waa/oo/amín tari oó', «Heewí sagalooár adór tí adór ngira sláy, inós bira soomuusiiká?»

Yohana 8:22

Aluuwo múk Yahudi iri oó', «Ahaá, tin kilós gaási, as adoodá' iwa kaahi, ‹Aníng a quútl, nee kuungá' hardahamuú amor'eé' u aleesleera'aaká.› »

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Yohana 8:57

Múk Yahudi iri oó', «Kuúng kureeraá mibeeraá kooán iga eeriiká, kuúng Abrahamu uga qo aándi?»

Tlehhema'aá ya/Abuuse 13:25

Yohane qoomár alhhe'eesoó slafiingós iwa nakaá/, iri oó', ‹Aníng a kudaádá' ta harahhifa'aaká. Ga/aawaak heé ni aluueé' wa hardáh tam aníng a hariimaaká ya/ataá ya'aawós ngiwa slakwekwe'ees.›

Tlehhema'aá ya/Abuuse 19:4

Paulo iri oó', «Yohane ina baatimiís ar baatiísmoó hhu'u'uungw, muu guri ádbabáy as kudá' aluuwós wa hardáh kuwa haratlinti'i, inós an Yesu.»

DABE 24:8

«Barnaxes hee i tiqtír tsatmitú kón, ti harmagahhe' ar adoodá' kaahamuusér tlahhoó Laáwi nura ádbeér. Adoodá' aníng inooín ngaa báw tleehhaak.

1 Yohana 1:5

Kángwa taa dirós wa axaasaán oo ni kuungá' i alki/iitaan an kwí, Mungú a gwa/aateema, giwtír baraawose dáw tam ar niiná i káhh.