Yohana 1:18 - Biblía Axweesantá Hhohho' ar Mungú 2004

¹⁸ Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhooatis.

Ya/abtór hho' 1977

¹⁸ Heé Mungú gwa baloó ar i kaahh. Garmoó kilós oo Mungú, kudá' dír Baabá i dirií', inós an kudá' Baabá ngwa geehhoutis.

Yohana 1:18 Iomraidhean Croise

IIMU/UUNGW 16:13

Inós AAKOÓ MUNGÚ guri umúr atét, kudá' nee inós naa axweesiye'. I kat, «Kuúng a Munguú xumiís.» Asma ina ó', «Tam aníng Mungú ugwa qo tsuwa ári niri kumiít slafiingo?»

IIMU/UUNGW 18:33

AAKOÓ MUNGÚ iwa hhe'eés axweesanto nee Abrahamu, iri tláy,

TI'INAANGW 23:21

Ti harmagahhe', nee afoorós iiárií qaasaak, ma dee/anutaara' dirose, asma tlakweemaahúng gi gurtlayká, asma umuueé' in baraawós i dirii'.

TI'INAANGW 24:10

Inooín Munguú Israeli nguri ariyé'. Didá' aa ya'aawós i qaás a matla/ángw kwaá'o taa tleéhh ar yakutír sirboo/, hhoohhooariro a adór dooraá huunki wasl.

AXWEESANOÓ SAGALOOA 8:30

aníng a dinkwa nee Mungú, adór gadiyusmoó ilakaahaár. Umuú baalaaro inós aníng iri saqwalaalaá/. Aníng sleeme an dír geeraawós wa qwal/a/aát.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

WA/AA/I 2:12

Amuuín ngina i /aa/aminé', iwa kaahiya', «Muruú /ayma nee difaáiro gaálaay?» Inooín nina baraá lohdaá gixsárí /araarané', adór múk taa tlaaqán, inooín nina gawaá dabaá amuuíní qatliyé'.

FAARO 12:8

Gawaá adoorihe aníng nee inós an axweemaamisaán ar afe, nee ar geehhooeema, nee sleeme ar axweesantá bo/eeká. Inós slaqsay'eé' anuú AAKOÓ MUNGÚ guna ár. Gawaá adoorihe, asma waáy kuungá' sagadiyusmooeé' Mose musa qitlé' kaantiingo?› »

Matayo 11:27

Iri oó', «Baabuúeé' umuú gaaro nga gawaá dabaaeénií qaás. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Luka 10:22

Iri oó', «Umuú gaaro kinga dabaaeén i qaás nee Baabuúeé'. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós, nee kudaádá' Garma xu'utisaro aa slaá'.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 12:41

Axweesanaywí aarusmo Isaya guna oó', asma inós xirfuú Yesu guna ár, nee kangós guri axweés.

Yohana 13:23

Eeharusmooko wák i deer, oo aa tlintii' gawaá da/eewaá Yesu. Inós an kudá' Yesu aa slaá'.

Yohana 14:9

Yesu iri oó', «Án nee kuungá' ana alhootatimaán deeloorí yaariire, án kuúng i xu'ukáhe, Filípo? Heé aníng iga ar, Baabá gwa ár. Ala kuúng mas kat, ‹Baabá laqaamang?›

Yohana 17:26

Án kuúng ugwa dir'íní xu'utís, slám u malé xu'utís, as sla'aaridá' án kuúng ira slá', masók i baraaín, nee aníng sleeme masók a baraaín.»

Yohana 17:6

«Án kuúng ugwa xu'utís dír mukdá' naa hanís baraaká' yaamuwo. Inooín a mukók, nguri aníng i hanís, nee axweesantók kaa óh.

Yohana 3:11

Ar ló' án a kah, tidá' ta xuaan an kaahaán, nee tidá' taa araán an lamabu'uumaán, ala lamabu'ungwrén kuungá' u ya/a/aanda'aaká.

Yohana 6:46

A kaahaaká heé Baabá gwaa ar i deer. Ala heé Baabá gwa ar, a kudá' amór Mungú daáhh. Kwí an kudá' Baabá ngwa ar.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

DABE 4:12

Aluuwo AAKOÓ MUNGÚ iri axweés dirhúng baraá tla/ángw asltadá' wa ale. Axweesantós ana axasé', ala inós kuungá' ugwa aandi'iiká, afoorós kilós ana axasé'.

Kolosai 1:15

Kristo an slaqsoó geehhoó' oo Munguúdá' geehhooeeká. Inós an na/oó baris dír Munguhe baraá mura' sleémeero kudá' taa tleehhi.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

YOSHUA 5:13

Looarka wake Yoshua iiwa isaapoó gixsár Yeriko, Yoshua heé símér koóm gway ár i geeraawós wa sihhmiit. Yoshua iri amoorós i hi'iít guri báy, «Xáy, kuúng a bartá slaqwaruusér ayaaréne laqaá bartá wakaruuseerén?»

1 Yohana 4:12

Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.

1 Yohana 4:20

Hee bir kaahi, «Mungú án u slaá',» ala hhiyaawós gu slaiiká, inós a lamusmo. Asma hee bar hhiyaawós kudá' i ga/ay gwa harslaaqaát sla'atiro, Mungú aa ariiká gu aslayká sla'atiro.

1 Yohana 4:9

Adoorihe sla'aarír Mungú kinga amoorén i geehhooatís, asma Mungú Garmaawós oo kilós ngwa ya/aáw baraá yaamií ale, as kahhó' inós kuwa slafíngw ar slawaan.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.