Yohana 1:16 - Biblía Axweesantá Hhohho' ar Mungú 2004

¹⁶ Asma baraá hatsmuuwose atén tsuuqa ina slaslawaán daanduú kuqá' wa ale.

Ya/abtór hho' 1977

¹⁶ Asma baraá hatsmuuwose atén tsuuqa ina slaslawaán daanduú kuqá' wa ale.

Yohana 1:16 Iomraidhean Croise

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

Matayo 13:12

Asma umuúqo heewo oo gár koóm, ka dook. Slám kay tlahhasa hhe'ees. Ala umuúqo heewo oo gár koomaaká, tam tidá' niina i kon ka hayoh.

Matayo 3:11

Ar ló', aníng gár kuungá' nur baatimiis a ma'aay as tawa hhu'u'uundé'. Ala kudá' aluueé' wa hardáh, inós i /uuruú kón ta aninge. Tam aníng a hariimaaká ya/ataawós ngiwa gagaar. Inós nun baatimiis ar Qeeruú hhoohhoó' oo Mungú nee ar asla.

Matayo 3:14

Ala Yohane aa lak ya/aniká, iri oó', «Án gár ni slaa' bar án kuúng in baatís, adór kuúng nir amor'eéní hardat?»

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Rumi 5:17

Asma gwa'ara pa/aangw guna sleér oo ir waawuti'ii'iin as heedaádá' wák, asma inós ina huú' baraá tlakweemaá i alé. Gawaá adoorihe mukdá' gurtleemuú Mungú gwa slay, in ak slaaf nee iwa waawuti'ii'in ar loohír kudá' wák Yesu Kristo. Asma inooín kaa gan'amuú i harafaár as gurtleemuudá' ló'wa úr oo Mungú.

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Rumi 5:20

Hara'aya nina hardát as dakuúsadá' iwa doogiin ak alé. Ala tlakweema niwa tlahhiyé', gurtleemuú Mungú iri ak ló' wa doogín sleeme.

Rumi 8:9

Ala kuungá' tundu sa waawuti'ii'inká nee heeuumár tlakweema, ala nee Qeeru, asma Qeeruú Mungú in baraahúng wa hoot. Heedaáduú Qeeruú Kristo gu koomaaká, inós a heé Kristowooká.

Efeso 1:23

nee mukdá' tawa slaqwtós. Mukwí sleémeero aa haáts inose, inósuudá' umuúqo gaaro ga boo/eemiís baraá muu sleémeerowo.

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

Kolosai 1:19

Asma Mungú gana slaá' Munguiimarós sleémeero iwa baraá Garmá i diri'.

Kolosai 2:3

Sagalooár Mungú sleémeero nee xu'utirós sleémeero i baraá Kristo i dirí'.

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.