Yohana 1:13 - Biblía Axweesantá Hhohho' ar Mungú 2004

¹³ Kudá' taa laqwaliiká adór na/iír ale, laqaá ar sla'aarír slaqwa, laqaá ar sla'aarír hee, ala ar sla'aarír Mungú.

Ya/abtór hho' 1977

¹³ Kudá' taa laqwaliiká adór na/'iír ale, laqaá ar sla'aarír slaqwa, laqaá ar sla'aarír hee, ala ar sla'aarír Mungú.

Yohana 1:13 Iomraidhean Croise

IIMU/UUNGW 25:22

Tsiihaywí a daangi. Na/iiká' nina baraá guruuwós wa qwaatliyé'. Inós iri ó', «Ado bar adoorí, gár nis hoot?» Naagáy iri tleér, AAKOÓ MUNGÚ guri yaahás.

IIMU/UUNGW 25:28

Naagáy Isaka Esau guna slaá', asma sluqoorós gan /aa/aay, ala Rebeka Yakobo guna ak slá' ta Esauwo.

IIMU/UUNGW 27:33

Isaka adoorí ngiwa axaás, daaraxoó úr guri áy, iri oó', «A heemá kar ala kudá' aa slakaat, nee sluqo ngiri huúw, aníng aga qaroó /ayiím qoomár kuúng niwa hardatiká. Nee ugwa qaroó tsuúq, nee tsuuqa gaa sláy.»

IIMU/UUNGW 27:4

Daqaní muruú /aymár tsuú' ngu tléhh, kudá' ni sla'aa'aam, ngu húp as niwa /ayiim nee kuúng uwa tsuuq dír nira gwaaiiká.»

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

Matayo 3:9

Slám ma baraá munerhúngií kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Yohana 3:3

Yesu guri mu/aywaáts guri báy, «Ar ló' án a kah, hee burkwa sagaáwa tsár wa laqwaaliiká, waawuti'iimár Mungú ga ariiká.»

1 Korinto 3:6

Aníng ana dahaasiím. Apolo ma'aay gina eemiís. Ala heé aa ureemiis a Mungú.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Tito 3:5

inós atén tiri ba/amís. Ala gár tisa ba/amís a ooanaaká atén tlehhema'aá ganaa'á' ina tleehhaán, ala tina ba/amís as gurtleemuuwós. Mungú tina slafís ar hamtlitór laqwali'iimár /aben, tina /abeemiís ar Qeeruú hhoohhoó',

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

1 Petro 1:23

Asma kuungá' tunda laqwaál sagaáwa tsare, ar xwaylár slaqwtooká, ala ar xwaylár qeeru. Xwaylarí ina tleehharút ar /uuruú axweesantá Mungú, tidá' slafíngw koom, nee slám i hotaatiín ay alhhe'eesay wasle.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,

1 Yohana 3:9

Umuúqo heé taa laqwaali nee Mungú, tlakweema gi tlehhaahhitiiká, asma aleesleemuú Mungú i baraawós i dirii'. Slám i kumiitiiká tlakweema tlehhtuwo, asma inós a na/oó Mungú.

1 Yohana 4:7

Sla'aaruúse, ti sla'asla'aané'. Asma sla'aari amór i dahh a amór Mungú. Heé sla'aarír koóm, kwaa laqwaál nee Mungú, nee inós Mungú gwa tsaáhh.

1 Yohana 5:1

Umuúqo heé adoorí gaa haratlintii' adór Yesu tar Kristo, heewí kwa laqwaál nee Mungú. Heé baabuú na/aay gu slaá', na/aydá' baabá aa laqwaál gu slaa' sleeme.

1 Yohana 5:18

Atén a xuaán adór heé taa laqwaál nee Mungú ir tlakweemaá tlehhiitiiká, ala inós ku harmagagaahh nee Garmoó Mungú, tam kudá' tlaákw gu kwatiitiiká.

1 Yohana 5:4

Heé taa laqwaál nee Mungú, yaamu gir baa/. Mungú bura haratlintiaán, haratlintaaoorén tí an gár yaamu gir baa/.