Yoeli 3:7 - Biblía Axweesantá Hhohho' ar Mungú 2004

⁷ Ala daxta án muk'ee' ngun ki/ís as niwa ti'iitiya' amoodá' kuungá' ki weerisi'i, aníng li/ayhúng ngu gawaahúngí ki/ís, asma tidá' sleémeero taa inooín i tlehhé'.

Yoeli 3:7 Iomraidhean Croise

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 49:12

Ga/aawaak, muk'eé' ngu amór saáw wa ki/ís, bihhaá /iya nee /uwaawo, nee amór yaamaá Sinimuwo.

ISAYA 66:6

Áx gimsé' iia qaasaak, tsimaahhi i baraá gixsa. Afo i baraá doó Mungú, afór AAKOÓ MUNGÚ wakuuseerós ngiwa li/áy bu'un.

YEREMIA 23:8

Ala inooín bar lo'o ka /aay tan ooi, ‹Adoodár AAKOÓ MUNGÚ ir hotaatin, kudá' múk Israeli ngwa /iikú wá duux, nee gwa baraá yaamu sleémeeró wá geerahaar, amoodá' aáng ngay diyaá/. Aluuwo inooín tari baraá yaamuuín wa hoot.› »

YEREMIA 30:10

AAKOÓ MUNGÚ i kaahi, «Kuungá' ma da'ayumitaara' kuungaásingá' tlahhoó Yakobo awa sagadiyuuser'eé', kuungá' Israeli, ma amoqwaqwadimara'. Asma aníng kuungá' nu amór saáwá ba/amís, nee na/iihúng ngi ba/amís baraá yaamaá ki loohatisi. Kuungá' múk Yakobo ni watlá' tari hotá' ar wayda. Heé kuungá' nu dae tsaát i kaahh tamu wák.»

YEREMIA 30:16

Ala kudá' sleémeero kuungá' nu hhaamiisár wa sla'á' ki hhaamiis. Wakuuserhúng sleémeero kar tláy baraá loohaay, kudá' kuungá' naa gaa wa hayohiye', muruuín ku hayoh sleeme. Kudá' kuungá' naa slakaatiyé' aníng in slakaát.

YEREMIA 31:8

Qaytsité', muk'eé' ngu yaamaá bihhaá /iikú wa ki/ís. Aníng inooín in burumbuúr baraá hhapeemo sleémeerowo, múk taampu nee oo taqooraay ta dinkwa nee inooín. /Ameenár tsiihaawe nee ar xwaylár sla'a. Boo/oó yaariír oo muu ni diirií kii/.

YEREMIA 32:37

ga/aaweek, aníng inooín in baraá yaamu sleémeeró wa burumbuúr, amoodá' ngay guús as buhhtaaeé' nee xarasleemaeé' as niwa qa/iít. Inooín in malé diirí ki/ís. Aníng inooín ngiri waydúr hootiís.

ESEKIELI 36:24

Aníng kuungá' nu duúx baraá tla/ángw xoordú wa alé, nee nuri burumbuúr baraá yaamaá dah'iimár wa alé, nuri ki/ís baraá yaamuuhúng awa kilá'.

ESEKIELI 38:8

Alaá deelór yaariir bira waaráhh tu ateet, yaamaá muu kway húp as kiwa i haratleer nee hamí daxta tawa hooti daér slaqwara i káhh. Tlom'aá múk Israeli in i haratleér, kudá' aáng awa xaanxaay nee taangu har afiqoomoó deelór niinawe, ala hám daxta muu i hoot ar saxareema.

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

SEKARIA 9:13

Asma Yuda ugwa qwambatís tawa ga/aler'eé', Efraimu ugwa mahángw ga/ale tleéhh, múk Siyoni un ar gadiyuús tawa paángár na/aá Giriki ngir tsuu/, án kuungá' nun paángár migusmo tleéhh.»

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

2 Tesalonike 1:6

Mungú gan'amu gun tleehh. Mukdaádá' kuungá' naa slahh'eemiis, inós gun slahh'eemiis as tawa bu'utuuín.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.

Geehhoeemaá 16:6

Asma inooín tseerér mukdá' hhohhó' oo Mungú, nee ar aaruuse kana ku'uús, nee hám kuúng inooín iga tseerér i hanís kawa wahi. Nee adoorí a adór hariim dir'ine.»

Geehhoeemaá 19:2

Asma sakwasleemarós ar ló' nee i ganá'. Inós tsaatuso'oodá' ur, tidá' yaamu gaa hhitiin ar tsaatu'uumarós, gaa sakwasleemuút. Mungú gana li/áy buú' asma inós sagadiyuusér Mungú gana tsú/.»

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.

1 SAMUELI 15:33

Ala Samueli iri oó', «Adoodá' paángarók na/aá /ameena ngira hhaamís, adoorí an adór panmoó aayoorók ir meetiiká tla/ángw /ameenaaro.» Naagáy Samueli Agagi guri sikín geeraá AAKOÓ MUNGÚ wa alé baraá Gilgali.