Yoeli 3:5 - Biblía Axweesantá Hhohho' ar Mungú 2004

⁵ Asma peésar'eé' ana ar tleeré' nee sahaábueene nee muruueé' kuduú tlaxo urén una ar tleeré', kuri dahasé' baraá maraá munguihúng i alé.

Yoeli 3:5 Iomraidhean Croise

2 WAAWITÁ 12:18

Yoashi waawutmoó Yuda ilahhooadá' sleémeero baabi'iiwós waawituú Yuda: Yehoshafati, nee Yehoramu, nee Ahasia naa paraatliyé' as Mungú, gari taataáhh, tós tidá' gay didií doók dinkwa nee sahaábu sleémeero kudá' baraá doó AAKOÓ MUNGÚ i diriiá' nee ar baraá doó waawutmo, gari ya/aáw amór Hasaeli waawutmoó Aramu. Hasaeli gila giri máy, iri ti'iít baraá Yerusalemuro.

2 WAAWITÁ 16:8

Ahasi peésaadár baraá Doó AAKOÓ MUNGÚ, nee sahaábu, nee muruú baraá doó waawutmo, gari haniís tawa qeemuú waawutmoó Ashuru.

2 WAAWITÁ 24:13

Adoodá' AAKOÓ MUNGÚ ngira geerií oó', Nebukadnesa daqaari'iimár baraá doó AAKOÓ MUNGÚ nee ar doó waawutmo gari ar tláy. Xooslár taa tleéhh ar sahaábu nee waawutmo Solomon gana tsuú/. Xooslarí i baraá doó AAKOÓ MUNGÚ i dirí'.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

YEREMIA 23:7

«Gawaá adoorihe, anuú AAKOÓ MUNGÚ a kah, baala ni hardát ar muu bir lo'ór /aay tawa ooiiká, ‹Adoodár AAKOÓ MUNGÚ ir hotaatin, kudá' múk Israeli gwa duux baraá yaamaá Misrír wa alé.›

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 51:11

AAKOÓ MUNGÚ munér waawituú múk Mede gaa dúk asma Babuloni ga ló'wa hhaamiisár wa slaa'. Asma gaarí an li/aydú AAKOÓ MUNGÚ, kudá' i bu'un as Do'ós. Maheerihúng duuxaak! Gaambu oohaak!

ESEKIELI 37:12

Gawaá adoorihe, aariím, ki beer, Anuú Aakoó MUNGÚ a kah, Muk'eé', aníng /aantuhúng in gweér nuri waslee/atís baraá /aantuú wa alé. Nuri watlís ayaahúngí ale baraá yaamaá Israeli.

DANIELI 11:38

Kitangw'ine inós Munguúduú gixsadu gi xuúm gun ilaiwawaa/ kudá' aáng tam baabi'iiwós na harahhifiká, guri ilahhooár sahaábu i haniis, nee peésa nee muruú tlaxo gawdén, nee qeemuú tlaxo gawide.

OBADIA 1:17

Ala gawaá tloomár Siyoniro múk ba/ám i deer, tloomarí tari tloomar'eé' ar hhoohhoo'. Nee múk doó Yakobo aalir'ín kari male inkii/.