Yoeli 3:4 - Biblía Axweesantá Hhohho' ar Mungú 2004

⁴ «Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

Yoeli 3:4 Iomraidhean Croise

2 QOM'I 21:16

AAKOÓ MUNGÚ, múk Filisti nee oo Ma/araábu nee oo Kushi guri tleés as tawa slaqwi nee waawutmo Yehoramu.

ISAYA 14:29

«Kuungá' sleémeero awa múk Filisti ma qwalaala/aara', kawa xua' qawaydá' naa muux aa tsatiít. Asma dayshamo, dayshamoó qarkwá koóm gu laqwaal. Nee dayshamoó qarkwá koóm dayshamoó ti gileéhh gu laqwaal.

ISAYA 34:8

Asma AAKOÓ MUNGÚ baala ga qaás ar li/aay nguwa bui, kurkú li/oó Siyoni nguwa bui dír wakuuser'ín.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

YEREMIA 47:1

Kaangwí an axweesantá AAKOÓ MUNGÚ tidá' aarusmo Yeremia aa axaás daanduú múk Filistiwo, dír Farao gixsár Gasa ngiwa i haraatlayká.

YEREMIA 47:4

Asma baalár múk Filisti sleémeero kuwa hhaamisi naa hardát, kun hhaamiis iimír Tirór wa tleemu ay Sidoni, umuúqo alee/isusmoó aa meet sleeme. Asma AAKOÓ MUNGÚ múk Filisti gu hhaamimiis, mukdá' aa meet oo yaamaá Kaftori kudá' tla/ángw tlawi.

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

Yoeli 2:10

Yaamu in daraaxiyá' geeraine, doori in daraaxiyá', looa nee slahhaangw giwti giri ót, tsatse/ gwa/aateema gin máy.

Yoeli 2:2

A deelór giwti nee gurhaami, deelór huunkáy nee ma/amí. Slawtá ur ar ingigi naa naká/, tlom'ii gi tuuntúk gay giwís. Gár adoorí kaa ariiká kureeriiwo iimír aange, slám ka baloó ariiká baraá qari sleémeero ar aluú wa hi'iita.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.

Matayo 11:22

Ala aníng kuungá' nun baw, bál deelór sakwasleemaro Tiro nee Sidoni a tsiní sakwasleemar'ín kawa ilí oohi, ta kuungane.

Luka 10:13

«Kiíng gixsár Korasini, nee kiíng gixsár Bet-saida, a tsaxwaahúng. Asma muruudá' xuawaslén aa tleehharuut dirhunge, geera dír iwa tleehharuút bar an baraá Tiro nee Sidoni, geera iimirihe naa qaroó hhu'u'uné', nee guniyadu kay tsiít, tay iwiít baraá da/ara.

Luka 10:14

Bál deelór sakwasleemaro a tsiní múk Tiro nee Sidoni, sakwasleemar'ín ngiwa ilií oohiya', ta kuungane.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

2 Tesalonike 1:6

Mungú gan'amu gun tleehh. Mukdaádá' kuungá' naa slahh'eemiis, inós gun slahh'eemiis as tawa bu'utuuín.

HAR'OHUUSE 11:12

Yefta afo gari ya/aáw amór waawutmoó Amoni, guri báy, «Gám atén nee kuúng gaa a milá, misinda ayaarén i haratleér?»