Yoeli 3:13 - Biblía Axweesantá Hhohho' ar Mungú 2004

¹³ Gimsé', tsati'i amohhe'eesaak, asma bu'uungw aa hamaár. Qwalaasé', dahé', tsoo/aak, asma xooslmoodá' ta sabiíbií tsoo/iti aa haáts nee daraami'iiwo, asma tlakweemá xoordu ki ló' wa ur, adór daraámu aa waa/.

Yoeli 3:13 Iomraidhean Croise

IIMU/UUNGW 13:13

Ala múk Sodoma a múk tlákw oo tlakweemaá yaariir gaa tlehhahhiit dír geeraá AAKOÓ MUNGUHE.

IIMU/UUNGW 15:16

Xwaylarók nin diirí kí/ qoomár qartá tsiyahhe. Asma tlakweemaá múk Amoni sakwasleemar'ín aa xeeriiká.»

IIMU/UUNGW 18:20

AAKOÓ MUNGÚ iri oó', «Asma /aa/aá múk Sodoma nee Gomora naa tlahhiyé' nee tlakweemaaín naa dooginé' ló'wa alé,

ISAYA 17:5

Inooín tari adór hhaanslaá ta burumburin, kin adór hhaanslaá ta fiiqiti tleehh, Inooín tari adór hhaanslaá ta fiiqiti, awa baraá xatstá Refaimu.

ISAYA 63:3

«Aníng sabiíbu una kilooeé' kal/aám baraá tla/ángw muko heé aníng iga alee/iis i kaahh. Aníng xoordu ina kal/aám ar buhhtaaeé' nee ina nakaa/arúw ar xarasleemaaeé'. Tseerduuín naa tsinqamaamitiyé' baraá tlabaaeé', tlabaaeé' sleémeero naa ló'wa slasla/aruuruyé'.

YEREMIA 51:33

AAKOÓ MUNGÚ Aleesleemusmo, Munguú Israeli, i kaahi, «Babuloni a adór afeenír balaangw muxta, qoomár barta balángw muux. Ala deelór niiná i sí', nee qoomár bu'uungw ni hardát.

WA/AA/I 1:15

«Aako slaqwaruuser'eé' sleémeero gana waaqasén, inós dinku'uuma gana ateét niwa amor'eéní haratleer, as kahhó' masoombar'eé' kawa hhaamisi. Aako múk Yuda guna kal/aa/án adoodá' sabiíbu kur kal/aa/an.

HOSEA 6:11

Kuungaá múk Yuda, qoomár bu'uungw aga qoomeés, qoomár bar muk'eé' kudá' taa tsegiít ngwaa ki/ís.

Matayo 13:39

Wakusmoodá' aa dahaasin a Neetlaangw. Bu'uungw a alhhe'eesoó yaamu. Nee mukdá' bu'uúm a malayke.

Marko 4:29

Balaangw iwa haamaár, tsataay guri óh, asma bu'uungw aa xáy.»

DABE 16:9

«Kuungá' wiikidaá faanqw faaraak. Faaro dír kawa iimu/uunda' a qoomár fiiqit bura iimu/uundé'.

Geehhoeemaá 14:14

Aluuwo aníng niri qaytsiít, huunkír /awaak ngiri ár. Nee gawaá huunkirihe oo wák aa iwiít. Inós a adór Garmoó hee. Gawaá sagose gár i kon a slamángw sahaábu, nee baraá dakose gár i kon a tsatoó xaraásl oo tsaaráy.

Geehhoeemaá 19:15

Nee paángár xaraasl i baraá afkós wa ti'imít, as inós múk xoordu nguwa darahhi ar paángadá'. Inós inooín gi sawaawuti'ín ar hhartá muqsli. Nee inós bohongwduú mamaá sabiíbu kiwa tsoo/iti gu kala/án, kuduú buhhtaá Munguú Aleesleemusmo.