Yoeli 2:32 - Biblía Axweesantá Hhohho' ar Mungú 2004

³² Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

Yoeli 2:32 Iomraidhean Croise

IIMU/UUNGW 4:26

Seti na/oó garma guri laqwaál, guri umií tsaát Enoshi. Qoomaarí an qoomár muu umuú AAKOÓ MUNGÚ nguwa iimu/ún ateetiingo baraá firor'ine.

WARA'AMI 50:15

Án ateetáng deelór slahh'amaayeero. Án kuúng u ba/amís, aníng iri xirfayés.»

ISAYA 10:22

Asma mukók oo Israeli tam ku yaariire adór hhasángw afaá tlawi, aqo har panoó niiná kilós nin kii/, hhaamisa kaa geerií oó', nee gan'amu aa tleehharuút.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 11:16

Didá' iri loohír ur tleehhít ar Ashurúr daahh, asma panoó mukós kudaádá' aa Ashurúr i meet, adoodá' aa tleehharut qoomaadá' múk Israeli niwa yaamaá Misrír wa ti'iít.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

AMOS 9:8

Qaytsiít, ilaá Aakoó MUNGÚ waawuti'iimár tlakweemaá tlehhahhiit ngin ga/ayá', ngiri hhitiím nee ngay diyaá/ gawaá daanduú yaamuwo. Ala doó Yakobo u ak suquwaaká. Anuú AAKOÓ MUNGÚ tí ngina oó'.»

OBADIA 1:17

Ala gawaá tloomár Siyoniro múk ba/ám i deer, tloomarí tari tloomar'eé' ar hhoohhoo'. Nee múk doó Yakobo aalir'ín kari male inkii/.

OBADIA 1:21

Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

MIKA 5:3

Gawaá adoorihe Aakoó Mungú mukós gu ala máy alee/iisaro, ay dír qooma i xeer, qoomár /ameenír baraá slahh'amuú xwaylár i dirii', garma nguwa xwayluur. Daqaní hhaeewós kudá' naa meetiye' niri ki/iyá' amór muk'ín oo Israeli.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 4:22

Kuungá' oo ta sluufmisa' u xua'aaká. Ala atén Mungú ta sluufmisaan u xuaán. Asma ba/ama amór ni dahh a amór múk Yahudi.

Tlehhema'aá ya/Abuuse 15:17

Gawaá adoorihe múk hatlá' sleémeero Aako ngu leeleehhi, múk xoordu sleémeero kudá' naa ateét tawa muk'eé'. Tí Aako gana oó', kudá' muruuwí gwaa tleehh,

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

Rumi 11:26

Daqaní múk Israeli sleémeero i ba/án. Asma kaa gooín, «Ba/amusmo naa hardáh, amór i dahhi a amór Siyoni. Inós dee/anu sleémeero gu hingees dír xwaylár Yakobowo.

Rumi 11:5

Adoorí an adór hám ta i diriiaan qoomaarihe. Tam hamí múk niiná i deer oo aa meet, kudá' Mungú aa tsawaár as gurtleemuuwós.

Rumi 11:7

A adoomá daxta? Gadaádá' múk Israeli aa leelehhiít, gaa slayká. Ala mukdá' taa tsawaár gaa sláy. Awa hatlá' kiri mune gawdeés,

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

Ebrania 12:22

Ala kuungá' tloomár taa i hardaté' a tloomár Siyoni, nee Yerusalemúr gawaá doori gixsár Munguúdá' slaáf, nee amaqawár yaariir ar malayke.