Yoeli 2:26 - Biblía Axweesantá Hhohho' ar Mungú 2004

²⁶ Kuungá' muruú /aymár yaariír un /agá', tay axá', umuú AAKOÓ MUNGÚ, Munguúhúng kuri xirfayeemisá', kudá' naa muruú waa/o/amór i tleehh. Nee muk'eé' kureeriwo ku malé mureekeesiiká.

Yoeli 2:26 Iomraidhean Croise

IIMU/UUNGW 33:11

Na'ás, muruuwí ni hanmiis na ooheek, asma Mungú muruuwí ngwa aníng i haniís, slám aníng muruú bu'uút u koóm.» Guri harakeés nguwa ilaoohi, guri ilaaóh.

NEHEMIA 9:25

Gixsadudaá koo/i gawden ngina ar tlayé', yaamaá daqaari'iimár koomá' ngina hayoohiyé', maraydá' muruú yaariír koomá' oo hhohhó', nee hhaleeridá' taa foliiti, nee qamaá sabiíbu, nee seituúniro dinkwa nee xaa'aá yaariir awa mamaá koomá'. Gawaá adoorihe ngiri /ayiyé', nay aaxiyé' niri wahhditiyé', hhooeemawók ngay saqwala/iyé'.

WARA'AMI 103:5

Slafingw'eé' sleémeero gu aaxisa hhe'ees muruú hhoe. Iri masoombi'iimárií ki/is nari hoót adór gwareesi ir hotatiin.

WARA'AMI 116:7

Muunaáeé', daxta aa yaandahhe'eés, asma AAKOÓ MUNGÚ iga hhooeemaáy tleéhh.

WARA'AMI 13:6

AAKOÓ MUNGÚ, án kuúng u i daá' asma kuúng iga hhooeemaá i tlehhaahhít.

WARA'AMI 22:26

Awa liitlakwen i /ayiná' niri aaxiyá', awa AAKOÓ MUNGÚ ngu leelehhiitá' ngu xirfayeemisiyá'! Inooín i hotaatine' ay alhhe'eesay wasle!

WARA'AMI 37:19

Inooín ki mureekeesiiká qoomár tlaakwe, kureeraá giyeede inooín i /ayiná'.

WARA'AMI 67:5

Mungú, muu kuúng u xirfayeemisi, muu sleémeero kuúng u xirfayeemisi.

WARA'AMI 72:18

Nee i xirfuuti AAKOÓ MUNGÚ, Munguú Israeli, kuduú muruú waa/oo/amo gu tlehhiít inós kilós.

AXWEESANOÓ SAGALOOA 13:25

Heé hota ganaá' muruú /aymár afkós gu buú' gu sláy, Ala guruú heé tlaákw i tsii/ qwarko.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 29:22

Gawaá adoorihe AAKOÓ MUNGÚ kudá' Abrahamu gwa ba/amis, daanduú Yakobowo i kaahi, «Xwaylár Yakobo ka baloó murekesiiká, sager'ín mureero ngi malé yaamií xupu'usiaaká.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

TLAHHOÓ LAÁWI 25:19

Yaamu mamuuwós ngin duuxiyá' kuungá' kiri /agá', tari baraasíng wa hotá' ar saxareema.

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.

TLAHHOÓ LAÁWI 26:5

Balaangw slahhaango an kumaamitá' ay qoomár bu'úngw sabiíbu, nee bu'úngw sabiíbu ay qoomár tawa dahaasin. Muruú /aymár bu'uút un sleerá', nee an hotá' ar amohhooa baraá yaamuuhunge.

MIKA 6:14

A /ayiindá', ala a axa'aaká, qwarkuhúng i tsauyká. Kuungá' mura' u koondá' ala tum loohatisa'a amohhe'eesaro u aleesleera'aaká. Tam ugwa aleesleeri'i xuumaro, aníng u qwaareés ar slaqwara.

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

SEKARIA 9:15

AAKOÓ MUNGÚ Aleesleemusmo gi xún inooín wakuuser'ín ngiri arba/iyá', inooín tseerér wakuuser'ín kan adór difaáír wa ku'uus, tseerduuín kin tsiririxiis adór tseerér taa tsiririxiís ar slooqamo dír kitángw ilahhooa.

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

Rumi 10:11

Asma Gooi i kat, «Heé inós gwa haratlintii' ku mureekeesiiká.»

Rumi 5:5

Nee haraxu'uti atén ti dae tlaqká. Asma sla'aarír Mungú kinga qaroó ku'uús baraá muneerén i aleeró nee Qeeruú hhoohhoó' oo Mungú, kudá' tinda aténií haniís.

Rumi 9:33

Adoodá' kara gooín, «Qaytsiít, aníng tlaa/anoó dukuutsmo u qaás baraá Siyoni, nee tlaa/ár muu gu daraahh. Ala umuúqo heewo oo inós gwaa haratlintii' ku mureekeesiiká.»

DABE 11:15

Inós gitso ngi duux baraá qamuhunge as hikwaahúng, kuungá' tari /ayiindá', tari axá'.

DABE 12:12

Amoodae kuungá' an qwalala/á' dír geeraá AAKOÓ MUNGÚ, Munguúhúng wa aleeró. Kuungá' nee na/iihúng awa daaqaay nee awa dasuuwo, nee lawaalerhúng ar hhawaate nee ar /ameenaaro nee múk tlahhoo Laáwi, kudá' nee kuungá' alhootá'. Asma inooín dír i aaliya' ngi kon'aaká baraá tla/angwhunge.

DABE 12:18

Ala kuungá' muruuwí sleémeero dír kuwa /aga' a dír geeraá AAKOÓ MUNGÚ, Munguúhúng, didá' inós i tsawaari. Kuungá' ta al/ayiindá' nee daaqayhúng nee dasuuhúng, sagadiyuuserhúng, nee lawaalerhúng ar hhawaate nee ar /ameenaaro, nee múk tlahhoó Laáwi kudá' baraá gixsaduuhúng wa hoót.

DABE 12:7

Amoodae kuungá' an /ayiindá' dír geeraá AAKOÓ MUNGÚ, Munguúhúng wa ale, tari qwalala/á', kuungá' dinkwa nee múk marayhunge, as diihhooadá' AAKOÓ MUNGÚ, Munguúhúng, nura tsuúq.

DABE 8:10

Kuungá' a /ayiindá' nee tari axá', AAKOÓ MUNGÚ, Munguúhúng kuri sluufisá', asma yaamaá hhoohhoo' nga kuungií haniís.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

1 Yohana 2:28

Kuungá' laqwalór ninakw, baraawós wa hootaak, as qoomár Kristo birna hardáh, burkwa geehhooeés, atén mitiwa mureekeés dír geeraawós wa ale.