Yoeli 2:23 - Biblía Axweesantá Hhohho' ar Mungú 2004

²³ «Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

Yoeli 2:23 Iomraidhean Croise

1 WAAWITÁ 8:36

na'ás, iiarií qaaseek gawaá doorí wa ale, tlakweemaá sagadiyuuseerók, mukók oo Israeli gurtlaweek, ki intsaahhatís loohirók ar ganaa' kawa eehari. Tluwaay huweek baraá yaamuuwók kukae, kuká' taa mukók i hanís tawa kooín.

YOBU 33:23

Ala malaykamoó wák baraá kumeero i dinkwa nee inós, as nguwa haraaki/isi nee Mungú, nee muruú tleehhamoro ganaá' nguwa dirósí xu'utisi.

YOBU 37:13

Barnaxes an ar kángw hhó' laqaá ar kángw tlákw, laqaá ar gurtleemuwose, heé kaangwí sleémeero gu tlehhiít a inós.

WARA'AMI 104:34

Munguúeé' ku qwal/asi nee inslaway'eé'. Asma qwal/amaayer'eé' sleémeero amór i dahh a amór AAKOÓ MUNGÚ.

WARA'AMI 147:8

Doori gin tuntukaakín ar huunkáy, yaamu gin tluuwáy i huuw, gawaá dindirmawo gitso gan titi'imiis.

WARA'AMI 149:2

Israeli tleehharusmooín ngu saqwalaala/iye', na/aá Siyoni Waawutmooín ngu sa baraa/iye'.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 32:11

AAKOÓ MUNGÚ sa qwalaala/aak, i baraa/aak, kuungaásingaá hota ganaa'á'. Ururu'umisé' ar qwala/ kungaásingaá sleémeero mune gan'ayen.

WARA'AMI 84:6

Qoomár bar taa waaraahh baraá xatstá kaahaar ar ta bay Baka, didá' iri kutltá ma'aay tleehhít, tluwoó saxi ga tlahheesií tleehh.

AXWEESANOÓ SAGALOOA 16:15

Waawutmo bir qwalalaa/ slafiingw i deer hhooeemaawós a adór huunkír buhaare.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 5:24

Slám i baraá muner'ín i kaahiaaká, AAKOÓ MUNGÚ, Munguúrén un ilaiwa/aán, kudá' tluwoó hanmiís ar qoomaadá' hariim, tluwoó saxi, nee oo buhaareewo ngu hanmiis, nee umuúqo kurko bu'úngw hhó' ngun hanmiis ar qoomaadá' iwa harin.

WA/AA/I 4:2

Na/aá Siyoni kudaá adór tlaa/aá tlaxo gawden, kudá' taa harafaár tawa adór sahaábú hhohhó' adór nira warqayé' niri adór xooslár tleei tleehhitiyé' tidá' taa tleéhh nee tleeusmo.

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

TLAHHOÓ LAÁWI 26:4

aníng nun tluwáy haniís ar qoomoó hariím, yaamu nay bu'úngw yaariír i laqwaaliyá', xaa'aá baraá qamuuhúng na/ii ngiri laqwaaliyá' sleeme.

AMOS 4:7

«Slám aníng nuna tluwoó /iít qoomár slahheeraá tám niwa meetiyé' hamnoó balaango. Ala tluwaay una haniís gixsár wák i alé, dír gixsár hatlae ngway ilaá/. Baraá qaymór wake tluwaay ina tluúw, nee qaymór hatlae i tluwiiká, iri qor'ót.

SEKARIA 10:1

AAKOÓ MUNGÚ firimaak tluwoó buhareewo, AAKOÓ MUNGÚ an kudá' tluwoó kwarara/a ngu haahuúw, inós an kudá' baafoó tluwaay gu múk i hanmaamiís nee balángw baraá qamu gu hamareés as muu sleémeero.

SEKARIA 10:7

Nee múk Efraimu tay adór miguusér /uureemaá koom, inooín tay haats qwal/uwo adór múk difaái gaa wah. Na/ii'ín adoorí ngi ariyá' niri qwalaa/iyá', muner'ín iri háts qwal/uwo as anuú AAKOÓ MUNGÚ.

SEKARIA 9:13

Asma Yuda ugwa qwambatís tawa ga/aler'eé', Efraimu ugwa mahángw ga/ale tleéhh, múk Siyoni un ar gadiyuús tawa paángár na/aá Giriki ngir tsuu/, án kuungá' nun paángár migusmo tleéhh.»

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»

DABE 11:14

Kuungá' bar adoorí aga tlehhé', daqaní inós tluwaay ngu haniis baraá yaamuuhúng qoomaadá' hariima, tluwoó saxi, nee tluwoó buhaare, kuungá' balangwhúng kuri bu'uundá', nee difaái nee di/tahunge.

DABE 28:12

AAKOÓ MUNGÚ qaasirós tidá' hho' aa qaás gawaá doori ngi dirógií gweer, tluwaay ngun haniis qoomaadá' hariima, nee gadiyeérók gari tsuuq. Xoordaá yaariir kiri kirkitimís, ala kuúng a kirkimér eeraaká.

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

Filipi 3:1

Alhhe'eesaywo gár án ni oo', hhaee'eé', qwalaala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma i qoón dirhunge ngiwa inkii/.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.