Yoeli 2:22 - Biblía Axweesantá Hhohho' ar Mungú 2004

²² Ma da'ayumitaara', kuungá' makaá baraá xatso, asma qawór baraá xaanxaay naa harmá/. Xaai mamuuín ngaa laqwaliyé', /aantsí nee sabiíbu /ar'i ngaa slaslaaxiyé'.»

Yoeli 2:22 Iomraidhean Croise

IIMU/UUNGW 4:12

Tam yaamu bir dósl, bu'úngw hhó' ngu duuxiaaká, slám kuúng tay heé tawó hi'imaamiít, oo doó hootaaká.»

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

WARA'AMI 65:12

Qawtantá baraá darma gan du/ií paahhamiis, nee gongoama' i baraa/iyá'.

WARA'AMI 65:13

Bee/aangw qawtanaay gwa tuuntuúk, nee balaangw aa hamaár baraá yaamuwo, umuúqo gaaro i bará/ ar qwala/.

WARA'AMI 67:6

Yaamu bu'uungw ngwa hamaaresiyé', AAKOÓ MUNGÚ, Munguúrén, taa tsuúq.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ESEKIELI 36:30

Aníng mamaá xaai nee balángw qamu i tlahhás, as mutunduwa murekeés ar giyeé tidá' tla/ángw xoorduuwo.

ESEKIELI 36:35

Muu iri ooi, ‹Yaamuká' aáng adór xaanxaay, hamí daxta a adór asalmooduú Edeni, nee gixsadudá' aáng naa deewaiyé', kudá' tawa lóh niri sluhhuutiyé', hamí daxta ki hoot nee muu, slamí kaa harweér ar koo/ír gawit.›

ESEKIELI 36:8

Ala gawaá tlom'aá yaamaá Israeliwo xaai haleemi ngi duuxiyá', nee mamu ngi laqwaaliyá' as muk'eé' oo Israeli, asma inooín deeloorí tseewe ta kii/ ayaaín.

YONA 4:11

Xáy, aníng a hariímaáke gixsár Ninewi ngiwa gurtlaw, gixsadá' ur? Baraawose múk yaariír i deer oo kume tsiiruú wák nee mibeeri tsár gaa baa/ oo dákw doó /iyáy nee oo basáy ngu tsatsahhama'aaká. Nee malé alé makaá ló'wa yaariir awa ta de'en i dayá'.»

HAGAI 2:16

Qoomár hee gár i harahhifi tawa guniyadaá mibeeri tsár awa balaangw, aluuwo naxés gár i slay tay guniyadaá mibaangw kilós, nee qoomár hee gár i harahhifi tawa quruntloó mibeeri kooán nguwa iihheeki, aluuwo naxés oo i slay a quruntloó mibeeri tsár.

SEKARIA 8:12

Asma didae wayda i deeruut, sabiíbu /ar'i giri slaslaax, yaamu sleeme bu'uungw'ín ngu duuxiyá' nee tluwaay iri tluuw, aníng mukwí aa meet un muruuwí sleémeero i haniís as nguwa aaliya'.

1 Korinto 3:7

Ala heedaádá' dahaasiím inós a gaarooká, laqaá tam kudá' ma'aá eemiís sleeme. Ala heé afhhamít a Mungú, kudá' ureemiís.