Yoeli 2:21 - Biblía Axweesantá Hhohho' ar Mungú 2004

²¹ «Qámu, kuungá' ma da'ayumitaara', qwalaala/é' nee baraa/é', asma AAKOÓ MUNGÚ muruú urén gwaa tleéhh.

Yoeli 2:21 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

WARA'AMI 71:19

Aá Mungú, aleesleemuuwók nee gan'amuuwók ina gáwtí hardáh ay doori, xáy Mungú, kuúnguudá' muruú urén ugwa tlehh, heé adór kuúng a heemá?

WARA'AMI 98:8

Alwuo tsa/i'i ngi tahh, tlom'aá ninakw i dír wák wa daaiye' ar qwala/.

ISAYA 35:1

Darma nee yaamaá kaahaar i qwalaa/iyá', xaanxaay i qwalaa/ iri /ayuus.

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

HOSEA 2:21

AAKOÓ MUNGÚ i kaahi, «Baalaadae aníng doori in tsuúq as tluwaay iwa baraá yaamií tluwi

Yoeli 2:20

Slawtá ingigi tidá' /iikú daahh a saweés dirhunge, aníng ngiri guús baraá yaamaá xaanxaay nee deewa'ame. Daqtá geerií dirii' iri dát baraá tlawtá da/aáw, nee daqtá alií dirii' i dát baraá tlawtá /uwa, nee dixtir'ín nay tleér, tsutsuir'ín yaamu gay tsatát, asma muruú urén oo tlákw nguna tleehhiyé'.»

Yoeli 2:26

Kuungá' muruú /aymár yaariír un /agá', tay axá', umuú AAKOÓ MUNGÚ, Munguúhúng kuri xirfayeemisá', kudá' naa muruú waa/o/amór i tleehh. Nee muk'eé' kureeriwo ku malé mureekeesiiká.

SEKARIA 8:15

«Hám daxta mada'ayumitaara' baraá de'emuukae asma aníng Yerusalemu aga gár hhoó i slaá' tleehhamooro, nee doó Yuda sleeme.

DABE 4:32

«Axáy muruú aáng aldakutaak, muruú aa tleehharumiit qoomár kuungá' tunduwa laqwaliiká, iimidár aáng Mungú hee nguwa tleéhh gawaá daanduú yaamuwo. Yaahamiisé' yaamu sleémeerowo, bihhaaqá' wa iimu/umaak ay kuqá', barnaxes gár waa/oo/amo ar adór tí aa tleehharút laqaá kaa axaás!

1 SAMUELI 12:16

Gimsé', sihhité' ti amohhe'ese', gaarí ur AAKOÓ MUNGÚ i tleehhi dír ilahúng wa alé, araak.

1 SAMUELI 12:24

AAKOÓ MUNGÚ kilós na ilaiwa/aak kuwa sagadiyusa' ar inkihhimu, nee ar munerhúng sleémeero, inslawimé', adór nura muruú urén i tleéhh.