Yoeli 2:20 - Biblía Axweesantá Hhohho' ar Mungú 2004

²⁰ Slawtá ingigi tidá' /iikú daahh a saweés dirhunge, aníng ngiri guús baraá yaamaá xaanxaay nee deewa'ame. Daqtá geerií dirii' iri dát baraá tlawtá da/aáw, nee daqtá alií dirii' i dát baraá tlawtá /uwa, nee dixtir'ín nay tleér, tsutsuir'ín yaamu gay tsatát, asma muruú urén oo tlákw nguna tleehhiyé'.»

Yoeli 2:20 Iomraidhean Croise

2 WAAWITÁ 8:13

Hasaeli iri oó', «Anuú sagadiyusmoowók oo adór seeoó tawo oo /uuruú koomaaká, muruusíng urén adór ngur tleehh a adoomá?» Elisha guri mu/aywaáts, «AAKOÓ MUNGÚ ngaa laqán kuúng tu waawutmoó múk Aramu wa qaas.»

WARA'AMI 126:3

AAKOÓ MUNGÚ gár ur ngaa tsuwa atén i tleéhh, atén nari ló'wa qwalaala/aán.

TI'INAANGW 10:19

AAKOÓ MUNGÚ fur'aadá' gari warqeés tari fur'ár ur ar /uwaá daahh, iingigtadá' gari húp ay baraá tlawtá Shamu, tam ingigimoó wák gwaa meetiská baraá yaamaá Misri sleémeerowo.

TI'INAANGW 8:14

Muu aamaxupaadá' gari burumburín, gari ufe tlehhiít, yaamu niri tsutsuiyé'.

ISAYA 34:3

Tu'uuín kin tsee/ií kwakwaahh, tsutsuír tu'uuín yaamu giri tsatát, Tseerduín niri gawaá tlom'i wá wa/iyá'.

ESEKIELI 47:18

«Bihhaá da/aawe digma a dír yaaér Yordani, iri kumiit ay tla/ángw Haurani nee Damasko ay Gileadi yaamaá Israeli. Sleeme digma iri waaraáhh bihhaá da/aáw awa Tlawtá Diwi ay yaamaá Tamari.

AMOS 4:10

«Aníng kuungá' nuna pú/tií tleés adór tooaáng naa tleés baraá yaamaá Misri. Aníng masoombarhúng ana tsuú/ baraá slaqwaarár wa ale, farsuuhúng oo slaqwara una ar tláw. Tu'u baraá marayhúng ngiri dalaa/iyé', tsuts'ir'ín baraá duungerhúng gay hatsís. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

SEKARIA 14:8

Baalaadae ma'aá slafiingw ni baraá gixsár Yerusalemúr wa ti'iitiyá', tlaqtaín in bihhaá tlawtá da/aáw xú', tlaqtaín ar hatlá' in wá/ amór tlawtá /uwa. Ma'ayká' aqo nin kumaamitiyá' wa/amiingo age nee buhaareewo.

MALAKI 3:11

Ingigtá bu'ungwhúng hhitiim án a iigahhaát, tam balángw hhaperhúng guri hhitiindaaká, tam sabiíbuuhúng mamuuwós gi paahhasiiká qoomaarós bira xeeriiká baraá qamuuwo.

DABE 11:24

Umuú dír ta adata' ya'ahunge a yaamuuhúng, iimu/úngw digimuú yaamuuhúng a iimír xaanxáy wa tleemu bihhaá basko, tay bihhaá tloomár Lebanoni bihhaá /iiko, iimír yaaér Eufrate wa tleemu bihhaá da/aawe, ay Tlawtá Tla/aangw bihhaá /uwawo.