Yoeli 2:17 - Biblía Axweesantá Hhohho' ar Mungú 2004

¹⁷ Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

Yoeli 2:17 Iomraidhean Croise

1 WAAWITÁ 6:3

Matla/ángw geeraá do' uroó bihheero a miíta tsiyáhh nee tlaqi, uroó bihheero i alqoná' nee do', tlenángw baraywo a miíta gwaleél.

1 WAAWITÁ 9:7

naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

2 QOM'I 7:20

aníng kuungá' nu hingeés baraá yaamuuká na kuungá' i haniisi, nee Do'owí aníng naa hhoohhooeés as umuueé', un amór saáwí kwaáhh dir'eene. Xoordu sleémeero do'owí ngway waqaaiyá' nee ngway niqiná'.

2 QOM'I 8:12

Aluuwo Solomon AAKOÓ MUNGÚ guri ilahhooár dá/tí haniís dír kitangwdá' aa tleéhh dír geeraá matla/ángw Doó Mungú.

NEHEMIA 9:36

Ga/aaweek, atén a lawaale laarí, atén a lawaale baraá yaamuudá' taa baabi'iirén i hanís as mamuuwós kiwa saqwalaala/i nee qeemuuín kudá' hhoe.

WARA'AMI 115:2

Múk xoordaá hatlá' misti yaahamiis, tawa kaahi, «Munguúhúng i amá?»

WARA'AMI 42:10

Baramaanuuser'eé' i /ooslisliín tlaatla/aangw sleémeero, adór inkaahhoó sooní wa ale, tawa kaahi, «Munguúwók i amá?»

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:3

Tlaatla/aangw nee xweeraawo an /aa/amamiím, hhirhheerieé' nay adór muruú /aymar'eé' tleehhitiyé'. Tlaatla/aangw sleémeero muu in yaahamiis tawa kaahi, «Munguúwók i amá?»

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 74:10

Aá Mungú, wakuuse u niqaaqiin ay xaylá? Xáy, umuuwók aqo kun /ooslaaslína ay alhhe'eesay wasle?

WARA'AMI 79:10

A gár milá múk xoordu tiwa babay, «Munguúhúng kwisíng i amá ala?» Ka araané' ló' adór múk xoordu kura li/áy bú', as tsu/utár sagadiyuuseerók.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

WARA'AMI 89:41

Muruuwós kun fisiisín nee múk didár waaraáhh, kun niqimis nee inslaawaywós.

WARA'AMI 89:51

AAKOÓ MUNGÚ, wakuuseerók waawutmoowók kudá' taa tsawát ngu niqimisiyá'. Ngu niqimisiyá' umuúqo dír i kaya.

TI'INAANGW 34:9

Mose iri oó', «Aá AAKOÓ MUNGÚ, bar aníng kuúng iga gurií bá/, aníng kuúng u firiím, atén nee kuúng masók tin alkoomaán, tam mukwí a múk sagegawdene tlakweemaarén gurtlaweek nee dakumisuurene, atén ti aalirók wa ot.»

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

HOSEA 14:2

Tlawsé', inós firiimaak, ki/é' amór AAKOÓ MUNGÚ. Inós ku beera', «Tlakweemaarén sleémeero hingeseek, qeemuurén ilaooheek, daqaní atén kuúng u xirfayesaán afeerene.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:9

Ilahhooár puurú nee ilahhooár muruú wahaangw kaa amór saáw i kwaáhh, kaa huwiiká Doó AAKOÓ MUNGÚ, tam kaahamuusér Mungú, tidá' AAKOÓ MUNGÚ sagadiyuus, in tsuunqumís.

AMOS 7:2

Baraá iigu'utueene ingigi ana ár, umuú gár qantsare gana /ák ar sa baraá yaamií diriia. Aníng nari oó', «Aá Aáko MUNGÚ, na'ás án kuúng u harhhehhe'eés, mukók gurtlaweek, adór xwaylár Yakobo ir hot a adoomá? Inooín a na/aá ninakw.»

AMOS 7:5

An qoomár aníng niwa oó', «Aá Aáko, MUNGÚ, na'ás án kuúng harhheehhe'eés, mukók maweek. Adór xwaylár Yakobo ir hot a adoomá? Inooín a na/aá ninakw.»

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

MALAKI 1:9

Ala daxta aníng kuungá' nu firiím, gurhhooár Mungú na firiimaak, as tiwa gurtlay. Barnaxes muruú adoosíng i baraá dabaahúng daahh, xáy, Mungú nuqo hhoeemií tleéhhi?

FAARO 25:6

Qoomaarír kilae heeko wák oo Israeli /ameenír wák ar múk Midiani ngina huúw dír do'ós. Qoomaarihe Mose nee boo/oó múk Israeli ta dír afkú heémár Mungú i dirii' ta tsuunqumiis.

Matayo 23:35

Gawaá adoorihe tseerdu sleémeero awa múk hota ganaá', kudá' taa yaamií ku'uús, nu i ki/iyá', iimír tseerér Abeli wa tleemu kudá' hota ganaá', tam ay tseerér Sakariuú Barakia, kudá' taa gasé' tla/ángw kitángw ilahhooa nee Doó Mungú.

Matayo 27:43

Inós Mungú gu haratlintatii'. Barnaxes Mungú inós ngu slaa', ngu ba/amisi hamí. Asma inós ina aaín, ‹Aníng a Garmoó Mungú.› »

DABE 28:37

Kuúng tari heé ta aahhi nee heé ta niqin ar axweesanoó bó/ nee oo ta waaqaai baraá tla/ángw muu sleémeero oo yaamuudá' AAKOÓ MUNGÚ kuúng uy huwi.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

YOSHUA 7:9

Múk Kana'ani nee muu sleémeero oo baraá yaamuudá' i dirií' kaangwí bur ngwa axaasiyé', atén tin harweeriyá' tiri hhaamiis, aluuwo daqaní kuúng adór umuuwók kudá' xiríf kur iiatleeres?»