Yoeli 2:16 - Biblía Axweesantá Hhohho' ar Mungú 2004

¹⁶ Muu burumburaare', dinku'uuma ka hhohhooeesá', bariise burumbuuraare', na/ii burumburaak tam kudá' du'uumá'. Garmoó aa duuxun ni hardihi, tam dasír taa duúx sleeme.

Yoeli 2:16 Iomraidhean Croise

2 QOM'I 20:13

Qoomaadae hhawaate sleémeero awa Yuda dinkwa nee tlaaway'ine nee na/ii'ine tana sihhiít dír geeraá AAKOÓ MUNGÚ.

2 QOM'I 29:5

giri báy, «Aníng iiárií qaasaré' kuungaákaá tlahhoó Laáwi, ti kiloohúng hhoohhooeese', nee Doó AAKOÓ MUNGÚ, Munguú baabi'iihúng, ku hhoohhooeesá'. Xwaansláy sleémeero oo didá' hhoohhoó' i dirií' tsee/áy kwahhaak.

2 QOM'I 30:17

Asma mukdá' aa didií burumburiti'i awa yaariir taa hhohhoeesi'iiká, múk Laáwi deelmooduú oo deelór Pasaáka ngway gaasiyé' as mukdá' taa hhohhoeesiiká kuwa hhohhoeesi dír AAKOÓ MUNGUHE.

2 QOM'I 30:19

kuúng u firirimá' ar muner'ín sleémeero, kuúng AAKOÓ MUNGÚ, Munguú baabi'ii'ín, tam inooín ki hhohhoeekahe ar adoodá' dabeedár hhohhoeesa i diri'.»

2 QOM'I 35:6

Deelmoó bee/i oo Pasaáka gaasaak, ti hhoohhooese', nee hhaeehunge, as tiwa amohhe'eesá'. Adoorí tleehhaak ar adoodá' AAKOÓ MUNGÚ ngira oó' ar loohír Mose.»

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

WARA'AMI 19:5

Matlaatleero in ti'imít ar qwala/, adór garmoó duuxuxuúm, adór heé pihhusmo oo taa amohhe'ees qwaatlór ti'iingo.

TI'INAANGW 19:10

AAKOÓ MUNGÚ Mose guri báy, «Tláw amór muu, ku hhoohhooés laarí nee matloowo, daqaní ki ádbeér tlabaaín ngi hhuuntsiye'.

TI'INAANGW 19:15

Mose muu guri báy, «Ti amohhe'eese' as balooqa, hhaawata miwa amór /ameenír káy.»

TI'INAANGW 19:22

Tam kaahamuusér Mungú, tidá' AAKOÓ MUNGÚ gu i tseewuwuw, gár kawa hariím tin ala hhoohhooés, bar adooriheeká án i i buúhh.»

Yoeli 1:14

Muu ádbawaak i gwaawin, dinku'uumár saaliingw ateetaak. Bariise nee yaamuloouuse sleémeero ar Yuda buruumburaak, ta tlay amór Doó AAKOÓ MUNGÚ, Munguúhúng, nee AAKOÓ MUNGÚ kuwa baraadá' wa ii/aa/amiinda', tawa kata',

Matayo 21:16

Yesu kuri báy, «Aga axási adór i kaahiya'?» Yesu iri oó', «Eeít, aga axaás. Kuungá' aga soomusi'iikáhe gídaabá, ‹Kuúng xirfuuwók ugwa amohhe'és kuwa boo/eesi ar afér na/aá ninakw nee awa du'uumá'.› »

Matayo 9:15

Yesu gari báy, «War/aá heé duuxuuxuúm adór ir tsuunqumiisiya' a doomá, qoomár bar ta dinkwárií dirii' nee heedaádá' duuxuxuúm? Ala deelo i hardát ar heedaádá' duuxuuxuúm kuwa hingeesi. Daqaní an qoomár inooín tawa sangw gwaawin.

1 Korinto 7:5

Kuungá' miti /ita/itaara'. Ala aqo tin axweesani axamisá' gídaabá tiwa /ita/ita' ar har qooma, as pa/ángw tawa firiinda' kuwa sleera'. Aluuwo ti malé inki/e', as Neetlaangw pa/aangw munguwa diirír sláy oo nuwa iiara'ari asma kuungá' ila/aango tiwa aleesleera'aaká.

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

YOSHUA 8:35

Baraá axweesanaydá' Mose aa gooini tam /aymuú wák oo Yoshua aa soomusiiká i kaahh dír múk Israelírí ale dinkwa nee /ameenaaro nee na/iiwo nee hoomaadá' baraá tla/angw'ín hoota.

1 SAMUELI 16:5

Samueli iri oó', «Eeít, gár tlaakw i káhh. Nina hardáh as AAKOÓ MUNGÚ nguwa ilahhooárií gaas. Gimsé' ti hhohhoeese', daqaní ilahhooár gár ta gaasaan a dinkwár wa haniisaán.» Samueli Yese guri hhohhoeés nee daaqaywose, giri dahi'ís baraá dinku'uumár ilahhooár muruú ta tsu/i.