Yoeli 2:14 - Biblía Axweesantá Hhohho' ar Mungú 2004

¹⁴ Heé ga xuú' a heemá, dooqa i warqáy, nee nuri tsuuqawós i haniis, bu'úngw yaariír kuwa sleera'. Kuungá' ilahhooár puurú nee ar muruú wahaango, kari dír AAKOÓ MUNGÚ, Munguúhúngí hanisá'.

Yoeli 2:14 Iomraidhean Croise

2 SAMUELI 12:22

Daudi giri báy, «Ar ló', qoomár na/aay iwa slafi, ana gwaawiím nee una ale/aa/amiím. Adoorí ana tleéhh asma ana oó', ‹Heé ga xuú'? Doóqa AAKOÓ MUNGÚ i gurtláy as na/aay iwa hunguu/i.›

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

TI'INAANGW 32:30

Looitleerós Mose muu guri báy, «Kuungá' tlakweemaá ur iga tlehhé', nee hám daxta a tsa/ám gawa amór AAKOÓ MUNGÚ, doóqa wayda gu ya/án daanduú tlakweemaahúng kwisingae.»

ISAYA 65:8

AAKOÓ MUNGÚ i kaahi, «Adoodá' /aroó sabiíbu burkwa sláy tari ooi, ‹Mu hhaamiisaar asma tsuuqa i dayá' baraawose.› Gawaá adoorihe, aníng adoorí kilá' an tleéhh asma sagadiyuuser'eé'. Án inooín sleémeero i baloó qwaareesaaká.

YEREMIA 18:8

ala xooroodá' naa daanda oó', bar muruú tlákw gwaa meér tlehhtuwo, aníng tidá' naa ístí tsaát daanduuine aqo an máw tleehharo.

YEREMIA 26:13

Gimsé', hám daxta hotaahúng gan'aasaak, nee tlehhmi'iihúng gan'aasaak, nee afór AAKOÓ MUNGÚ Munguúhúng iialooeesaak. Adoorí bar aga tlehhé', AAKOÓ MUNGÚ inslawaywós gu warqees, nee amotlakweedá' aa uín ngi huwiiká dirhunge.

YEREMIA 26:3

Doóqa inooín sleémeero ta axaas, nee tlakweemaaín kiri máy. Adoorí birnga tleehhiyé' daqaní inslaway'eé' daanduú amotlakwér ni huwa as tlehhmi'ii'ín kudá' tlakw naa tlehhaahhitiyé' u warqeés.›

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:16

Xáy, muruú /ayma aa qwaáriíke dír ilaarén wa alé? Tam qwala/ nee qaseengw naa qwaarií'iíke baraá Doó Munguúrene?

Yoeli 1:9

Ilahhooár puurú nee ilahhooár muruú wahaangw kaa amór saáw i kwaáhh, kaa huwiiká Doó AAKOÓ MUNGÚ, tam kaahamuusér Mungú, tidá' AAKOÓ MUNGÚ sagadiyuus, in tsuunqumís.

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

YONA 1:6

Ala geeraharusmoó miringamoodá' Yona guri i daqáy, guri báy, «Kuúng mas gú'? Daarkiitáng, Munguúwók firiimeek, doóqa Munguúwók atén ti gurtláy as mawa qwaaraán.»

YONA 3:9

Heé ga xuú' a heemá, doóqa Mungú i ya/án iwa warqay buhhtawós kudá' ngiwa may, as atén mitiwa qwaareés.»

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

HAGAI 2:19

Xáy, dahaasiingw i baraá kuuntírií káhhi? Nee sabiíbuusíng, laqaá /aantsí, laqaá komamaánga, laqaá xaa'aá seituúni gár naa laqwaaliyé' i káhha? Ala iimír laarí wa tleemu án kuungá' nu tsuúq.»

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

1 SAMUELI 6:5

Gawaá adoorihe slaqsa'aá um'iidá' naa ohine' tleehhaak nee slaqsa'aá gareeraá hhituuse baraá yaamuwo, kuungá' Munguú múk Israeli kuri xirfayesá', dooqa Mungú dakós gu har'oh gawaahunge, nee gawaá munguiihunge, nee baraá ayaahunge.