Yoeli 2:12 - Biblía Axweesantá Hhohho' ar Mungú 2004

¹² AAKOÓ MUNGÚ i kaahi, «Ala tam hamí, amor'eé' ki/aare' ar munerhúng sleémeero, nee ar gwaawito nee ar /aa/e, nee ar tsuunqumis.

Yoeli 2:12 Iomraidhean Croise

2 SAMUELI 24:10

Alaá Daudi muu faaroro nguwa hhe'eés iri slahhaá' baraá muunaáwose. Gawaá adoorihe, Daudi iri oó' dír AAKOÓ MUNGÚ, «Ar tlehhmuuwí naa tleehhi, tlakwemaá ur iga tleéhh. Ala hamí AAKOÓ MUNGÚ, án kuúng u harhheehhe'eés, aníng gurtlawáng, anuú sagadiyusmoowók daktu'uuma aga tleéhh.»

2 QOM'I 30:6

Muu kuri ya/aáw nee waawutmo nee geeraharuuse amór múk Israeli sleémeero, nee oo Yudawo. Barwaduudá' gár ki gooín a tí, «Kuungaá múk Israeli, peeroó taa meetiís nee waawituú Ashuru, AAKOÓ MUNGÚ i ki/aare', Munguú Abrahamu, nee oo Isaka nee oo Israeli, inós daqaní kuungá' nu i kii/.

2 QOM'I 6:27

na'amaamis, kuúng iiárií qaaseek gawaá doorí wa ale, tlakweemaá sagadiyuseerók gurtlaweek, mukók oo Israeli, qoomár bira intsaahhatís adór hhoo' ar nir hootiia. Daqaní AAKOÓ MUNGÚ, kuúng tluwaay ku hanís baraá yaamuuká' awa mukók, kudá' kuúng taa inooín i hanís tawa aalir'ín.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

TI'INAANGW 33:5

Adoorí kana tleéhh, asma AAKOÓ MUNGÚ Mose guna báy, «Xoorór Israeli ka beer, ‹Kuungá' a múk sagegawdén, aníng nee kuungá' birtin alkoomana har afi qoomár niina, aqo nun hhaamiís. Gimsé' xosluuhúng kudaá parooti qafimaak, as daqaní aníng gár ni kuungá' i tleehh a xuú'.› »

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 58:4

Gaa/awaak, kuungá' gár tas gwaawiwindá' a tí kilós tawa giliinda', nee tawa slaqwa' nee tiwa tuu'uta' ar kuundi'i. Gwaawitór adoorí laarí tar gwaawiwinda', firorhúng ngi hardahaská dir'eé' tidár gawa.

YEREMIA 3:22

Ki/aaré' kuungá' na/aá inkihhimu wasl, aníng inkihhimu waslerhúng a huungu/uús. Kuungá' a kata', «Ga/aaweek atén naa ki/aán amoorók asma kuúng an AAKOÓ MUNGÚ, Munguúrén.

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

YEREMIA 4:1

AAKOÓ MUNGÚ i kaahi, «Aá múk Israeli, kuungá' bar ki/imaá sla'á', amor'eé' ni ki/aaré'. Muruudá' aníng i buhhtamís dír ilaeene bur ugwa hingesé' nee bar kumita'aaká toonganuuwo.

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

HOSEA 12:6

Ala kuungá', ki/é' amór Munguúhúng, sla'aari nee gan'amu aldakuutaak, nee Munguúhúng harahhifaak umuúqo daqto.

HOSEA 12:7

Múk Israeli a adór heé halaanu'uumár tleéhh ar al/ayma, muu gun slaa' nguwa /aytin.

HOSEA 14:1

Aá kuungaá múk Israeli, amór AAKOÓ MUNGÚ, Munguúhúng, nay ki/aak, asma aga dukutsé' as tlakweemaahúng.

HOSEA 6:1

Qwalaasé', a amór AAKOÓ MUNGÚ i ki/aán, inós atén tina karslamiís nee inós atén tin hungu/uus, inós tina tlaqamiís, nee inós inkahhi'iirén ngin tseek.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

SEKARIA 7:3

Nee kaahamuusér doó AAKOÓ MUNGÚ Aleesleemusmo dinkwa nee aaruuseero kiwa yaahasi, kiwa bay, «A kumiitána tawa tsuunqumisaan nee tawa gwaawiwimaan slahhángw kooane adoodá' ta /imamisaan kureeraá yaariir awa naa waarahhi'i.»

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

MALAKI 1:9

Ala daxta aníng kuungá' nu firiím, gurhhooár Mungú na firiimaak, as tiwa gurtlay. Barnaxes muruú adoosíng i baraá dabaahúng daahh, xáy, Mungú nuqo hhoeemií tleéhhi?

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

HAR'OHUUSE 2:4

Alaá malaykamooduú AAKOÓ MUNGÚ /aymi'iiká' ooaro ngiwa hhe'eés dír múk Israeli sleémeero, mukwí afor'ín ngiri tleesiyé' tari /aa/amín.

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»

1 SAMUELI 7:6

Xoorór Israeli iri burumburít baraá Mispa, ma'aay kiri hheék, kiri ku'umiís dír geeraá AAKOÓ MUNGÚ. Baalaadae tari gwaawín, nina ooiyé', «Tlakweema iga tleehhaán dír AAKOÓ MUNGUHE.» Samueli qaa/oó múk Israeli guri baraadaá Mispár wa tlaáq.