Yoeli 2:1 - Biblía Axweesantá Hhohho' ar Mungú 2004

¹ Tarumbeéta ufaahhaak, gawaá tloomár Siyoniro, uui ilahariisaak, gawaá tlomar'eé' tidá' hhoohhoo', as yaamuloouusér Yuda sleémeero iwa daaraxat, asma deelór AAKOÓ MUNGÚ ni hardát, slám naa naká/.

Yoeli 2:1 Iomraidhean Croise

1 QOM'I 15:28

Aluuwo múk Israeli sleémeero sandakmoó alqadór AAKOÓ MUNGÚ kunguna huúw baraá Yerusalemu ar kwaraa/ír ur, xareemi nee tarumbeétaro kiri ufaáhh, nee mitingiraay kuna tsingili'imiís, nee afo kari tleesa hhe'eés ar mariímba nee gidaandooraay.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

WARA'AMI 87:1

AAKOÓ MUNGÚ iihhafirír gixsarós gaa tleéhh, gawaá tloomarós ar hhoohhoo'.

TI'INAANGW 10:14

Iingigtadá' niri ti'ít baraá yaamaá Misri sleémeerowo, yaamaá Misri sleémeero giri al'iwít. Nee iingigtadá' ka ló'wa ur, ar adór tidá' aa baloó ti'itká, nee inqo baloó ti'itká sleeme.

ISAYA 13:6

/Aa/amiimé' asma deelór AAKOÓ MUNGÚ naa tseewuúr. Baalár qwanaay ni hardát amór Aleesleemusmoó wá ale.

ISAYA 13:9

Ga/aawaak, deelór AAKOÓ MUNGÚ i hi'ít, a deelór hhamhhám, ar xaraasl nee buhhtaá xaraaslá', as yaamu ngiwa hhitin nee mukdá' tlakweemaá tlehhahhiít nguwa qwaareesi.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

ISAYA 66:5

Axweesantá AAKOÓ MUNGÚ iiárií qaasaak kuungáká' axweesantós ngi ilaiwawaa/á'. «Hhaeehúng kudá' kuungá' nu ahhiitá' nee naa si'iye' as umuueé' inooín i kaahiya', ‹Gimáy AAKOÓ MUNGÚ ti xirfayeesi as atén qwal/uuhúng nguwa araan.› Ala múk ta mureekeesi an inooín.

YEREMIA 16:10

Qoomár bár kuúng /aymi'iiká' sleémeero iga dír múkwí ó', inooín kuúng turi yaahaas tawa kaahi, ‹Ahaá waáy, gár AAKOÓ MUNGÚ atén tis i xaraasli? Dakumisuurén a milá? Ahaá tlakweemaá taa AAKOÓ MUNGÚ, Munguúrén i tleehhaán a milá?› »

YEREMIA 16:7

Heé mukdá' tsuunqumiís as qatlór xwayliitér'ín gu muruú /ayma nee ma'aá wahaángwí hanmiís i kaahh as ngiwa gurkwa/asi.

YEREMIA 4:5

Kaangw ooaak baraá Yudawo. Afo ilahanisaak amooqár Yerusalemuro tawa oa', tarumbeéta ufahhaak baraá yaamuwo. Afo tleesa hhe'esaak tawa kata', «Dinkwa i burumburitaak, gusé' a guwaán baraá gixsadaá koo/i gawden.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

ESEKIELI 12:23

Muu baweek, Aníng Aakoó MUNGÚ a kah, ‹Axweesantí bo/ aa fák nee ka malé axweesiiká baraá yaamaá Israeliro.› Ki beer, qooma naa xeér ar iigu'utu sleémeero iwa boo/i.

ESEKIELI 21:12

Heewí, /aá/ nee ta tsuunqumís, paángarí kaa tleés gawaá muk'eé', i gawaá múk urén oo Israeli sleémeero. Ki hhaamiis ar paánga dinkwa nee muk'eene. Da/eewawók slahheek as gurhaami.

ESEKIELI 30:3

Asma deeloodá' ka tseew, deeloodár AAKOÓ MUNGÚ ka ló'wa tseew. Deeloorí a adór giwtír ma/ami, baalár xoordu kiwa hhaamisi.

ESEKIELI 33:3

Heewí bar wakuuse ngaa ár i hi'ít, tarumbeéta gan ufaahh as muu nguwa gurbui.

ESEKIELI 33:6

Ala barnaxes xuumusmo wakuuse gaa ár i hi'ít, ala tarumbeéta gaa ufaahhiiká, nee muu kwa gurbuiiká daanduú tsaxwaaká hi'iita'a, nee wakuuse hee guri gás baraá tla/angw'ine, heewí tlaákw iri gwaá', inós ina gwaá' as dakuúsarós, ala aníng hhiintluú heewí u iinuús gawaá daanduú xuumusmoowí.

ESEKIELI 7:10

«Ga/aawaak, deeloodá' ni hi'ít, hhaamiisarhúng naa hardát, gurtleemu i umuú dii, nee daara/aangw a /ar/aantuús.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

DANIELI 9:20

«Qoomár niwa firiím, niwa tlakweemaaeé' gwadidiim, nee tlakweemaá muk'eé' oo Israeli dinkwa nee AAKOÓ MUNGÚ, Munguúeé' nguwa i /aa/amiim as daanduú tloomár hhoohhoo' ar Munguúeé',

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

Yoeli 2:15

Gimsé', tarumbeéta ufaahhaak gawaá tloomár Siyoniro, muu ádbawaak i gwaawin. Dinku'uumár saaliingw ateetaak.

Yoeli 2:31

Tsee/amá kun warqees tay giwti, nee slahhaangw in tseere tleehhiit, dír deeloorí ur ar AAKOÓ MUNGÚ ar dae tlaaq nira hardatká.

Yoeli 3:14

Slaweemaá amaqawár yaariir i baraá xatstá kwasleema.» Asma Deelór AAKOÓ MUNGÚ naa naká/ baraá xatstá kwasleemaro.

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

AMOS 3:6

Xáy, tarumbeéta kaqo tawo ufaáhhi baraá gixsaro, muu iri da'ayutiiká? Xáy, gár tlaakw iqo baraá gixsár wa tleehharúta ar amór AAKOÓ MUNGÚ dahhaaká?

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

AMOS 8:2

AAKO aníng iri báy, «Ámos, gár taa aán?» Aníng niri oó', «Gár naa ár a lakwaantír mamaá naa hamaariye' gi koom.» AAKOÓ MUNGÚ iri báy, «Alhhe'eesoó muk'eé' oo Israeli naa hardáh, aníng tlakweemaaín i malé gurtlawaaká.

OBADIA 1:15

Asma deelór AAKOÓ MUNGÚ xoordu sleémeero ngiwa sakwasleemuuti naa tseewuúr. Adoodá' taa tlehhé' an adór tindi kuungá' i tleehhi. Tundun buu' ar harqoomoó tlehhmi'iihúng.

SEFANIA 1:14

Baalár ur ar AAKOÓ MUNGÚ naa tseewuúr, naa naká/ slam i ló'wa gaanslár hi'ít. Tseeór baalár AAKOÓ MUNGÚ i ló'wa slahh'eemís, tam migusmo in /aa/ ar afór úr.

SEFANIA 1:16

deelór tsimaahhír tarumbeétár slaqwara, daanduú gixsadaá koo/i gawdene, daanduú /ampuudá' ló'wa tlede.

SEFANIA 1:7

Xasliít dír geeraá Aakoó MUNGÚ, asma deelór AAKOÓ MUNGÚ naa naká/, AAKOÓ MUNGÚ ilahhooár mruú ta tsu/i gaa amohhe'eés as dahaayeerós ngiwa hhoohhooeesi.

SEFANIA 3:11

Baalaadae tlakweemaawók kudá' tawa dee/aanút dir'eene, gár kiwa sa muruumit i káhh. Asma baalaadae mukdá' daara/aám nee ti xirfayeemiís un hingeés diroge. Slám kiíng a malé daara/utká gawaá tloomar'eé' tidá' hhoohhooe.

SEKARIA 14:1

Ga/aaweek, deelór AAKOÓ MUNGÚ naa tseewuúr ar muruuhúng kudá' taa hayóh kuwa qasmiisi dír ilaahúng wa alé.

SEKARIA 8:3

Aníng a wayaá' Siyoni, án niri hotaá áw tla/ángw gixsár Yerusalemu, nee gixsár Yerusalemu kay bay, ‹Gixsár inkihhím.› nee tloomár AAKOÓ MUNGÚ Aleesleemusmo kari bay, ‹Tloomár hhoohhoo'.›

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

FAARO 10:2

«Tarumbeetadaá tsár awa muqslaadár peésa kwahhuteek. Tarumbeétarí an ufhhaán qoomár bar múk ateetiín, nee qoomár bar ta xafoó fe/iit as tawa loohi.

FAARO 10:3

Tarumbeéta tsaraawo barka al'ufaáhh dinkwaárí ale, muu sleémeero i burumburiiti dír geeraawók, bihhaá heémár Mungú.

1 Korinto 14:8

Nee tarumbeéta barnaxes aa /a/iká ar afoodá' axaasa hho', heé ti amohhe'eés slaqwaraaro a heemá?

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

1 Tesalonike 5:2

Asma kuungá' kilá' a xuá' adór deelór Aako nir hardát adoodá' fisusmo nir hardihi xweeraawo.

Yakobo 5:8

Kuungá' sleeme qiqtliimé', munerhúng gawdeemisaak, asma hardahamuú Aako naa nakaá/.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

Geehhoeemaá 6:17

Asma Deeloodá' ur naa hardát ar Mungú nee Deelmoó bee/i sakwasleema kawa tleehhi, nee heé sihhtano ga aleesláw baalaadae a heemá?»