Yoeli 1:9 - Biblía Axweesantá Hhohho' ar Mungú 2004

⁹ Ilahhooár puurú nee ilahhooár muruú wahaangw kaa amór saáw i kwaáhh, kaa huwiiká Doó AAKOÓ MUNGÚ, tam kaahamuusér Mungú, tidá' AAKOÓ MUNGÚ sagadiyuus, in tsuunqumís.

Yoeli 1:9 Iomraidhean Croise

2 QOM'I 13:10

«Ala bartarene, AAKOÓ MUNGÚ an Mungú, slám ugwa baloó geexawaniiká, kaahamuusér Mungú ar ta koomaan ar tlahhoó Aroni, tidá' AAKOÓ MUNGÚ sagadiyuus, kin alee/iimiis nee múk tlahhoó Laáwi.

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

ISAYA 61:6

Ala kuungá' tundun bay, «Kaahamuusér AAKOÓ MUNGÚ.» Nee tunduri bay, «Sagadiyuusér Munguúrén.» Kuungá' daqaari'iimár xoordu an /agá', nee baraá daqaari'iimar'ine kuungá' xirif kuri sleerá'.

WA/AA/I 1:16

«Aníng hamí an /aa/amiím as kaangwí. Hhirhheeri baraá ilaeene in tawo wa/aminá', as heé aníng i gurkwa/ás kuwa saáw dir'eene, kudá' aníng i muunií qaás i kaahh. Na/iieé' kina kilooín geexáy asma wakusmo aa baalín.

WA/AA/I 1:4

Lohaá Siyoni i tsuunqumisiyá', as heé hardáh iwa kahhi bál deelór ure. Afér maraá gixsa aa tawo mét, kaahamuuseerós i baraá /ifór diren, /amaatliiteerós kaa hhiimbirtlín, nee gixsa i baraá slahh'amaayér diren.

HOSEA 9:4

Ilahhooár difaái ka sangw dír AAKOÓ MUNGÚ i hanisiiká, tam ngu sangw qwal/atisiiaaká ar ilahhooár muruú ta tsu/i. Ilahhooaar'ín ar muruú ta tsui tari adór mikaátér múk tsuunqumiís. Umuúqo heé gaa /ayi kwaa meetagaás. Asma mikaáter'ín tidá' gár iwa hariin a har qwarkuín gun tse'eemís, i harindaaká kawa baraá doó AAKOÓ MUNGÚ i huwi.

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.

Yoeli 1:16

Xáy, muruú /ayma aa qwaáriíke dír ilaarén wa alé? Tam qwala/ nee qaseengw naa qwaarií'iíke baraá Doó Munguúrene?

Yoeli 2:14

Heé ga xuú' a heemá, dooqa i warqáy, nee nuri tsuuqawós i haniis, bu'úngw yaariír kuwa sleera'. Kuungá' ilahhooár puurú nee ar muruú wahaango, kari dír AAKOÓ MUNGÚ, Munguúhúngí hanisá'.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »